प्रस्‍थान 16:34 - Sunuwar Bible

³⁴ परमप्रभु यावेमी मोसा कली दोपा देंमे, मोपा हारूनमी कबल पशो सन्‍दोस आ ङोंइती वोइक्‍तु।

प्रस्‍थान 16:34 ပူးပေါင်းရင်းမြစ်များ

१ राजा 8:9

मिनु होरेब डांडाम परमप्रभु यावेमी इस्राएली आन कली इजीप्‍त रे ग्रुंइची ना कबल पशो बाक्‍त। मेना मोसामी मेको कबल पशो लोव़ मु‍शा ब्रेक्‍शो फुल्‍लु निक्‍शी सन्‍दोसम कुर पा वोदा बाक्‍त। मेको सन्‍दोसम फुल्‍लु निक्‍शी ङा लाक्‍शा अर्को मारेइ मबाक्‍माक्‍त। प्रस्‍थान २५:२१; ब्‍यवस्‍था १०:५

प्रस्‍थान 25:16

मिनु गो इ कली गेचा चिक्‍शो कबल पा अरेशो लोव़ मेको सन्‍दोसमी कुर पा वोइक्‍चा माल्‍नेवे।

प्रस्‍थान 25:21

मेको सुम्‍तीके मेको कबल पशो सन्‍दोस तार वोइक्‍चा माल्‍नेवे। मिनु गो इ कली गेचा चिक्‍शो कबल पा अरेशो लोव़ मेको कबल पशो सन्‍दोसम कुर पा वोइक्‍चा माल्‍नेवे। प्रस्‍थान ३४:२९; १राजा ८:९

प्रस्‍थान 27:21

मिनु ग्रुम्‍तीक ताम्‍बु आगामी, कबल ङा सन्‍दोस बाक्‍शो नेल्‍ल क्‍येङा चोव़खो कोठा फारतीक आ ङोंइती हारून नु आ तौपुकीमी नाक्‍दो रे सुनी सम्‍म मेको बत्ती दातीक परमप्रभु यावे आ ङोंइती ब्रशा बाक्‍ल, दे ठीक सेल्‍चा माल्‍नीम। मेको इस्राएली आन चच युइ आन कली गेना हना यो पतीके लीचा माल्‍ब। मेको गेना हना यो पचा माल्‍नीम।

प्रस्‍थान 30:36

मेको रे इच्‍का खोइ तुप्‍शा, फस सेलो। मिनु मेको फस ग्रुम्‍तीक ताम्‍बु ङा नेल्‍ल क्‍येङा चोव़खो कोठा कबल पशो सन्‍दोस आ ङोंइती वोइश्‍शा, मेको फस चोचा माल्‍नेवे। मेको इन कली नेल्‍ल क्‍येङा चोव़खो दुम्‍ब। मेकेर गो इ कली ग्रुम्‍नुङ। प्रस्‍थान ३०:६

प्रस्‍थान 30:6

मिनु मेको परमप्रभु यावे आ अरेशो लोव़ वोइश्‍शो कबल पशो सन्‍दोस नु सुम्‍तीके फारतीक वा आ ङोंइती वोइक्‍चा माल्‍नेवे। गो मेकेर इ कली ग्रुम्‍नुङ। प्रस्‍थान २५:२१-२२

प्रस्‍थान 31:18

मिनु परमप्रभुमी मोसा नु सीनै डांडाम लोव़ पने थुम्‍शा, आ देंशो फुल्‍लु निक्‍शीमी मुशा आंम ब्रेक्‍शो लोव़ मोसा कली गेप्‍तु। प्रस्‍थान २४:१२; प्रस्‍थान ३२:१५-१६; प्रस्‍थान ३४:२८; ब्‍यवस्‍था ४:१३; ब्‍यवस्‍था ५:२२; ब्‍यवस्‍था ९:१०; ब्‍यवस्‍था १०:१-५

प्रस्‍थान 38:21

परमप्रभु यावे आ बाक्‍तीक सेल्‍चा कली मार मार माल्‍दा, मेको ब्रेक्‍शो बाक्‍त। मेको बाक्‍तीके कबल पशो सन्‍दोस वोइक्‍तीके बाक्‍त। मोसामी “मेको नेल्‍ल ब्रेक्‍चा माल्‍ब” दे अरेशो बाक्‍त। चढ़ेब हारून आ तौ इथामार लेवी आन कली गेय पपाइक्‍ब बाक्‍त। गन्‍ती ४:२८

प्रस्‍थान 40:20

मिनु मोसामी परमप्रभु यावे आ अरेशो लोव़ मुशा ब्रेक्‍शो फुल्‍लु कबल पशो सन्‍दोसम कुर पाप्‍तु। मिनु कबल पशो सन्‍दोसम कुरतीक कोक्‍के शुइक्‍ताक्‍व। मिनु मेको आ तार सुम्‍तीकेम सुम्‍तु।

गन्‍ती 1:50

तन्‍न गे लेवी आन कली आं कबल पशो सन्‍दोस वोइश्‍शो ताम्‍बु नु आ मारेइ मारेइ थोव़क कोव़चा कली वोइक्‍मी। मेकोपुकीमी ग्रुम्‍तीक ताम्‍बु नु आ मारेइ मारेइ थोव़क कुरचा माल्‍नीम। मेकोपुकीमी मेको कोव़चा माल्‍नीम। मिनु आन ताम्‍बु ग्रुम्‍तीक ताम्‍बु आ एर ओंथ कीचा माल्‍नीम।

गन्‍ती 1:53

लेवी आ मुर चहिं परमप्रभु यावे आ कबल पशो सन्‍दोस वोइश्‍शो ताम्‍बु आ एर ओंथ आन ताम्‍बु कीचा माल्‍नीम। इस्राएलीपुकी ग्रुम्‍तीके ताम्‍बु आ नेक्‍था लचा मदुम्‍नीम। मिनु मेको आन पर्बम परमप्रभु यावे मगाइक्‍ब। मिनु लेवीपुकीमी परमप्रभु यावे आ कबल पशो सन्‍दोस वोइश्‍शो ताम्‍बु खाल पचा माल्‍नीम” दे परमप्रभु यावेमी देंत। गन्‍ती १७:११; गन्‍ती १८:५; २सामुएल २४:१; २इतिहास १९:२; यसैया ५७:१७; यसैया ६४:४-६

गन्‍ती 17:10

मिनु परमप्रभु यावेमी मोसा कली “मरिम्‍शो पाइब मुर आन कली मिम्‍तीके दुम्‍पाइक्‍चा कली हारून आ कोक्‍के लेंशा सल्‍ला पशो सन्‍दोस आ ङोंइती लाइश्‍शा वोतो। मिनु मेकोपुकीमी आं पर्बम गन गन पचा मप्रोंइतेक्‍म हना, बेक्‍नीम” देंत। हिब्रू ९:४

ब्‍यवस्‍था 10:5

मिनु मेको कुर‍शा गो डांडा रे ब्रुप्‍ती। मिनु गो मेको चेश्‍शो फुल्‍लु निक्‍शी कली आं सेल्‍शो सन्‍दोस आगाम कुर पा वोइक्‍ता। मिनु परमप्रभु यावेमी आं कली अरेशो खोदेंशो पा मेको फुल्‍लु सन्‍दोस आगाम बाक्‍नीस। प्रस्‍थान २५:२१