प्रस्‍थान 15:13 - Sunuwar Bible

¹³ गे इन ग्रुंइशो मुर आन कली गेना हना यो शिशी पा, लां कोंइताक्‍नी। मेको आन कली इन सक्तिमी इन आंम बाक्‍तीकेम खुल्‍तीनी।

प्रस्‍थान 15:13 ပူးပေါင်းရင်းမြစ်များ

उत्पत्ती 19:16

मिनु लोत कली ओंखां बोक्‍शो तशा, मेको कली आ तमी निक्‍शी नु आ मीशे आन कली गुइ रे कीशा, सहर रे ग्रुंइदसे बाक्‍त। मोपा परमप्रभु यावेमी लोत नु आ खिं ङा मुर आन कली दाक्‍शा प्रोंइमी बाक्‍त।

२ सामुएल 15:25

मिनु पिपमी सादोक कली “परमप्रभु आ सन्‍दोस सहर लेश्‍शा लतीन। परमप्रभु यावेमी आं कली शिशी पाइक्‍ती हना, आं कली लेश्‍शा जाक्‍चा गेब। मिनु सन्‍दोस नु मेको वोइक्‍तीके लेंशा कोव़चा गेब।

नेहेम्‍याह 9:12

आंइ किकी पिपी आन कली नाक्‍त गोस्‍स के थामम लां कोंइताक्‍नी। मिनु नाक्‍दो आन लां तपाइक्‍चा कली मी के थाम दुम्‍शा लां कोंइताक्‍नी।

भजन संग्रह 106:9

मेकोमी लल समुन्‍द्र कली हुइक्‍तानु, सोव़शो बाक्‍त। मिनु मेको आन कली गोरशो रागी खोदेंशो पा, समुन्‍द्र ङा लां रे खुल्‍शो बाक्‍त।

भजन संग्रह 74:2

साइ इन ग्‍याप्‍शो मुर आन कली मिम्‍तीन। इन के सेल्‍चा कली श्‍येत रे प्रोंइशो मुर आन कली मिम्‍तीन। गे इन बाक्‍तीक सियोन डांडा कली मिम्‍तीन। भजन संग्रह ७६:३

भजन संग्रह 77:20

मोसा नु हारून आस गुइ रे पा, गे इन मुर आन कली भेडा आन हुल खुल्‍शो खोदेंशो पा गाक्‍पाइक्‍तीनी” दे परमप्रभु कली लोव़ पता।

भजन संग्रह 78:35

मिनु मेकोपुकीमी परमप्रभु आन सेरथे फुल्‍लु नु नेल्‍ल क्‍येङा ठेयब परमप्रभु मेको आन कली श्‍येत रे प्रोंइब बाक्‍माक्‍त, दे तुइक्‍ताक्‍म।

भजन संग्रह 80:1

इस्राएल ङा गोठला, आंइ लोव़ नेनीन। गे योसेफ कली भेडा आन हुल खोदेंशो पा खुल्‍तीनी। गे करूब आन तार ठेयब नित्‍तीकेमी नित्‍नीनी। भजन संग्रह १८:११; २सामुएल ६:२

प्रस्‍थान 15:16

परमप्रभु यावे, इजीप्‍त रागी रे इन ग्रुंइशो मुरपुकी मजाक्‍दीम्‍मा सम्‍म मेको आन जोरी सत्रु इन सक्ति ङा गेय तशा, हिंशा फुल्‍लु खोदेंशो पा सिक्‍सी पा बाक्‍तेक्‍म। मोपा हिंशा मेको आन थुं लुक्‍च लत।

प्रस्‍थान 15:17

गे इन मुर आन कली आन रागी ओंइनीनी। मिनु इन आंम बाक्‍तीक डांडाम बाक्‍पाइक्‍नीनी। परमप्रभु यावे, मेको इन बाक्‍तीके आंमा सेल्‍तीनी। इन आंम बाक्‍तीक खिं गे आंमा सेल्‍तीनी। भजन संग्रह ७८:५४

प्रस्‍थान 20:2

“गो परमप्रभु यावे, इन परमप्रभु नङ। गो इन कली वाइलीम वाइल दुम्‍शो इजीप्‍त रागी रे ग्रुंइताक्‍न्‍नी। न्‍यायाधीस ६:८; येरमीया ३४:१३

प्रस्‍थान 6:6

मोपतीके गो इस्राएली आन कली ‘गो परमप्रभु यावे नङ। गो इजीप्‍त ङा मुर आन गेशो श्‍येत नु इन वाइल दुम्‍शो गेय रे प्रोंइनन्‍नी। गो इजीप्‍त ङा मुर आन कली ठेयब सजाइ गेशा, आं ठेयब सक्तिमी इन कली ग्रुंइनुङ।

यसैया 51:10

समुन्‍द्र सोव़पाइक्‍ब, गे मननी ङा? गे समुन्‍द्र कली चेश्‍शा आ पुंम लां मसेल्‍नी ङा? इन पाप रे प्रोंइशो, इन मुर आन कली शोक्‍पाइक्‍चा कली मोदेंशो पाइतीनी। प्रस्‍थान १४:२१-२२

यसैया 57:15

मिनु ठेयब नु इर ङा, गेना हना यो बाक्‍ब आ नें का ला बाक्‍शो परमप्रभुमी “गो नेल्‍ल क्‍येङा इर ङा आं बाक्‍तीकेमी बाक्‍नुङ। मिनु गो थुं लुक्‍च लशो नु दिप्‍चा पुंइसीशो मुर नु बाक्‍नुङ। गो दिप्‍शो मुर नु आन थुं लुक्‍च लशो आन थुं बारपाइक्‍चा कली मेकोपुकी नु बाक्‍नुङ। भजन संग्रह ११३:५-९; यसैया ६६:१-२; भजन संग्रह ५०:१९

यसैया 63:9

मेको आन श्‍येत तशा, आं सोइश्‍शो मुर ममाइ, परमप्रभु यावे आ स्‍वर्ग ङा गेय पाइब यो ममाइ, परमप्रभुमी मेको आन कली प्रोंइतु। आ दाक्‍तीके नु शिशी पतीकेमी मेको आन कली साइ ङोंइती रे पाप रे प्रोंइशा, मेको आन कली मुप्‍‍शा, कुरशो बाक्‍त। प्रस्‍थान ३३:१४-१५

येरमीया 2:6

मेकोपुकीमी ‘आंइ कली इजीप्‍त रागी रे ग्रुंइब परमप्रभु यावे ते बाक्‍बा? मेकोमी आंइ कली गोरशो रागीम लां कोंइशा गाक्‍पाइक्‍तु। मेको मुर मबाक्‍तीक गोरशो रागी नु शुश खाल्‍टा बाक्‍शो रागी बाक्‍त। ब्‍वाक्‍कु मबाक्‍शो नु छिङछिङ ङा रागी बाक्‍त। मेको सुइ मगाक्‍तीक नु सुइ मुर मबाक्‍तीक रागी बाक्‍त’ देंतेक्‍म। ब्‍यवस्‍था ८:१५

एफिसी 2:4

तन्‍न परमप्रभु यावे शुश शिशी पाइब दुम्‍तीके इं कली तशा, शिशी पा दाक्‍ताक्‍व।

१ पत्रुस 1:5

परमप्रभु यावे आ सक्तिमी इं कली कोव़ब। गो पाप रे ब्रोंइशो मुर बाक्‍नय, दे थमा सुइक्‍नय। मेको नेल्‍ल नोले ङा नाक्‍तीमी कोंइब। यूहन्‍ना १०:२८