प्रस्‍थान 18:21 - Sunuwar Bible

²¹ गे मुर नेल्‍ल आन दाते रे रिम्‍शो गेय पने चाप्‍ब परमप्रभु कली मान पा हिंब, थमा सुइक्‍चा पुंइसीब नु ख्रुइश्‍शा मार मार ताक्‍शा मजाइब मुरपुकी योव़चा माल्‍नेवे। नोले मेको मुर आन कली कोव़ब ठेयब मुर वोतो। मेको आन कली १० जना मुर आन कली कोव़ब, ३० जना मुर आन कली कोव़ब, सहे सहे जना मुर आन कली कोव़ब नु हजार हजार जना मुर आन कली कोव़ब ठेयब मुर आन कली योव़ङो।

प्रस्‍थान 18:21 ပူးပေါင်းရင်းမြစ်များ

उत्पत्ती 22:12

मेकोमी “इ तौ कली मक्‍योरो। मेको कली मारेइ मपतो। मारदे हना गे परमप्रभु कली मान पा हिंबाक्‍ते। गो मुल तुइक्‍ताक्‍ङ। गे इ का ला बाक्‍शो तौ आं कली गेचा ठीक पाप्‍तीवी। इ का ला तौ यो आं कली गेचा टीबाक्‍ते” देंमाक्‍त। रोमी ८:३२; हिब्रू ११:१७

उत्पत्ती 42:18

मिनु नाक्‍त सां नोले योसेफमी “गो परमप्रभु कली मान पा हिंनुङ। मोपतीके गेपुकी ब्रोंइचा कली आं देंशो पने।

उत्पत्ती 47:6

इजीप्‍त रागी इ रागी खोदेंशो मिम्‍तो। नेल्‍ल क्‍येङा रिम्‍शो जोतीके गोशेनमी मेको आन कली बाक्‍पतो। मिनु मेको इ मुर आन दातेमी रिम्‍शो गेय पाइब बाक्‍तेक्‍म हना, आं बस्‍तु भाव आन कली यो कोव़पतो” दे मदा बाक्‍त।

२ सामुएल 18:1

दाऊदमी आं नु बाक्‍शो मुर आन कली लडाइ पचा कली पुक्‍मी बाक्‍त। मिनु हजार का नु सहे का ङा मुर आन कप्‍तान योव़मी बाक्‍त।

२ सामुएल 23:3

इस्राएली आन परमप्रभुम लोव़ पाप्‍तु। इस्राएली आन सेरथे फुल्‍लुमी आं कली ‘सुमी मुर आन कली ठीक निसाफ पाइ‍बा, सुम परमप्रभु कली मान पा हिंशा हुकुम पाइ‍बा,

१ राजा 18:12

गो इन कली प्रोनु चोटी परमप्रभु यावे आ सोक्‍तीम इन कली लाइक्‍ब। मिनु गो लशा आहाब कली मो देंङानु, मेकोमी इन कली मथित्‍तु हना, आं कली साइक्‍ब। मो हना यो, गो, इन गेय पाइब, आं आल रेन परमप्रभु यावे कली मान पा हिंशा, थमा सुइक्‍ब बाक्‍नुङ।

१ राजा 18:3

मिनु आहाबमी आ खिं कोव़ब ओबदिया कली ब्रेत्‍थ सोइक्‍ता बाक्‍त। मेको ओबदिया परमप्रभु यावे कली शुश मान पा हिंशा, थमा सुइक्‍ब मुर का बाक्‍माक्‍त।

एज्रा 7:25

मिनु गे, एज्रा इ परमप्रभुमी इ कली तुइक्ब थुं गेशो बाक्‍त। मोपतीके युफ्रेटीस आइक्‍ची हांबु ङा रागी कली हुकुम पाइब नु निसाफ पाइब योव़शा वोइक्‍चा माल्‍नेवे। मेकोपुकीमी युफ्रेटीस आइक्‍ची हांबु ङा मुर नेल्‍ल आन कली निसाफ पचा माल्‍नीम। मेको परमप्रभु आ अरेशो लोव़ तुइक्‍ब दुम्‍चा माल्‍नीम। गे मतुइक्‍ब आन कली शेंचा माल्‍नेवे।

नेहेम्‍याह 5:9

मिनु लेंशा “इन पशो मरिम्‍शो बाक्‍ब। आंइ जोरी सत्रुपुकीमी आंइ कली शुक्‍शी मपपाइक्‍थु, आंइ परमप्रभु कली मान पा हिंशा, गेय पचा ममाल्‍नीनी ङा?

