प्रस्‍थान 14:18 - Sunuwar Bible

¹⁸ गो फाराओ, आ बग्‍गी नु आ शारा ङोइक्‍ब आन कली आं सक्ति कोंइनुङ। मिनु इजीप्‍त ङा मुरपुकीमी ‘परमप्रभु यावेमी पाप्‍तु’ दे तुइक्‍नीम” देंत।

प्रस्‍थान 14:18 ပူးပေါင်းရင်းမြစ်များ

प्रस्‍थान 10:2

मिनु गे इ चच युइ आन कली ‘गो इजीप्‍त ङा मुर आन कली मार मार पङा’ मेको शेंदो। गो मोदेंशो चिन्‍ड कोंइब बाक्‍नुङ। ‘गो परमप्रभु यावे नङ’ दे नेल्‍लेमी तुइक्‍तमेक्‍ल” दें‍त। प्रस्‍थान ६:२-८

प्रस्‍थान 14:25

आन बग्‍गी ङा गुगील पुइश्‍शा गेतीके, गाक्‍ने मचबेम। मिनु इजीप्‍त ङा मुरपुकीमी “इस्राएली रे प्रोक्‍य, परमप्रभु यावेमी मेको आन कली वारच पशा, इजीप्‍त ङा मुरपुकी नु लडाइ पाइब” देंमा बाक्‍त।

प्रस्‍थान 14:4

मिनु गो फाराओ आ थुं काइ मटीब दुम्‍पाइक्‍नुङ। मिनु फाराओमी इन कली खेदा पाइब। गो फाराओ नु आ फौज आन कली आं सक्ति कोंइनुङ। मिनु इजीप्‍त रागी ङा मुर नेल्‍लेमी ‘परमप्रभु यावे बाक्‍ब’ दे तुइक्‍नीम” देंत। मिनु मोदेंशो पाम्‍तेक्‍म। प्रस्‍थान ४:२१; इजीकीएल २८:२२

प्रस्‍थान 6:7

मिनु गो इन कली आं मुर सेल्‍नुङ। गो इन परमप्रभु दुम्‍नुङ। मिनु गो इन कली इजीप्‍त ङा मुर आन गेशो श्‍येत रे ग्रुंइब, परमप्रभु यावे, इन परमप्रभु नङ, दे तुइक्‍चा माल्‍नीनी।

प्रस्‍थान 7:17

मोपतीके परमप्रभु यावेमी “गो परमप्रभु यावे नङ। गे आं पतीकेमी तुइक्‍नेवे। गो आं कोक्‍केमी नील खोला ङा ब्‍वाक्‍कु तुप्‍नुङ। मिनु मेको हुश दुम्‍ब। प्रस्‍थान ४:९

प्रस्‍थान 7:5

गो इजीप्‍त ङा मुर आन कली थाम्‍पान सजाइ गेशा, इस्राएली आन कली आन दाते रे ग्रुंइदुनु ‘गो परमप्रभु यावे नङ’ दे इजीप्‍त ङा मुर आन कली तुइक्‍पाइक्‍नुङ” देंत। प्रस्‍थान ७:१७; प्रस्‍थान ८:१८; प्रस्‍थान ९:२९; १सामुएल १७:४६; १राजा २०:२८; २राजा १९:१९; इजीकीएल २९:६

इजीकीएल 28:22

परमप्रभु, परमप्रभु यावेमी ‘ए सीदोन, गो इ कली सजाइ गेनुङ। गो इ दातेमी आं सक्ति कोंइनुङ। गो इ दातेमी आं सक्ति कोंइशा, निसाफ पाता हना, मेकोपुकीमी गोन परमप्रभु यावे नङ’ दे तुइक्‍नीम

इजीकीएल 32:15

मेकोम “गो इजीप्‍त रागी कली मुर मबाक्‍शो रागी सेलुनु, मेको रागी श्‍येत्‍थ दुम्‍मेनु, मेकेर बाक्‍ब नेल्‍ल आन कली सदुमीनु, मेकोपुकीम गोन परमप्रभु यावे नङ, दे तुइक्‍नीम।

इजीकीएल 38:16

गे आं मुर इस्राएली नु लडाइ पचा कली रागी कली सुम्‍ब गोस्‍स खोदेंशो पा जाक्‍नेवे। ए गोग, नोले ङा नाक्‍ती गो इ कली आं रागी नु लडाइ पपाइक्‍नुङ। रागी रागी ङा मुरुम आं कली तुइक्‍तमेक्‍ल, दे मोदेंशो पाइनुङ। मेको रागी रागी ङा मुर आन ङोंइती गो का ला परमप्रभु यावे नङ’ दे कोंइनुङ” देंत।