प्रस्‍थान 18:20 - Sunuwar Bible

²⁰ परमप्रभु आ फुल्‍लुम मुशा ब्रेक्‍शो लोव़ नु आ अरेशो लोव़ मेको आन कली तुइक्‍पतो। मोपा गे मेको आन गाक्‍तीक लां नु आन पचा माल्‍शो गेय मेको आन कली शेंदो।

प्रस्‍थान 18:20 ပူးပေါင်းရင်းမြစ်များ

भजन संग्रह 143:8

आं कली सुनी इन गेना हना यो दाक्‍तीके आ पर्बम नेंपाइय्‍यीनी। मारदे हना गो इन कली थमा सुइक्‍नुङ। गो तेको लां गाक्‍चा माल्‍नुङा, मेको आं कली शेंदीनी। गो इन लां कोव़शा बाक्‍नुङ।

भजन संग्रह 32:8

मिनु परमप्रभुमी “गे तेको लांम गाक्‍चा माल्‍नीनी, मेको इन कली शेंनन्‍नी। गो इन कली कोव़शा, लां कोंइनन्‍नी।

प्रस्‍थान 18:16

मेको आन दातेमी मार मार निसाफ पाचा माल्‍शो बाक्‍मे, मेको गो गारपाइक्‍नुङ। मोपा गो निसाफ पचा माल्‍नुङ। मिनु मेको आन कली परमप्रभु आ फुल्‍लुम मुशा ब्रेक्‍शो लोव़ नु आ अरेशो लोव़ तुइक्‍पाइक्‍नुङ” दें‍त।

यसैया 30:21

मिनु गेपुकीमी “ग्‍युरा लां लङ कों, पेरा लां लङ” देंनीनु, इन नोले लोव़ कामी “लां मेकोन बाक्‍ब, मेको लां गाक्‍कीन” देंशो नेंनीनी। ब्‍यवस्‍था ५:३२

येरमीया 42:3

मिनु परमप्रभु यावे, इन परमप्रभुम गो ते लचा माल्‍नीकी, मार पचा माल्‍नीकी, मेको कोंइदल, दे पुनीन” देंतेक्‍म।

येरमीया 6:16

मिनु परमप्रभु यावेम मार, देंत देंशा हना “लां ब्रा‍तीकेम राप्‍शा कोव़ङीन। माइत लां आ पर्बम हिल्‍लो पने। मेको रिम्‍शो लां ते बाक्‍बा, दे हिल्‍लो पने। मिनु मेको लांमीन गाक्‍कीन। मिनु इन थुं ना‍इक्‍चा ताइनीनी। तन्‍न मेकोपुकीम ‘गो मेक मगाक्‍नीकी’ देंनीम। मत्ती ११:२९

इजीकीएल 3:17

मार लोव़ पाप्‍तु देंशा हना “ए मुर, गो इ कली इस्राएली आन खिं ङा मुर आन कली खाल पाइब सेल्‍तन। गे आं देंशो लोव़ नेंतीवी हना, मेको आन कली आं लोव़ रे पा हिंच कोंइदीमी। इजीकीएल ३३:७; यसैया ५२:८; हिब्रू १३:१७

मीका 4:2

मिनु रागी रागी ङा मुरपुकी मेकेर जाक्‍शा, मेकोपुकीमी “जाक्‍कीन। गोपुकी परमप्रभु यावे आ डांडा लय। याकूब आ परमप्रभु आ खिं लय। मेकोम इं कली आ लां कोंइब। मिनु गोपुकी मेको आ लांम गाक्‍ने चाप्‍यल। मारदे हना शेंतीके सियोन रे नु परमप्रभु यावे आ लोव़ यरूसलेम रे ग्रूब” देंत। लूका २४:४७

