प्रस्‍थान 17:5 - Sunuwar Bible

⁵ मिनु परमप्रभु यावेमी मोसा कली “इस्राएल ङा खाल्‍पा आन कली लाइश्‍शा, इस्राएली आन ङोंइती गाक्‍को। नील खोला तुप्‍शो कोक्‍के यो लाइश्‍शा लावो। प्रस्‍थान ७:२०

प्रस्‍थान 17:5 ပူးပေါင်းရင်းမြစ်များ

भजन संग्रह 74:15

ब्‍वाक्‍कु बुक्‍पाइक्‍ब नु खोल्‍सा सेल्‍ब गे बाक्‍नीनी। मिनु गे गेना हना यो यिस ङा यिस बाक्‍ब ठेयब खोला आन कली सोव़पाइक्‍तीनी।

प्रस्‍थान 14:16

इ कोक्‍के लल समुन्‍द्र तार दिंदो। मो पवीनु, समुन्‍द्र ब्राशा, गाक्‍तीक लां दुम्‍ब। इस्राएलीपुकी हिलो मबाक्‍शो लांम गाक्‍ने चाप्‍नीम।

प्रस्‍थान 3:16

गे इस्राएल जात ङा मुर आन खाल्‍पा आन कली खुप्‍थ लावो। मिनु मेको आन कली ‘परमप्रभु यावे इन किकी पिपी आन परमप्रभु आं ङोंइती ग्रूत। अब्राहाम, इसहाक नु याकूब आन परमप्रभुमी आं कली ग्रुम्‍शा, लोव़ पाप्‍तु’। मेकोमी आं कली ‘गो थमा पा इन कली ग्रुम्‍थ यिती, इजीप्‍त रागीम इन कली गिश श्‍येत गेमे, मेको ताता।

प्रस्‍थान 3:18

इ देंशो लोव़ नेंशा, टिम्‍तेक्‍म हना, गे नु इस्राएल ङा मुर आन खाल्‍पापुकी इजीप्‍त रागी ङा पिप आ बाक्‍तीक लशा, मेको कली लोव़ पचा माल्‍नीनी। गेमी इजीप्‍त रागी ङा पिप कली ‘परमप्रभु यावे हिब्रू आन परमप्रभुमी आंइ कली ग्रुम्‍तीकी। आंइ कली नाक्‍त सां गोरशो रागीम लचा गेकी। मेकेर परमप्रभु यावे आंइ परमप्रभु कली चढ़ेथ लाइनीकी’ दे पिप कली देनीन। प्रस्‍थान ५:१,३

इजीकीएल 2:6

मिनु गे मेकोपुकी नु मेको आन लोव़ नेंशा महिनो। गे इ एर ओंथ चू नु चोंक बाक्‍तेक्‍म नु गे बिच्छी आन दातेम बाक्‍ते हना यो, महिनो। मेकोपुकीम मार देंतेक्‍म हना यो, मेको आन लोव़ क्‍येङा महिनो। मेको आन कोव़शोम ग्‍येत्‍थ लुक्‍च मदुमो। मारदे हना मेको मटीब आन खिं ङा मुर बाक्‍नीम। येरमीया १:८