प्रस्‍थान 18:11 - Sunuwar Bible

¹¹ देवी देवता आन क्‍येङा परमप्रभु यावे ला ठेयब बाक्‍ब, दे गो मुल तुइक्‍ताक्‍ङ। आ मुर आन कली इजीप्‍त ङा मुर आन गुइ रे प्रोंइतु। मारदे हना इजीप्‍तीपुकीमी मेको आन कली ठेयब लेश्‍शा दिप्‍शो बाक्‍तेक्‍म” दें‍त। नेहेम्‍याह ९:१०; येरमीया ५०:२९

प्रस्‍थान 18:11 ပူးပေါင်းရင်းမြစ်များ

१ राजा 17:24

मिनु मेको मीश मुरुमी एलीया कली “गे परमप्रभु आ मुर बाक्‍नीनी, दे मुल गो थमा पा तुइक्‍ताक्‍ङ। मिनु इन देंशो परमप्रभु यावे आ लोव़ थमा बाक्‍त” देंमाक्‍त।

२ राजा 5:15

मिनु मेको नु आ मुर नेल्‍ल लेश्‍शा परमप्रभु आ मुर बाक्‍तीके जाक्‍मा बाक्‍त। मिनु मेको एलीशा आ ङोंइती राप्‍शा “इस्राएलम ङा लाक्‍शा, अर्को तेकोइ रागीम परमप्रभु मबाक्‍माक्‍त। मुल गो तुइक्‍ताक्‍ङ। इन गेय पाइब आं गुइ रे कोसेली का ताक्‍कीन” देंमाक्‍त। २राजा ५:५

१ इतिहास 16:25

मारदे हना परमप्रभु यावे ठेयब बाक्‍ब। ठेयब मान पाइक्‍चा पुंइसीब बाक्‍ब। देवी देवता नेल्‍ल आन क्‍येङा मान पाइक्‍चा पुंइसीब बाक्‍ब।

२ इतिहास 2:5

गो आं सेल्‍चा चिक्‍शो खिं थम ठेयब नु रिम्‍शो खिं दुम्‍चा माल्‍ब। मारदे हना आंइ परमप्रभु देवी देवता नेल्‍ल आन क्‍येङा ठेयब बाक्‍ब।

नेहेम्‍याह 9:10

मिनु गेमी पिप फाराओ आ गेय पाइब नु आ रागी ङा मुर नेल्‍ल आन ङोंइती चिन्‍ड नु छक लाक्‍चा ङा गेय पाइतीनी। मारदे हना मेकोपुकीमी आंइ किकी पिपी आन कली ठेयब लेश्‍शा, श्‍येत गेशो बाक्‍तेक्‍म, दे तुइक्‍ताक्‍नी। मोदेंशो पा इन नें ठेयब सेल्‍साक्‍नी। मुल सम्‍म मेको मोदेंशो बाक्‍ब। प्रस्‍थान १८:११

नेहेम्‍याह 9:16

मिनु आंइ किकी पिपीमी ठेयब लेश्‍शा, आन मिम्‍शो ला पशा, इन शेंशो मटीब दुम्‍शो बाक्‍तेक्‍म। प्रस्‍थान ३२:१,९

नेहेम्‍याह 9:29

मिनु मेको आन कली इन अरेशो लोव़ गे लेत्‍चा कली, मेको आन कली टिचा शेंदीनी बाक्‍त। तन्‍न मेकोपुकी ठेयब लेश्‍शा, इन शेंतीके काइ मटिथु, इन पतीक लोव़ मपामे बाक्‍त। मुरपुकीमी इन पतीक लोव़ पशो नम हना, ब्रोंइचा ताम वा। तन्‍न मेकोपुकीम इन लोव़ मनेंथु, मटिथु, इन गे आन ची हिरदमे बाक्‍त। लेवी १८:५

भजन संग्रह 119:21

गे इन शेंशो प्रोंइब ठेयब लेश्‍शो नु सराप रशो मुर आन कली हुइक्‍नीनी। ब्‍यवस्‍था २७:२६; गलाती ३:१०

