प्रस्थान 16:4 - Sunuwar Bible4 मिनु परमप्रभु यावेमी मोसा कली “नेनो, गो इन कली रेउ यिशो खोदेंशो पा सरीङ रे शोब्ले यिपाइक्नुङ। मिनु मुरपुकीम नाक्त किंत किंत गुप्चा माल्नीम। खेयप का गुप्मेनु, नाक्त का कली ला गुप्चा माल्नीमी। आं अरेशो लोव़ पाइबाक्मा कों, मपाइबाक्मा, गो मेको आन कली नाक्नुङ। प्रस्थान १६:१५; उत्पत्ती २२:१ အခန်းကိုကြည့်ပါ။ |
मेको आन कली शोव़लु बेक्मानु, सरीङ रे शोब्ले गेतीनी। मेको आन कली तूतू मदाक्चा ङा पा, रूचा ङा पा सेरथे फुल्लु रे ब्वाक्कु ग्रुंइशा गेतीनी। मिनु मेको आन कली ‘गेपुकी मेको रागी ओव़शा, नेल्ल आंम के सेलीन’ दे माइक्तीनी। मिनु मेको आन कली ‘गो मेको नेल्ल गेनुङ’ दे कसम जाइतीनी। प्रस्थान १६:४,१४,१५; प्रस्थान १७:६
मोसामी चहिं परमप्रभु यावे कली पुंइस ङा पुंइस बाक्त। मिनु परमप्रभु यावेमी मोसा कली रवा आ शी का कोंइताक्व। मिनु मोसामी मेको शी ब्वाक्कुम ब्वारताक्व। मिनु मेको ब्वाक्कु मकशो ब्रोव़शो दुम्त। मेकेर इस्राएली आन कली आ फुल्लुम मुशा ब्रेक्शो नु आन पतीक लोव़ गेशो बाक्त। मोपा मेको आन कली नाक्ताक्व। उत्पत्ती २२:१
मिनु परमप्रभु यावे, इन परमप्रभुमी इन कली ४० बर्स सम्म गोरशो रागीमी बाक्पाइक्तु। इन कली मारदे मोदेंशो पाप्तु देंशा हना, इन कली ब्रेम्पाइक्चा, इन थुं नाक्चा नु गे इन नेल्ल थुंमी आ शेंशो पाइनीनी देय मपाइनीनी, दे तुइक्चा कली इन कली मेको ४० बर्स सम्म मेकेर गाक्पाइक्तु। ब्यवस्था १३:४; उत्पत्ती २२:१; प्रस्थान १६:४; प्रस्थान २०:२०; न्यायाधीस २:२२
तन्न परमप्रभु यावे आ नें ठेयब सेल्चा मदाक्नीनी हना, सु कली ठेयब सेल्नीनी? मुलाक्ती योव़ङीन। गे इन किकी पिपीमी खोला आइक्ची हांबुम पूजा पशो देवी देवता आन कली ठेयब सेल्नीनी देय मुल बाक्शो एमोरी आन रागी ङा देवी देवता आन कली ठेयब सेल्नीनी? योव़ङीन। तन्न गो नु आ खिं ङा मुरुमी परमप्रभु यावे कली ला ठेयब सेल्नीकी” देंत। ब्यवस्था ६:१३-१४