प्रस्‍थान 15:1 - Sunuwar Bible

¹ मिनु नोले मोसा नु इस्राएलीपुकीमी परमप्रभु यावे कली कुम्‍सो पाम्‍तेक्‍म। “गो परमप्रभु यावे कली कुम्‍सो पाइनुङ। मारदे हना मेकोमी आ ठेयब सक्ति कोंइशा, ग्रात। शारा नु शारा ङोइक्‍ब आन कली समुन्‍द्रमी ताइक्‍ताक्‍व। प्रकाश १५:३

प्रस्‍थान 15:1 ပူးပေါင်းရင်းမြစ်များ

नेहेम्‍याह 9:11

मेको आन ङोंइती समुन्‍द्र कली चेश्‍शा लां का सेल्‍तीनी। मेकोपुकी सोव़शो खपीम गाक्‍शा, समुन्‍द्र शोक्‍साक्‍म। मेको खेदा पाइब आन कली चहिं ब्‍वाक्‍कुम ख्रुम्‍तीनी। फुल्‍लु ब्‍वारशा, ब्‍वाक्‍कुम ताइश्‍शो खोदेंशो पा ख्रुम्‍तीनी। प्रस्‍थान १४:२१; प्रस्‍थान १५:५,१०

अय्‍युब 36:24

गे मेको कली मेको आ गेय आ पर्बम ठेयब सेल्‍चा, मप्रेंदीन। मुरपुकीम मेको आ पर्बम कुम्‍सो पशो बाक्‍तेक्‍म।

भजन संग्रह 105:43

मोपा परमप्रभुमी आ योव़शो मुर आन कली ग्‍येरपाइश्‍शा ग्रुंइदीमी बाक्‍त। मिनु मेकोपुकी कुम्‍सो पा ग्रू‍मा बाक्‍त।

भजन संग्रह 106:12

मिनु नोले आ देंशो थमा सुइश्‍शो बाक्‍तेक्‍म। मिनु परमप्रभु कली ठेयब सेल्‍तीक कुम्‍सो पशो बाक्‍तेक्‍म। प्रस्‍थान १५:२१

भजन संग्रह 107:15

मेकोपुकीमी परमप्रभु यावे कली “गे रिम्‍शो पाइब बाक्‍नीनी” देंचा माल्‍नीम। मारदे हना मेकोमी मुर आन कली गेना हना यो दाक्‍शा, मेको आन कली वारच पा, छक लाक्‍चा ङा गेय पाइब।

भजन संग्रह 107:8

मेकोपुकीमी परमप्रभु यावे कली “गे रिम्‍शो पाइब बाक्‍नीनी” देंचा माल्‍नीम। मारदे हना मेकोमी मुर आन कली गेना हना यो दाक्‍शा, मेको आन कली वारच पा, छक लाक्‍चा ङा गेय पाइब।

भजन संग्रह 32:7

गे आं ख्रुइश्‍शा बाक्‍तीके बाक्‍नीनी। गे आं कली श्‍येत रे प्रोंइनीनी। गे आं कली श्‍येत रे प्रोंइतीक कुम्‍सो पपाइक्‍नीनी। ठेयब सेंदा पा।

भजन संग्रह 76:6

याकूब आ परमप्रभु, इन हुइश्‍शोमी शारा नु शारा ङोइक्‍ब निम्‍फा बेक्‍ताक्‍स।

भजन संग्रह 76:7

गे मान पा हिंचा माल्‍शो बाक्‍नीनी। गे गाइक्‍तीनीनु, इन ङोंइती सु राप्‍ने चाप्‍बा ङा?

प्रस्‍थान 14:26

मिनु परमप्रभु यावेमी मोसा कली “इजीप्‍त रागी ङा मुर, आन बग्‍गी नु आन शारा ङोइक्‍ब आन कली ब्‍वाक्‍कुम सुम्‍पाइक्‍चा कली इ गुइ लेंशा समुन्‍द्र तार दिंदो” देंत।

प्रस्‍थान 14:27

मिनु मोसामी आ गुइ समुन्‍द्र तार दिंदानु, नां सोव़ची ना समुन्‍द्र ङोंइती ङा खोदेंशो दुम्‍त। मिनु इजीप्‍त ङा लडाइ पाइब लेश्‍शा प्रोक्‍ने मचबेम। मोपा परमप्रभु यावेमी इजीप्‍त ङा लडाइ पाइब आन कली समुन्‍द्रमी ख्रुम्‍तु।

