प्रस्‍थान 14:13 - Sunuwar Bible

¹³ मिनु मोसामी मुर आन कली “महिनीन। मुलाक्‍ती परमप्रभु यावेमी दोपा इन कली इजीप्‍त ङा मुर रे प्रोंइबा, कोव़शा बाक्‍कीन। मुलाक्‍ती तशो इजीप्‍त ङा मुर आन कली गे लेंशा गेनायो मताइनीनी।

प्रस्‍थान 14:13 ပူးပေါင်းရင်းမြစ်များ

उत्पत्ती 15:1

मिनु नोले परमप्रभु यावेमी अब्राम कली ङोमु खोदेंशो पा कोंइतीक कोंइदा बाक्‍त। मिनु मेकोमी अब्राम आ नें थिशा “अब्राम महिनो। गो इ कली कोव़नन। शुश आसीक गेनन” देंमाक्‍त। गन्‍ती २४:४,१६; भजन संग्रह ३:४

उत्पत्ती 26:24

मिनु मेको नाक्‍दो परमप्रभु यावे ग्रूशा “गो इ आफ अब्राहाम आ परमप्रभु नङ। महिनो। गो गे नु बाक्‍नुङ, इ कली आसीक गेनन। आं गेय पाइब अब्राहाम आ पर्बम गो इ चच युइ आन कली शुश सेल्‍नुङ” दे लोव़ पवा बाक्‍त।

उत्पत्ती 46:3

मिनु परमप्रभुमी “गो परमप्रभु, इ आफ आ परमप्रभु नङ। इजीप्‍त लचा महिनो। मारदे हना गे उइ बाक्‍ङेनु, इ रे पा ठेयब जात सेल्‍नुङ। उत्‍पत्ती ४७:२७; प्रस्‍थान १:७

उत्पत्ती 49:18

परमप्रभु यावे, गे आं मरिम्‍शो पशो रे प्रोंइनीनी, दे रिम्‍शा बाक्‍ती। भजन संग्रह ११९:१६६; हबकुक २:३

२ राजा 6:16

मिनु मेको परमप्रभु यावे आ लोव़ पाइबमी “महिनो। मेकोपुकी नु बाक्‍शो आन क्‍येङा गो नु बाक्‍शो शुश बाक्‍नीम” देंमाक्‍त।

१ इतिहास 11:14

तन्‍न एलाजर नु दाऊद ला रू आ दातेमी राप्‍शा बाक्‍सा बाक्‍त। मिनु मेको निक्‍शीमी पलिस्‍ती आन कली ग्राशा क्‍योव़ज रू कली मारेइ दुम्‍चा मगेम्‍से बाक्‍त। मोपा परमप्रभु यावेमी ठेयब पा ग्रापाइश्‍शा प्रोक्‍पदा बाक्‍त।

२ इतिहास 20:15

मिनु मेकोमी “यहूदा नु यरूसलेमम बाक्‍ब मुर नेल्‍ले नु पिप येहो-शाफात नेनीन। परमप्रभु यावेमी इन कली मार देंब देंशा हना ‘गे एको लडाइ पाइब आन ठेयब हुल तशा महिनीन। इन थुं लुक्‍च मलल। मारदे हना एको लडाइ परमप्रभु के बाक्‍ब। इन के ममाइ। प्रस्‍थान १४:१३-१४

२ इतिहास 20:17

यहूदा नु यरूसलेम ङा मुर, गेपुकीम एको लडाइ पचा ममाल्‍नीनी। आं देंतीकेम लने। मिनु रिम्‍शा बाक्‍कीन। इन पा ङा गो परमप्रभु यावेम लडाइ पा ग्राशो, कोव़ङीन। महिनीन। इन थुं लुक्‍च मलल। गे ग्रूशा, मेकोपुकी नु लडाइ पथ लने। मारदे हना परमप्रभु यावे गेपुकी नु बाक्‍ब’ ” देंमाक्‍त।