भजन संग्रह 135:5

परमप्रभु यावे थम ठेयब बाक्‍ब। मेको गो तुइक्‍नुङ। मिनु आंइ परमप्रभु देवी देवता नेल्‍ल आन क्‍येङा ठेयब बाक्‍ब। भजन संग्रह ८६:८

भजन संग्रह 31:23

परमप्रभु यावे आ मुर नेल्‍लेमी परमप्रभु कली दाक्‍तीन। परमप्रभु यावेमी आ कली थमा सुइक्‍ब आन कली कोव़ब। ठेयब लेश्‍शो आन कली आन क्‍येक्‍क लेप्‍ब।

भजन संग्रह 95:3

मारदे हना परमप्रभु यावे ठेयब परमप्रभु बाक्‍ब। देवी देवता नेल्‍ल आन ठेयब पिप बाक्‍ब। प्रस्‍थान १५:११

भजन संग्रह 97:9

मारदे हना परमप्रभु यावे, गे रागी ङा नेल्‍ल क्‍येङा ठेयब बाक्‍नीनी। देवी देवता नेल्‍ल आन क्‍येङा गे शुश ठेयब बाक्‍नीनी। प्रस्‍थान १५:११

प्रस्‍थान 1:10

मेको आन पर्बमी शुश मिम्‍शा, सल्‍ला पय। मो मपाइतय हना, मेको शुश दुम्‍शा, नोले लडाइ दुम्‍मेनु, इं जोरी सत्रु आन कली वारच पाइश्‍शा, एक रे प्रोक्‍नीमी, कोर में” दे आ मुर आन कली माइक्‍मी बाक्‍त।

प्रस्‍थान 1:16

मिनु फाराओमी “गे निक्‍शी हिब्रू मीश मुर आन कली आल थिची ना वारच पाइनीसी। तौ थिम्‍तेक्‍म हना, सतीसे। तमी बाक्‍त हना, मसतीसे” दे माइक्‍सी बाक्‍त।

प्रस्‍थान 1:22

मिनु पिप फाराओमी आ मुर आन कली “हिब्रूपुकीमी दोशो तौ थीमे, मेको नेल्‍ल नील खोलाम लाइश्‍शा ताइक्‍तीन। आन तमी आन कली चहिं ब्रोंइचा गेने” दे हुकुम पवा बाक्‍त।

प्रस्‍थान 10:3

मिनु मोसा नु हारून फाराओ आ बाक्‍तीके जाक्‍दीश्‍शा, मेको कली “हिब्रू आंइ परमप्रभु यावे, हिब्रू मुर आन परमप्रभुमी इन कली ‘गेना सम्‍म गे आं ङोंइती ठेयब लेश्‍शा बाक्‍नेवे? आं मुर आन कली आं कली चढ़ेथ लचा गेवो। प्रस्‍थान ५:३

प्रस्‍थान 12:12

मेको नाक्‍दो गोमी इजीप्‍त रागी हिरशा, इजीप्‍त ङा मुर आन ङोंइती जरमेशो तौ नेल्‍ल साइक्‍नुङमी। बस्‍तु भाव आन के यो ङोंइती जरमेशो नेल्‍ल साइक्‍नुङमी। इजीप्‍त ङा देवी देवता नेल्‍ल आन कली सजाइ गेनुङमी। गो, परमप्रभु यावे मेकोन पाइनुङ। गन्‍ती ३३:४

प्रस्‍थान 14:18

गो फाराओ, आ बग्‍गी नु आ शारा ङोइक्‍ब आन कली आं सक्ति कोंइनुङ। मिनु इजीप्‍त ङा मुरपुकीमी ‘परमप्रभु यावेमी पाप्‍तु’ दे तुइक्‍नीम” देंत।

प्रस्‍थान 14:8

मिनु परमप्रभु यावेमी इजीप्‍त रागी ङा फाराओ कली काइ मटीब दुम्‍पाइक्‍तीके इस्राएली आन कली खेदा पामे बाक्‍त। इस्राएली चहिं ठेयब सक्तिमी ग्रूशा गाक्‍तेक्‍म। प्रस्‍थान ३:१९-२०