मत्ती 28:20

मिनु गोमी इन कली मार मार शेंदन्‍नी, मेको नेल्‍ल मेको आन कली शेंशा पपतीने। नेनीने, रागी मनुप्‍ची सम्‍म गो गेनायो गेपुक नु बाक्‍नुङ” देंत। मत्ती १६:२०

मर्कूस 13:34

दोदेंशो दुम्‍ब देंशा हना, मुर का तेइ तेइ हिरथ लमेनु, लचा ङोंइती आ गेय पाइब आन कली का का पा आन गेय योक्‍शा, लाप्‍चो खाल पाइब कली ‘गेना हना यो लां कोव़शा बाक्‍को’ दे माइश्‍शा लाइब।

ब्‍यवस्‍था 1:18

मेना गो इन पचा माल्‍शो गेय नेल्‍ल अरेतन्‍नी।

ब्‍यवस्‍था 4:1

मिनु मोसामी “मिनु गे इस्राएली नेल्‍ले, गो इन कली परमप्रभु यावे आ फुल्‍लुम मुशा ब्रेक्‍शो लोव़ नु आ निसाफ पतीक लोव़ शेंनुङ। इन नोफा दाइक्‍तीन। मिनु आ शेंशो पने। मेको पाइतीनी हना, गे ब्रोंइचा ताइनीनी। मिनु गे परमप्रभु यावे, इन किकी पिपी आन परमप्रभुमी इन कली गेशो रागी ओव़चा नु इन के सेल्‍चा ताइनीनी।

ब्‍यवस्‍था 4:5

मिनु परमप्रभु यावे, आं परमप्रभुमी आं कली अरेशो खोदेंशो पा, गो इन कली आ फुल्‍लुम मुशा ब्रेक्‍शो लोव़ नु आ निसाफ पतीक लोव़ शेंतान्‍नी। मारदे शेंतान्‍नी देंशा हना, गे जाक्‍शा इन के सेल्‍चा चिक्‍शो रागीमी मेको नेल्‍ल पचा, दे शेंतान्‍नी।

ब्‍यवस्‍था 5:1

मिनु मोसामी इस्राएली नेल्‍ल आन कली ब्रेश्‍शा, मेको आन कली “इस्राएली नेनीन। परमप्रभु यावे आ फुल्‍लुम मुशा ब्रेक्‍शो लोव़ नु आ निसाफ पतीक लोव़ नेनीन। मुलाक्‍ती गो मेको इन कली शें‍नुङ। गे मेको लोव़ शेंसीशा, होस पने।

ब्‍यवस्‍था 5:27

गे आ नेक्‍था लने। मिनु परमप्रभु यावे, इं परमप्रभु आ देंशो लोव़ नेंशा, आंइ कली नेल्‍ल शेंदीन। मिनु मेको नेंशा पाइनीकी” देंतीनी।

ब्‍यवस्‍था 7:11

मोपतीके गो मुलाक्‍त इन कली माइश्‍शो आ शेंशो, आ फुल्‍लुम मुशा ब्रेक्‍शो लोव़ नु आ निसाफ पतीके लोव़ होस पा पने।

१ थिस्‍सलोनिकी 4:1

मिनु आंइ नोले ङा लोव़, आं लोक्‍बपुकी, प्रभु येसु आ नेंमी इन कली शुश शेंतीक नु अरेतीक लोव़ पाइनीकी। गेपुकी आंइ कली दोपा बाक्‍शो तनी, मोपा बाक्‍शा, परमप्रभु यावे कली ग्‍येरपतीन। गेपुकी मेको क्‍येङा यो शुश रिम्‍शो पने।

१ सामुएल 12:23

मिनु गो इन पर्बम पुंइचा प्रोंइचा यो परमप्रभु यावे आ ङोंइती पाप बाक्‍ब। पुंइचा मप्रोंइनुङ। गो इन कली रिम्‍शो नु ठीक लां शेंनुङ। १सामुएल ७:८-९; उत्‍पत्ती १८:२३-३२; प्रस्‍थान ३२:११-१४,३२