नेहेम्‍याह 9:9

मिनु आंइ किकी पिपी इजीप्‍त रागीम बाक्‍मानु, मेको आन श्‍येत जशो ताइतीनी। लल समुन्‍द्रम बाक्‍शा आन ङाक्‍शो नेंतीनी। प्रस्‍थान ३:७

भजन संग्रह 3:8

परमप्रभु यावे, गे मुर आन कली प्रोंइब बाक्‍नीनी। इन आसीक इन मुर नु बाक्‍ब। ठेयब सेंदा पा।

भजन संग्रह 68:21

परमप्रभुमी थमा पा आ जोरी सत्रु आन पिया प्रोल्‍ब। मेको मुर आन चां पाइश्‍शो पिया पापम ब्रीशो बाक्‍ब।

भजन संग्रह 78:53

मेकोमी मेको आन कली मारेइ श्‍येत मदुम्‍पाइक्‍थु गाक्‍पाइक्‍तीमी। मोपतीके मेकोपुकी काइ महिंम। आन जोरी सत्रु समुन्‍द्रम ग्रुम्‍शा बेक्‍तेक्‍म। प्रस्‍थान १४:१९,२२,२७

भजन संग्रह 91:8

परमप्रभु कली मटीबपुकी दोपा क्‍येक्‍क लेत्‍चा पुंइसीनीमी, गे मेको ताइनेवे।

प्रस्‍थान 14:30

मोपा परमप्रभु यावेमी मेको नाक्‍ती इस्राएली आन कली इजीप्‍त रागी ङा लडाइ पाइब रे प्रोंइतीमी। मिनु इस्राएलीपुकीमी इजीप्‍त ङा मुर आन कली दिल दिल थिश्‍शा, समुन्‍द्र आ नेक्‍था बेक्‍शो ताम्‍तेक्‍म।

प्रस्‍थान 20:20

मिनु मोसामी “महिनीन। परमप्रभु इन कली नाक्‍थ जाक्‍त। गे परमप्रभु कली मान पा हिंचा ङा बाक्‍ब, दे मिम्‍ताक्‍नी हना, पाप मपाइनीनी” देंत। उत्‍पत्ती २२:१

यसैया 26:3

गे ग्‍येत्‍थ लुक्‍च मदुम्‍ब थुं पाइश्‍शो मुर आन कली थुं नाइक्‍चा गेनीनी। मारदे हना मेकोपुकी इन कली थमा सुइक्‍ब बाक्‍नीम।

यसैया 30:15

मिनु परमप्रभु, इस्राएली आन का ला बाक्‍शो परमप्रभु यावेमी “आं गे लेश्‍शा, सिक्‍सी पा बाक्‍नी हना, ब्रोंइनी वा। सिक्‍सी पा बाक्‍तीनी नु थमा सुइक्‍तीनी हना, गे बोल्‍यो दुम्‍नी वा। तन्‍न गे मटिनी। यसैया ७:४; प्रस्‍थान १४:१४

यसैया 35:4

हिंब थुं पाइश्‍शो मुर आन कली “इन थुं फ्रेंदीन। महिनीन” दे मतीन। इन परमप्रभु एक बाक्‍ब। मेको क्‍येक्‍क लेत्‍चा कली जाक्‍ब। परमप्रभुमी हिंचा ङा सजाइ गेब। मेको जाक्‍शा इन कली प्रोंइब।

यसैया 43:11

गो परमप्रभु यावे नङ। आं क्‍येङा लाक्‍शा पाप रे प्रोंइब मबाक्‍ब। यसैया ४५:२१; ब्‍यवस्‍था ३२:३९

यसैया 7:4

मिनु गे मेको कली ‘होस पा, सिक्‍सी पा बाक्‍कीन। महिनीन। इन थुं ग्‍येत्‍थ लुक्‍च मपपतीन। मेको कुन पाइब बुल्‍सी रेसीन, अराम नु रेमाल्‍याह आ तौ पेकाह, आन गाइश्‍शो तशा, महिनीन। इन थुं ग्‍येत्‍थ लुक्‍च मपपतीन। यसैया ३०:१५;