प्रस्‍थान 15:11

परमप्रभु यावे, देवी देवता आन दातेमी इन खोदेंशो ठेयब सुइ मबाक्‍नीम। इन खोदेंशो सक्ति पाइश्‍शो, ठेयब मान ताइब सुइ मबाक्‍नीम। इन ठेयब गेय हिंचा ङा बाक्‍ब। गे छक लाक्‍चा ङा गेय पाइब बाक्‍नीनी। प्रस्‍थान ८:६; प्रस्‍थान १८:११; भजन संग्रह ८६:८

प्रस्‍थान 5:2

मिनु फाराओमी “परमप्रभु यावे सु बाक्‍म, गो मतुइक्‍नुङ। मार, आ देंशो लोव़ टिचा माल्‍नुङा? गो इस्राएली आन कली मारदे लचा गेनुङा? गो परमप्रभु यावे कली मतुइक्‍नुङ। मोपतीके इस्राएल ङा मुर, इन कली लचा मगेनन्‍नी” दें‍त।

प्रस्‍थान 5:7

“मुल रे इस्राएली आन कली इंटा सेल्‍चा कली पराल मगेचा, आंमा गुप्‍थ लचा माल्‍नीम।

दानीएल 4:37

मुल गो, नेबुकदनेसरमी ‘स्‍वर्ग ङा पिप ठेयब बाक्‍ब’ दे मान पाइनुङ। मारदे हना आ पशो नेल्‍ल थमा बाक्‍ब। आ पतीके नेल्‍ल ठीक बाक्‍नीम। मेकोमी ठेयब लेश्‍शो मुर आन कली ब्रेम्‍शो सेल्‍ने चाप्‍ब” दे पिपमी देंत। लूका १:५१; लूका १८:१४

गन्‍ती 33:4

मेना इजीप्‍तीपुकीमी परमप्रभु यावेमी साइश्‍शो आन ङोंइती जरमेशो तौ आन कली थिम्‍शो बाक्‍तेक्‍म। मिनु परमप्रभु यावेमी मेको आन देवी देवता आन कली यो निसाफ पशो बाक्‍त।

लूका 1:51

मेकोमी सक्ति कोंइताक्‍व। मिनु ठेयब लेश्‍‍शो आन कली आन मिम्‍शा हिंतीके मेको आन कली गेब। उत्‍पत्ती ११:८

याकूब 4:6

तन्‍न परमप्रभु यावेमी मेको क्‍येङा शुश शिशी पाइब। मिनु “गो ठेयब लेश्‍शो मुर आन कली शिशी मपाइनुङ। ब्रेम्‍शो, ठेयब मलेश्‍शो मुर आन कली ला शिशी पाइनुङ” दे ब्रेक्‍पाइश्‍शो बाक्‍ब। अय्‍युब २२:२९; हितोपदेस ३:३४; मत्ती २३:१२; १पत्रुस ५:५

१ पत्रुस 5:5

मिनु गे ठिटापुकी, शेंब खाल्‍पा आन देंशो लोव़ टिने। गे नेल्‍ल ब्रेम्‍शो थुं पाइश्‍शो दुम्‍शा, गेय पमुने। मारदे हना परमप्रभु यावेमी ठेयब लेश्‍शो मुर आन कली मकोव़ब, ब्रेम्‍शो थुं पाइश्‍शो मुर आन कली ला शिशी पाइब। एफिसी ५:२१; अय्‍युब २२:२९; हितोपदेस ३:३४; मत्ती २३:१२; याकूब ४:६

१ सामुएल 2:3

ठेयब लेश्‍शो लोव़ नु मरिम्‍शो लोव़ पचा प्रोनीन। मारदे हना परमप्रभु यावे नेल्‍ल जोक्‍ब तुइक्‍ब बाक्‍ब। मेकोमी मुर आन पतीके नु लोव़ नेल्‍ले नाक्‍ब।