प्रस्‍थान 15:17 - Sunuwar Bible

¹⁷ गे इन मुर आन कली आन रागी ओंइनीनी। मिनु इन आंम बाक्‍तीक डांडाम बाक्‍पाइक्‍नीनी। परमप्रभु यावे, मेको इन बाक्‍तीके आंमा सेल्‍तीनी। इन आंम बाक्‍तीक खिं गे आंमा सेल्‍तीनी। भजन संग्रह ७८:५४

प्रस्‍थान 15:17 ပူးပေါင်းရင်းမြစ်များ

२ सामुएल 7:10

गो आं मुर इस्राएली आन कली बाक्‍तीक का योव़नुङ। मिनु मेकोपुकी आंम आंम रागीम बाक्‍नीम। मुल रे मेको आन कली सुइम श्‍येत मगेनीम। ङोंइती ङा खोदेंशो पा मुल रे मेको आन कली सुइम मरिम्‍शो मपाइनीम, श्‍येत मगेनीम।

१ राजा 8:13

गो इन कली गेना हना यो बाक्‍चा कली गारचा ङा खिं का सेल्‍ता” देंमाक्‍त।

भजन संग्रह 114:2

यहूदा परमप्रभु आ बाक्‍तीक नु इस्राएल आ राज्‍य दुम्‍त।

भजन संग्रह 2:6

मिनु मेकोमी “गो आं सियोन डांडामी आं तेल लुक्‍शा सोइश्‍शो पिप कली वोइक्‍ता” देंत। जकरिया ८:३

भजन संग्रह 44:2

गे रागी रागी ङा मुर आन कली खेरशा, आंइ किकी पिपी आन कली बाक्‍पाइश्‍शो बाक्‍तीनी। गे मेको मुर आन कली क्‍याम्‍शा, आंइ किकी पिपी आन कली सोशा बोशा ब्रपाइश्‍शो बाक्‍तीनी। मोपा मेको आन कली प्रोंइशो बाक्‍तीनी।

भजन संग्रह 68:16

गे शुश डांडा पाइश्‍शो पहाड, मारदे गे परमप्रभु आ सासन पचा कली योव़शो डांडा गे कोव़शा, गेहे पाइनीनी? मेकेर परमप्रभु गेना हना यो बाक्‍ब। भजन संग्रह १३२:१३

भजन संग्रह 76:2

आ ताम्‍बु सालेम सहरमी बाक्‍ब। आ बाक्‍तीके सियोनमी बाक्‍ब। भजन संग्रह १३२:१३

भजन संग्रह 80:15

इन सक्तिमी ख्रुम्‍शो बोट कली कोव़ङीन। गे इन तौ इन कली कोल्‍पाइक्‍तीनी।

भजन संग्रह 80:8

गे इजीप्‍त रे अङगुर बोट का चाक्‍तीनी। मिनु रागी रागी ङा मुर आन कली खेरशा, मेको ख्रुम्‍तीनी। यसैया ५:१-७; येरमीया २:२१

प्रस्‍थान 15:13

गे इन ग्रुंइशो मुर आन कली गेना हना यो शिशी पा, लां कोंइताक्‍नी। मेको आन कली इन सक्तिमी इन आंम बाक्‍तीकेम खुल्‍तीनी।

प्रस्‍थान 23:20

मिनु परमप्रभुमी “नेनीन, गो इन ङोंइती आं स्‍वर्ग ङा गेय पाइब का सोइक्‍नुङ। मेकोमी लांमी इन कली कोव़शा नु आं देंशो बाक्‍तीकेम चोव़दीब। प्रस्‍थान १४:१९

प्रस्‍थान 25:8

मिनु गो मेको आन दातेमी बाक्‍चा कली आं बाक्‍तीक सेल्‍पतो। इजीकीएल ३७:२६-२८

प्रस्‍थान 32:34

तन्‍न मुल लावो। मेको मुर आन कली आं देंशो रागी लाइक्‍मी। नेनो, आं स्‍वर्ग ङा गेय पाइब इ ङोंइङोंइती सोइक्‍नुङ। तन्‍न काबु मेको आन कली पाप पशो आ पर्बम सजाइ गेनुङ” दें‍त। प्रस्‍थान ३३:२,१४; गन्‍ती १४:२७-३०

येरमीया 2:21

गो इ कली नेल्‍ल क्‍येङा रिम्‍शो अङगुर बोट ख्रुम्‍ता। गे दोपा मरिम्‍शो दुम्‍शा ब्‍वाकी ङा अङगुर बोट खोदेंशो दुमे? भजन संग्रह ८०:९; यसैया ५:१-४

येरमीया 31:23

मुर नेल्‍ल आन परमप्रभु यावे, इस्राएली आन परमप्रभुमी “गो मेको आन शोंप लेश्‍शा गेता हना, मेकोपुकीमी लेंशा यहूदा रागी नु मेको आ सहरपुकीम ‘गे ठीक पाइब नु परमप्रभु यावे आ डांडा, परमप्रभु यावेमी इ कली आसीक गेवल’ देंनीम। जकरिया ८:३

येरमीया 32:41

गो मेको आन कली रिम्‍शो पना पन ग्‍येरसीनुङ। मिनु थमा पा गो आं थुं नु आं सोक्‍त नेल्‍लेम मेको आन कली एको रागीम वोइक्‍नुङमी” देंत। ब्‍यवस्‍था २८:६३; आमोस ९:१५

इजीकीएल 37:26

गो मेकोपुकी नु थुं नाइश्‍शा बाक्‍तीक कबल का पाइनुङ। मेको गेना हना यो लीब कबल बाक्‍ब। गो मेको आन कली आसीक गेशा शुश दुम्‍पाइक्‍नुङमी। मिनु गो मेको आन दातेम गेना हना यो कली आं बाक्‍तीक सेल्‍नुङ। प्रस्‍थान २५:८; इजीकीएल ३४:२५; यसैया ५४:३०

इजीकीएल 37:28

मेना रागी रागी ङा मुरपुकीम गो, परमप्रभु यावेमीन इस्राएली आन कली आं मुर सेल्‍ता। मिनु आं बाक्‍तीके मेको आन दातेम गेना हना यो बाक्‍ब, दे यो तुइक्‍नीम” दे परमप्रभु यावेमी देंत। इजीकीएल ३६:२३

ब्‍यवस्‍था 33:19

मेकोपुकीमी जात जात ङा मुर आन कली डांडाम ब्रेत्‍नीम। मेकेर ठीक दुम्‍शो चढ़ेतीक चढ़ेनीम। मारदे हना मेकोपुकीमी समुन्‍द्र ङा शोंप नु बाल्‍वाम ख्रुइश्‍शो शोंप जाइ‍नीम” देंत।

यहोसु 22:19

मिनु आंम इन रागी ग्रांग्रा दिशो बाक्‍त हना, ओंथ हांबु परमप्रभु यावे आ रागी नु आ बाक्‍तीक पिशा, गोपुकी नु रागी योक्‍कीन। तन्‍न गे परमप्रभु यावे नु आंइ कली मटिथु, परमप्रभु यावे, इं परमप्रभु आ चढ़ेतीक क्‍येङा लाक्‍शा, आंम के चढ़ेतीक मसेलीन।