प्रस्‍थान 15:21

मिरयामम मेको आन कली कुम्‍सो पा लोव़ लेश्‍शा “परमप्रभु यावे कली कुम्‍सो पने। मारदे हना मेकोम ठेयब लडाइ पा ग्रात। शारा नु शारा ङोइक्‍ब आन कली समुन्‍द्रम ताइक्‍ताक्‍व” दे कुम्‍सो पाप्‍तु।

प्रस्‍थान 18:11

देवी देवता आन क्‍येङा परमप्रभु यावे ला ठेयब बाक्‍ब, दे गो मुल तुइक्‍ताक्‍ङ। आ मुर आन कली इजीप्‍त ङा मुर आन गुइ रे प्रोंइतु। मारदे हना इजीप्‍तीपुकीमी मेको आन कली ठेयब लेश्‍शा दिप्‍शो बाक्‍तेक्‍म” दें‍त। नेहेम्‍याह ९:१०; येरमीया ५०:२९

हितोपदेस 29:6

मरिम्‍शो पाइब मुर आ मरिम्‍शो पतीकेमी श्‍येत जाइब। ठीक पाइब मुर चहिं शुश ग्‍येरसीशा कुम्‍सो पाइनीम।

यसैया 42:10

परमप्रभु यावे कली नक कुम्‍सो का पने। रागी आ सुर ङा मुरपुकी परमप्रभु यावे कली कुम्‍सो पशा ठेयब सेलीन। समुन्‍द्र नु समुन्द्रम बाक्‍बपुकी परमप्रभु कली ठेयब सेलीन। समुन्‍द्र आ नेक्‍था बाक्‍ब नेल्‍लेमी मेको कली ठेयब सेलीन। भजन संग्रह ३३:३

येरमीया 51:21

गो इ रे पा शारा नु शारा ङोइक्‍ब आन कली तुप्‍तामी। गो इ रे पा बग्‍गी नु बग्‍गी चलेब आन कली तुप्‍ता‍मी।

होसे 2:17

गो बाल देवता आन नें यो मेको आ शोव़ रे ग्रुंइ‍नुङ। मिनु लेंशा मेकोमी मेको आन नें गेनायो मथोइब।

हबकुक 3:18

गो परमप्रभु यावे कली तुइश्‍शा ग्‍येरसी‍नुङ। मिनु आं कली श्‍येत रे प्रोंइब परमप्रभु कली ठेयब सेल्‍शा ग्‍येरसीनुङ। यसैया ६१:१०

गन्‍ती 21:17

मिनु नोले इस्राएलीपुकीम एको कुम्‍सो पाम्‍तेक्‍म। “कुवा, ब्‍वाक्‍कु बुक्‍शा ग्रूङो। मिनु मेको आ पर्बम कुम्‍सो पावो।

कलस्‍सी 2:15

मेकोमी हुकुम पाइब नु अधिकार पाइब आन कली आन या रोइश्‍शा फ्रुम्‍तीमी। मोदेंशो पा ग्राशा, नेल्‍ल आन कली कोंइताक्‍व। परमप्रभु यावे येसु ख्रीस्‍त आ पशो तशा शुश ग्‍येरसाक्‍व। कलस्‍सी १:१३; एफिसी ४:८

प्रकाश 15:3

मिनु परमप्रभु यावे आ वाइल मोसा नु पाठा आ कुम्‍सो पाम्‍तेक्‍म। मिनु मेको कुम्‍सोम मार लोव़ बाक्‍त देंशा हना “परमप्रभु यावे, गे नेल्‍ल सक्ति पाइश्‍शो परमप्रभु बाक्‍नीनी। इन गेय ठेयब नु छक लाक्‍चा बाक्‍नीमी। गे इन लां नेल्‍ल ठीक नु थमा बाक्‍नीमी। गे गेना हना यो पिप बाक्‍नीनी। प्रस्‍थान १५:१,११; येरमीया १०:६-७; ब्‍यवस्‍था ३२:४; भजन संग्रह १४५:१७