नेहेम्‍याह 7:2

मिनु गो आं लोक्‍ब हानानी नु लडाइ पाइब आन नेल्‍ल क्‍येङा ठेयब मुर हनान्‍याह आस कली यरूसलेममी हुकुम पाइब सेल्‍तासी। मारदे हना शुश मुर आन क्‍येङा हनान्‍याह दीगो नु रिम्‍शो पाइब परमप्रभु कली मान पा हिंब बाक्‍त।

अय्‍युब 1:1

साइ नेसी ऊज रागीमी अय्‍युब नें पाइश्‍शो मुर का बाक्‍माक्‍‍त। मेको ब्रोंइम सम्‍म दोस मतथु नु रिम्‍शो थुं पाइश्‍शो दुम्‍शा बाक्‍चा माल्‍ब मुर बाक्‍माक्‍त। मेको परमप्रभु कली मान पा हिंशा मरिम्‍शो पतीक रे ङोन बाक्‍ब मुर बाक्‍माक्‍‍त। येरमीया २५:२०; बिलाप ४:२१; इजीकीएल १४:२४,२०; याकूब ५:११

अय्‍युब 29:16

मारेइ मथीब आन कली आन आफ खोदेंशो दुम्‍ती। गो अर्को रागी ङा मुर आन कली आन मुददा कोव़शा गेतामी। अय्‍युब ३१:१८

अय्‍युब 31:13

गो आं वाइलीम वाइल आन थुं मनुशो लोव़ पाता हना, सिक्‍सी पपाइक्‍तामी।

भजन संग्रह 15:1

परमप्रभु यावे, इन बाक्‍तीकेमी सु बाक्‍ने चाप्‍बा ङा? इन डांडाम सु बाक्‍चा ताइबा ङा? उपदेसक ४:१७

भजन संग्रह 15:5

सुमी क्‍येट जेर गेशा, चाइक्‍ब मताक्‍बा, सुमी दोस मताइब कली श्‍येत गेचा कली घूस मजाइबा, मोदेंशो मुर गेना हना यो महिम्‍सीथु, परमप्रभु यावे आ बाक्‍तीकेम बाक्‍चा ताइब। प्रस्‍थान २२:२४; ब्‍यवस्‍था २३:२०-२१

प्रस्‍थान 17:9

मिनु मोसामी यहोसु कली “इं मुरपुकी रे योव़शा, अमालेकी नु लडाइ पथ लावो। गो परमप्रभु आ कोक्‍के शेशा, दीसा मेको डांडा तार राप्‍शा बाक्‍नुङ” देंत। गन्‍ती १३:८,१६

प्रस्‍थान 18:25

मिनु इस्राएली आन दाते रे रिम्‍शो गेय पाइब आन कली योव़शा, मुर आन कली कोव़ब वोइक्‍तु। १०, १०, ३०, ३०, सहे सहे नु हजार हजार जना मुर आन कली कोव़ब वोतो।

हितोपदेस 28:2

रागी ङा मुरपुकीमी मरिम्‍शो पाम्‍तेक्‍म हना, हुकुम पाइब शुश दुम्‍नीम। तन्‍न निप्‍स पाइश्‍शो हुकुम पाइब बाक्‍त हना, गेना हना यो रिम्‍शो बाक्‍ब।

उपदेसक 12:13

नेनो, नेल्‍ल क्‍येङा नोले ङा लोव़ मार बाक्‍ब देंशा हना, परमप्रभु कली मान पा हिनो। मिनु मेको आ शेंशो टिवो। मारदे हना मुर नेल्‍ल आन पचा माल्‍शो एकोन बाक्‍ब। ब्‍यवस्‍था ६:२

यसैया 16:5

गेना हना यो दाक्‍ब आ नित्‍तीक वोंइसीब। मेको दाऊद आ ताम्‍बुम बाक्‍ब। मिनु मेको नित्‍तीकेमी थमा सुइक्‍चा पुंइसीब ठीक निसाफ पा हुकुम पाइब का निस्‍सीब। मेकोमी रीब पा कुल मकोव़थु, निसाफ पाइब।

यसैया 33:15

सु ठीक पाइबा, रिम्‍शो थुं ङा लोव़ पाइबा, गेयी कि गेयी, दे क्‍येट मताक्‍बा, सुम घूस मजाइ‍बा नु “हुश ख्राक्‍श पोक्‍य” देंमानु, मेको आन लोव़ मटीबा नु मरिम्‍शो पाइब आन पशो काइ तचा मदाक्‍बा। भजन संग्रह १५:-; भजन संग्रह २४:३-४

यसैया 59:4

सुइमी ठीक निसाफ मपाइनीम। सुइमी ठीक निसाफ पाइक्‍चा मपुंइसीनी। गे जाम्‍शा लाइब कली थमा सुइश्‍शा, जोल पाइनीनी। मेकोपुकीम हेंथे पतीकेम ब्रीशा, मरिम्‍शो पतीके ला थीनीम। भजन संग्रह ७:१५

येरमीया 5:1

परमप्रभुमी “यरूसलेम ङा लां आ एर ओंथ कोव़शा गाक्‍को। नेल्‍ल कोव़शा इ तशो नेल्‍ल ब्रेक्‍तो। आ लाङगा मेर माल्‍शा कोव़ङो। मिनु मेकेर ठीक गेय पाइब नु थमा लोव़ माल्‍ब मुर का यो थित्‍तीवी हना, गो यरूसलेम कली माफ गेनुङ। उत्‍पत्ती १८:२२-३२