येरमीया 3:23

थमा पा, पहाड ङा देवी देवता आन थान जोल बाक्‍नीम। डांडा मेर ठेयब चाड सेल्‍तीके नेल्‍ल जोल बाक्‍नीम। थमा पा परमप्रभु यावे, आंइ परमप्रभु इस्राएल कली पाप रे प्रोंइब बाक्‍ब।

बिलाप 3:26

सिक्‍सी पा परमप्रभु यावे आ श्‍येत रे प्रोंइतीके रिम्‍चा रिम्‍शो दुम्‍ब। रोमी ८:२५

होसे 1:7

मिनु गो यहूदा आ खिं कली शिशी कोंइनुङ। मिनु मेको आन कली जोरी सत्रु आन गुइ रे पा प्रोंइनुङ। लिब्रा, तरवार नु लडाइ पाइब शारा नु शारा ङोइक्‍बपुकी रे ममाइ, तन्‍न गो मेको आन कली आंमान प्रोंइनुङमी” दे परमप्रभु यावे, आन परमप्रभुमी देंत। लो-रूहामा आ अर्थ “मदाक्‍नुङ” देंशो बाक्‍ब।

होसे 13:4

मिनु “गो परमप्रभु यावे, इन परमप्रभु नङ। गो इन कली इजीप्‍त रागी रे ग्रुंइताक्‍ङ। गे गो आं ङा लाक्‍शा अरु परमप्रभु मतुइक्‍नीनी। मिनु गो आं ङा लाक्‍शा अरुमी पाप रे प्रोंइने मचाप्‍नीम।

होसे 13:9

इस्राएलीपुकी, गो इन कली खतम सेल्‍नुङ। इन कली सुम वारच पाइबा? येरमीया २:१७

हबकुक 3:13

गे इन आंम योव़शो मुर आन कली प्रोंइचा, दे जाक्‍तीनी। इन तेल लुक्‍शो मुर कली प्रोंइथ जाक्‍तीनी। तन्‍न गे इन अरेशो मटीब रागी ङा ठेयब मुर आ खिं तला तारी रे जग सम्‍म प्रेत्‍तीनी। भजन संग्रह १८:८,१६

हबकुक 3:8

परमप्रभु यावे, गे खोलापुकी नु गाइक्‍तीनी? गे ठेयब समुन्‍द्र आ पर्बम चुरनी? इन शारा नु बग्‍गी आन कली लां कोंइशा ग्रातीनी।

गन्‍ती 14:9

गेपुकी परमप्रभु यावे कली गन गन मपने। मिनु मेको रागी ङा मुर आन क्‍येङा महिनीन। मारदे हना गो मेको आन कली शोब्‍ले खोदेंशो पा नेक्‍नय। मेको आन कली प्रोंइब सुइ मबाक्‍नीम। परमप्रभु यावे गोपुकी नु बाक्‍ब। मेको आन क्‍येङा महिंनीन” देंताक्‍स। गन्‍ती १३:३२

मत्ती 28:5

मिनु परमप्रभु यावे आ स्‍वर्ग ङा गेय पाइबमी मीश मुर आस कली “महिनीसे। गे शीमी क्‍याइश्‍शा साइश्‍शो येसु कली माल्‍थ पिसी ममाइ?

ब्‍यवस्‍था 20:3

‘इस्राएलीपुकी नेनीन, गेपुकी मुल लडाइ पथ लचा चिक्‍शो बाक्‍नीनी। मोपतीके आइक्‍च थुं मपने। महिनीन। मेको आन कली तशा, ग्रीचोक पा इन थुं ग्‍येत्‍थ लुक्‍च मदुमीने।

१ सामुएल 11:13

तन्‍न सावलमी “ममाइ, मुलाक्‍ती परमप्रभु यावेमी इस्राएली इं कली ग्रापदा नाक्‍त सुइ साइक्‍चा मदुम्‍ब” देंमाक्‍त। १सामुएल १४:४५

१ सामुएल 12:16

मोपतीके गे बाक्‍कीन। मिनु परमप्रभु यावेमी इन ङोंइती मार ठेयब गेय पाइबा, मेको कोव़ङीन।