प्रस्‍थान 17:2 - Sunuwar Bible

² मोपतीके “मोसामी आंइ कली मरिम्‍शो लां कोंइब” दे गाइश्‍शा, मोसा कली “आंइ कली तूचा ब्‍वाक्‍कु गेकी” दे जिचा पोक्‍तेक्‍म। मिनु मोसामी मेको आन कली “गे आं कली मारदे जिचा तोइनीनी? मारदे परमप्रभु यावे सक्ति पाइश्‍शो बाक्‍ब, दे थमा मसुइक्‍नीनी?” देंत। ब्‍यवस्‍था ६:१६

प्रस्‍थान 17:2 ပူးပေါင်းရင်းမြစ်များ

भजन संग्रह 106:13

तन्‍न मेकोपुकीमी परमप्रभु आ पशो रीब पा प्रेंशो बाक्‍तेक्‍म। मेको आ अर्ती नेंचा मबिश्‍शो बाक्‍तेक्‍म।

भजन संग्रह 106:14

मिनु मेकोपुकी गोरशो रागीम बाक्‍मानु, आन शोव़ रक सुइश्‍शो बाक्‍त। मिनु परमप्रभु कली गोरशो रागीम नाक्‍शा कोव़शो बाक्‍तेक्‍म। गन्‍ती ११:४-६

भजन संग्रह 78:18

मेकोपुकीमी आन दाक्‍शो पा जचा थोव़क पुंइशा, परमप्रभु आ थुं नाक्‍ताक्‍म। प्रस्‍थान १६:३; गन्‍ती ११:४

भजन संग्रह 78:41

मेकोपुकीमी लेंना लेंन आ थुं नाक्‍ताक्‍म। मिनु इस्राएली आन का ला बाक्‍शो परमप्रभु कली गाइक्‍पाइक्‍तेक्‍म।

भजन संग्रह 78:56

तन्‍न मेकोपुकीमी परमप्रभु आ थुं थाम्‍तेक्‍म। नेल्‍ल क्‍येङा ठेयब परमप्रभु कली मटीम। मिनु मेको आ अरेशो लोव़ मबिस्‍सम।

भजन संग्रह 95:8

गेपुकी मेरीबाम पशो खोदेंशो पा इन थुं खकटा मसेलीन। गेपुकी गोरशो रागी मास्‍साह माइश्‍शोमी बाक्‍ची ना पशो खोदेंशो मपने। हिब्रू ३:७-८; हिब्रू ४:७

भजन संग्रह 95:9

परमप्रभुमी “इन किकी पिपीमी आं पशो गेय नेल्‍ल ताम्‍तेक्‍म हना यो, मेकोपुकीमी आं कली नाक्‍शा कोव़तीमी। प्रस्‍थान १७:२,७

प्रस्‍थान 15:24

मिनु मुरपुकीमी मोसा कली “मुल मार तूचा?” दे गन गन पाम्‍तेक्‍म। प्रस्‍थान १६:२

प्रस्‍थान 16:8

मिनु मोसामी इस्राएली आन कली “परमप्रभु यावेमी आपो नाक्‍दो इन कली श्‍ये गेब, सुनी कना रूथ्री शोब्‍ले गेब, इन गन गन पशो लोव़ नेंतु, दे तुइक्‍तीन। गो निक्‍शी सु नस्‍कु ङा? इन गन गन पशो आंस कली ममाइ, परमप्रभु यावे नु कका गाइक्‍ताक्‍नी दे तुइक्‍तीन” देंत।

प्रस्‍थान 17:7

मिनु मोसामी मेको सेरथे फुल्‍लु बाक्‍तीक कली मास्‍साह नु मेरीबा नें वोइक्‍तु। मारदे हना इस्राएलीपुकीमी परमप्रभु यावे कली नाक्‍शा गाइश्‍शा “परमप्रभु यावे आंइ दातेमी बाक्‍ब” दे थमा मसुदम। भजन संग्रह ९५:८-९; मीका ३:११

प्रस्‍थान 5:21

मिनु मेको कोव़बपुकीमी “परमप्रभु यावेमी इस कली सजाइ गेवल। मारदे हना गे निक्‍शीमी फाराओ नु आ मुर आन ङोंइती आंइ कली मरिम्‍शो सेल्‍तीसी। आंइ कली साइक्‍चा, दे तरवार आन गुइमी गेतीसी” दे गाइश्‍शा हुइक्‍ताक्‍म।

यसैया 7:12

तन्‍न आहाजमी “गो मपुंइनुङ। परमप्रभु यावे आ थुं मथाम्‍नुङ” दें‍त।

मलाकी 3:15

मुल गो ठेयब लेश्‍शो मुर आन कली रिम्‍शो मुर बाक्‍नीम, देंनीकी। मारदे हना मरिम्‍शो पाइबपुकी दारनीम। परमप्रभु कली मरिम्‍शो पाइब ब्रोंइशा बाक्‍नीम’ देंनीनी” देंत।