इजीकीएल 18:8

मेकोम जेर गेशा चाइक्‍ब मताक्‍ब, मेको मरिम्‍शो पतीक रे ङोन बाक्‍ब नु मुर आन दातेम कुल मकोव़थु ठीक निसाफ पाइब। प्रस्‍थान २२:२४; भजन संग्रह १५:५

इजीकीएल 22:12

मेकेर मुरपुकीम मुर साइक्‍चा कली घूस ताक्‍नीम। गे मुर आन कली जेर गेशा आ चाइक्‍ब के यो चाइक्‍ब ताक्‍नेवे। आंम नेक्‍था ङा मुर आन कली दिप्‍शा आंम कली रिम्‍शो दुम्‍तीक गेय पाइनेवे। गे आं कली प्रेंताक्‍यी” ’ दे परमप्रभु, परमप्रभु यावेमी” देंत। प्रस्‍थान २२:२४

जकरिया 7:9

मिनु मुर नेल्‍ल आन परमप्रभु यावेमी मार लोव़ पाप्‍तु देंशा हना “ठीक पा निसाफ पने, दाक्‍मुने नु शिशी पमुने, मीका ६:८

जकरिया 8:16

गेपुकीमी मार पचा माल्‍नीनी देंशा हना, गे इन दातेमी थमा लोव़ ला पमुने। इन ठेयब लाप्‍चोमी जिचा मबोक्‍चा ङा पा थमा नु ठीक निसाफ पने। एफिसी ४:२५

गन्‍ती 1:16

एकोपुकी इस्राएली आन दाते रे योव़शो आन थर ङा ठेयब मुर बाक्‍नीम।

गन्‍ती 1:4

मेको नेल्‍ल आन थर रे मुर का कामी इस कली वारच पचा माल्‍नीम। मेको मुर आन खिं ङा ठेयब मुर बाक्‍चा माल्‍नीम।

गन्‍ती 10:4

तन्‍न का ला ताप्‍शोनु, इस्राएली आन थर थर ङा मुर आन ठेयब मुरपुकी इ ङोंइती जाक्‍शा बुक्‍चा माल्‍नीम।

लूका 18:2

मिनु मेकोमी “सहर कामी निसाफ पाइब का बाक्‍माक्‍त। मेको सुइ नु महिंब बाक्‍माक्‍त। परमप्रभु यावे कली ममिम्‍थु, मुर आन लोव़ यो मनेंथु, आ थुंमी मार पिमे में ला पाइबाक्‍माक्‍त।

लूका 18:4

शुश नाक्‍ती सम्‍म निसाफ पाइबमी मेको कली आ पुंइशो मगेवा बाक्‍त।

प्रेरित 20:33

गेपुकी नु बाक्‍ङानु, इन बाक्‍शो सुन चांदी वा नेल्‍ल तशा मवाल्‍ङ। मारेइ मताक्‍गु।

प्रेरित 6:3

मोपतीके मेको योक्‍चा कली मुरपुकी वोइक्‍चा माल्‍नय। दोदेंशो मुर माल्‍नय देंशा हना, मुरपुकीमी हिक्‍शो, परमप्रभु यावे आ सोक्‍तीमी ब्रीशो नु जोक्‍ब तुइक्‍ब ७ जना गेय पाइब मुर योव़चा माल्‍नय। १तिमोथी ३:८-१०

ब्‍यवस्‍था 22:18

मिनु सहर ङा खाल्‍पापुकीमी मेको वोंइश मुर कली सजाइ गेचा माल्‍नीम।

१ तिमोथी 3:3

राकसी शांबु तूशा दुक्‍ब नु तुप्‍ब मुर थमा सुइक्‍ब आन कली कोव़ब दुम्‍ने मचाप्‍ब। थमा सुइक्‍ब आन कली कोव़ब रिम्‍शो थुं पाइश्‍शो बाक्‍चा माल्‍ब। जिचा पोक्‍ब नु क्‍येट शुश दाक्‍बमी एको गेय पने मचाप्‍ब।

यहोसु 22:14

मेको नु काथा इस्राएल ङा नेल्‍ल थर रे पा १० जना ठेयब मुर आन कली यो सोइक्‍ताक्‍म।

१ सामुएल 8:12

मिनु का निक्‍शी आन कली हजार का जना आन ठेयब मुर सेल्‍ब। का निक्‍शी आन कली ५० जना आन ठेयब मुर सेल्‍ब। मेको आ रू वाक्‍शा, आ बाली नाली रुप्‍ब सेल्‍ब। मिनु मेको आन लडाइ पतीक या नु बग्‍गी सेल्‍पाइक्‍ब।

१ सामुएल 8:3

तन्‍न मेको निक्‍शीमी आस आफोम पशो खोदेंशो मपाम्‍से बाक्‍त। क्‍येट पाइश्‍शो दुम्‍चा कली घूस जाम्‍से बाक्‍त। दूली निसाफ पाम्‍से बाक्‍त। ब्‍यवस्‍था १६:१९