प्रस्‍थान 14:16 - Sunuwar Bible

¹⁶ इ कोक्‍के लल समुन्‍द्र तार दिंदो। मो पवीनु, समुन्‍द्र ब्राशा, गाक्‍तीक लां दुम्‍ब। इस्राएलीपुकी हिलो मबाक्‍शो लांम गाक्‍ने चाप्‍नीम।

प्रस्‍थान 14:16 ပူးပေါင်းရင်းမြစ်များ

२ राजा 4:29

मिनु एलीशाम गेहाजी कली “इ किप्‍शुर किम्‍सो। एको आं कोक्‍के कुरशा दोरशा लावो। लांम सुइ ग्रुम्‍तीवी हना, मेकोपुकी नु लोव़ पचा कली मदिक्‍को। सुइमी इ कली लोव़ पाम्‍तेक्‍म हना, मेको आन कली लोव़ मलेत्‍तो। एको आं कोक्‍के लाइश्‍शा, मेको आल आ कुलुम वोतो” दे मदा बाक्‍त।

प्रस्‍थान 14:15

परमप्रभु यावेमी मोसा कली “मारदे आं कली ठेयब सेंदा पा पुंइनेवे? इस्राएली आन कली ‘गाक्‍कीन’ दे मतो।

प्रस्‍थान 14:26

मिनु परमप्रभु यावेमी मोसा कली “इजीप्‍त रागी ङा मुर, आन बग्‍गी नु आन शारा ङोइक्‍ब आन कली ब्‍वाक्‍कुम सुम्‍पाइक्‍चा कली इ गुइ लेंशा समुन्‍द्र तार दिंदो” देंत।

प्रस्‍थान 17:5

मिनु परमप्रभु यावेमी मोसा कली “इस्राएल ङा खाल्‍पा आन कली लाइश्‍शा, इस्राएली आन ङोंइती गाक्‍को। नील खोला तुप्‍शो कोक्‍के यो लाइश्‍शा लावो। प्रस्‍थान ७:२०

प्रस्‍थान 17:6

गो होरेब माइश्‍शो डांडा आ नेक्‍था सेरथे फुल्‍लु तार इ ङोंइती बाक्‍नुङ। मिनु गे मेको सेरथे फुल्‍लु तुप्‍चा माल्‍नेवे। मिनु, सेरथे फुल्‍लु रे ब्‍वाक्‍कु यीब। मिनु मुरपुकीम तूने चाप्‍नीम” देंत। मिनु इस्राएली आन खाल्‍पा आन ङोंइती मोसाम मो पाप्‍तु। गन्‍ती २०:११; १कोरिन्‍थी १०:४

प्रस्‍थान 4:17

मेको कोक्‍के लाइश्‍शा, आं देंशो चिन्‍ड कोंइदो” दे परमप्रभु यावेमी मोसा कली माइक्‍तु।

प्रस्‍थान 4:2

मिनु परमप्रभु यावेमी “इ गुइमी मार कुरी?” दे हिल्‍लो पाप्‍तु। मिनु मोसामी “कोक्‍के कुरता” देंत।

प्रस्‍थान 4:20

मिनु मोसा आ मीश नु आ तौ निक्‍शी नु गधा ङोइश्‍शा, इजीप्‍त रागी लेत्‍त। परमप्रभु आ गेशो कोक्‍के यो कुरतु। प्रस्‍थान १८:३-४

प्रस्‍थान 7:19

मिनु परमप्रभु यावेमी मोसा कली “गेमी हारून कली ‘इ कोक्‍के इजीप्‍त रागी ङा ब्‍वाक्‍कु हुश दुम्‍पाइक्‍चा कली ब्‍वाक्‍कु तारी दिंदो। नादी, खोला, कुवा नु इनार आन तारी दिंदो। मुर आन चाक्‍शो ठेका नु गरम बाक्‍शो ब्‍वाक्‍कु यो हुश दुम्‍ब’ दे हारून कली देनो” देंत। प्रकाश ११:६

प्रस्‍थान 7:9

“फाराओमी इस कली ‘छक लाक्‍चा ङा चिन्‍ड कोंइदीसे’ देंमेनु, गेमी हारून कली ‘इ कोक्‍के बुस्‍स दुम्‍पाइक्‍चा कली फाराओ आ ङोंइती ब्‍वारदो’ देंचा माल्‍नेवे। मिनु मेको कोक्‍के बुस्‍स दुम्‍ब” देंत। प्रस्‍थान ४:३

यसैया 10:26

मुर नेल्‍ल आन परमप्रभु यावेमी मेको आन कली कोर्राम युक्‍ब। मेको ओरेब ङा सेरथे फुल्‍लु आ नेक्‍था ङा लडाइम मिदयान कली फ्रुशो खोदेंशो दुम्‍ब। मेकोम इजीप्‍तम खोदेंशो पा आ कोक्‍के समुन्‍द्र तार दिंब। न्‍यायाधीस ७:२५; भजन संग्रह ८३:१०; प्रस्‍थान १४:२६-२७

हबकुक 3:8

परमप्रभु यावे, गे खोलापुकी नु गाइक्‍तीनी? गे ठेयब समुन्‍द्र आ पर्बम चुरनी? इन शारा नु बग्‍गी आन कली लां कोंइशा ग्रातीनी।

गन्‍ती 20:11

मिनु मोसामी आ गुइ क्‍युक्‍शा आ कोक्‍केमी निक्‍शी खेयप मेको सेरथे फुल्‍लु कली तुप्‍तु। मिनु मेकेर शुश ब्‍वाक्‍कु बुक्‍शा ग्रूत। मिनु मुरपुकी नु आन बी ब्‍यफ, क्‍यारश भेडामी तूतेक्‍म।

यहोसु 8:18

मिनु परमप्रभु यावेमी यहोसु कली “इ गुइमी बाक्‍शो तरवार ऐ सहर गे कोंइशा दिंदो। मारदे हना गो मेको सहर इ कली गेनन” देंत। मिनु यहोसुमी आ गुइमी बाक्‍शो तरवार ऐ सहर गे कोंइशा दिंताक्‍व।