गन्‍ती 14:2

मिनु इस्राएली नेल्‍ल मोसा नु हारून आस पर्बम गन गन पाम्‍तेक्‍म। मिनु नेल्‍लेमी मेको आस कली “गोपुकी इजीप्‍त उइ बेक्‍शो नकी हना, रिम्‍शो दुम वा। एको गोरशो रागीम बेक्‍शो नकी हना यो, दुम वा। गन्‍ती ११:१; प्रस्‍थान १६:२-३; प्रस्‍थान १७:२-३

गन्‍ती 14:22

मेकोपुकीमी इजीप्‍तमी नु गोरशो रागीमी आं ठेयब सक्ति नु छक लाक्‍चा ङा गेय तशा यो, आं कली १० खेयप नाक्‍शा, मटीब दुम्‍शा, मेको नेल्‍लेमी

गन्‍ती 21:5

मिनु मेकोपुकीम परमप्रभु नु मोसा आस पर्बम गन गन पा “मारदे गे आंइ कली एको गोरशो रागीम बेक्‍पाइक्‍चा कली इजीप्‍त रागी रे ग्रुंइशा एक चाक्‍सी? एकेर जचा थोव़क मबा। ब्‍वाक्‍कु यो मबा। गो एको मब्रोव़शो जचा थोव़क क्‍येङा ब्रीताक्‍क” देंतेक्‍म।

मत्ती 4:7

मिनु येसुमी “परमप्रभु यावेमी ब्रेक्‍पाइश्‍शो लोव़मी ‘परमप्रभु यावे कली थुं मथाम्‍चा’ दे यो ब्रेक्‍शो” देंमाक्‍त। ब्‍‍यवस्‍था ६:१६

लूका 15:12

मिनु काबु कान्‍छा तौमी ‘आं आफ अङस योक्‍शा गेयी’ देंमाक्‍त। मिनु आफोमी जेठा नु कान्‍छा आस कली अङस योक्‍शा, गेम्‍सी बाक्‍त।

लूका 4:12

मिनु येसुमी “परमप्रभु, इन परमप्रभु यावे कली थुं मनाक्‍चा, दे यो देंशो बाक्‍ब” देंमाक्‍त। ब्‍यवस्‍था ६:१६

प्रेरित 15:10

परमप्रभु यावेमी मेको आन कली रिम्‍शो सेल्‍तु, दे तुइश्‍शा, इं किकी पिपीमी लाइ यो कुरने मचाप्‍चा ङा भारी मेको आन कली कुरपाइक्‍चा दुम्‍बा ङा? परमप्रभु क्‍येङा लाक्‍शा जोक्‍ब तुइक्‍ब दुम्‍चा शिरबा ङा? मत्ती २३:४; गलाती ५:१

प्रेरित 5:9

मिनु पत्रुसमी “गे निक्‍शी गारशा, मोदेंशो पा परमप्रभु यावे आ सोक्‍त कली जोल पचा दुम्‍बा? इ वोंइश कली थिम्‍थ लाइबपुकी लेश्‍शा जाक्‍चाम्‍तेक्‍म। इच्‍ची ना इ कली यो लाइश्‍शा थिम्‍नीम” देंमेनु, मीश मुर यो दिङ गोल्‍शा बेक्‍माक्‍त।

१ कोरिन्‍थी 10:9

गोपुकीम प्रभु कली नाक्‍चा मदुम्‍ब। मेको आन दाते ङा का निक्‍शीमी मो पाम्‍तेक्‍म। मिनु बुस्‍स रे पा साइक्‍चा पुंइसमा बाक्‍त। गन्‍ती २१:४-६

ब्‍यवस्‍था 6:16

गेपुकीमी मास्‍साहमी परमप्रभु यावे, इन परमप्रभु कली नाक्‍शो खोदेंशो पा, मेको कली मनाक्‍तीन। मत्ती ४:७; प्रस्‍थान १७:२-७

ब्‍यवस्‍था 9:22

मिनु गेपुकीमी तबेरा, मास्‍साह नु किब्रोथ-हत्तावामी यो परमप्रभु यावे कली गाइक्‍पाइक्‍तीनी। गन्‍ती ११:३; प्रस्‍थान १७:७; गन्‍ती ११:३४

हिब्रू 3:9

इन किकी पिपीम ४० बर्स सम्‍म आं ठेयब गेय तशा यो, आं थुं थाम्‍ना थाम्‍न बाक्‍तेक्‍म।

१ सामुएल 8:6

तन्‍न सामुएलम सासन पचा कली पिप पुंइशो लोव़ नेंशा, काइ मदाक्‍ता बाक्‍त। मिनु सामुएलमी परमप्रभु यावे नु लोव़ पवा बाक्‍त।