प्रस्‍थान 13:21 - Sunuwar Bible

²¹ मिनु परमप्रभु यावेमी मेकोपुकी नाक्‍दो नाक्‍ती गाक्‍ने चाप्‍मेक्‍ल, दे मेको आन कली लां कोंइचा कली नाक्‍ती गोस्‍स के थाम नु नाक्‍दो मी के थाम दुम्‍शा, मेको आन ङोंइङोंइती गाक्‍‍त। प्रस्‍थान ४०:३६-३८; गन्‍ती ९:१५-२३; भजन संग्रह ७८:१४; १कोरिन्‍थी १०:१

प्रस्‍थान 13:21 ပူးပေါင်းရင်းမြစ်များ

नेहेम्‍याह 9:12

आंइ किकी पिपी आन कली नाक्‍त गोस्‍स के थामम लां कोंइताक्‍नी। मिनु नाक्‍दो आन लां तपाइक्‍चा कली मी के थाम दुम्‍शा लां कोंइताक्‍नी।

नेहेम्‍याह 9:19

गे मेको आन कली शुश शिशी पशा, गोरशो रागीमी प्रोंइशा मसोइक्‍तीनी। आन लतीक लां तपाइक्‍चा कली नाक्‍त गोस्‍स के थाम नु नाक्‍दो मी के थाम दुम्‍‍शा गेनायो मप्रोंइनी।

भजन संग्रह 105:39

मिनु परमप्रभुमी आ मुर आन कली सुम्‍चा कली गोस्‍स सोइक्‍ता बाक्‍त। मिनु नाक्‍दो गाक्‍चा कली मी के थाम गेमी बाक्‍त। प्रस्‍थान १४:२०

भजन संग्रह 68:7

परमप्रभु, गे इन मुर आन ङोंइङोंइती गाक्‍तीनी। गे मेको आन कली गोरशो रागीम खुल्‍नीनी। ठेयब सेंदा पा। प्रस्‍थान १३:२१

भजन संग्रह 77:20

मोसा नु हारून आस गुइ रे पा, गे इन मुर आन कली भेडा आन हुल खुल्‍शो खोदेंशो पा गाक्‍पाइक्‍तीनी” दे परमप्रभु कली लोव़ पता।

भजन संग्रह 78:14

मेकोमी मेको आन कली नाक्‍त गोस्‍सुम नु नाक्‍दो मी आ हाम्‍सोमी लां कोंइताक्‍व। प्रस्‍थान १३:२१

भजन संग्रह 99:7

मेकोमी गोस्‍स के थाम रे पा मेकोपुकी नु लोव़ पशो बाक्‍त। मेकोपुकीमी मेको आ देंशो नु आ फुल्‍लुम मुशा ब्रेक्‍शो लोव़ टिशो बाक्‍‍तेक्‍म।

प्रस्‍थान 10:10

मिनु फाराओमी मेको आस कली “इन परमप्रभु यावे गे नु बाक्‍शो खोदेंशो पा गो इन कली नु इन आल नु लचा मगेनुङ। गे मरिम्‍शो पचा माल्‍नीनी, दे आंमा तुइक्‍नीसी।

प्रस्‍थान 16:10

मिनु हारूनमी इस्राएली नेल्‍ल आन कली लोव़ पवानु, मेकोपुकी गोरशो रागी गे कोव़तेक्‍म। मिनु मेकेर गोस्‍सुमी परमप्रभु यावे आ छेङछेङ ग्रूशो ताम्‍तेक्‍म। गन्‍ती १२:५; गन्‍ती १४:१०; गन्‍ती १६:१९

प्रस्‍थान 32:1

मिनु इस्राएल ङा मुरपुकीमी मोसा कली डांडा रे मयिशो तशा, हारून आ बाक्‍तीक जाक्‍शा, मेको कली “लो, इं ङोंइङोंइती गाक्‍शा लां कोंइब देवता सेलो। आंइ कली इजीप्‍त रागी रे ग्रुंइशा, एक चाक्‍ब मोसा मार दुम्‍मे? मतुइक्‍तक” दे हारून कली देंमा बाक्‍त। ब्‍यवस्‍था ९:८-२१

ठेयब कुम्सो 3:6

गोरशो रागी रे मार जाक्‍बा? कुन के थाम खोदेंशो तांइसीब। मिनु मेको मूरे नु धूप खोदेंशो ब्रोव़शो रिना पाइब। मेको ग्‍याप्‍ब लेयब आन मस्‍ला खोदेंशो पा रिना पाइक्‍तु।

गन्‍ती 10:34

मिनु परमप्रभु यावे आ गोस्‍स मेको आन गाक्‍ची ना मेको आन तार बाक्‍त। प्रस्‍थान १३:२१; गन्‍ती ९:१५-२३

गन्‍ती 14:14

एको रागी ङा मुरपुकीम मेको आन कली नेंपाइक्‍नीम। परमप्रभु यावे, गे इन मुर आन दातेम बाक्‍शो बाक्‍नीनी, दे मेकोपुकीमी देंशो लोव़ नेंने थुम्‍शो बाक्‍नीम। परमप्रभु यावे, गे मेको आन ङोंइतीन तपांइसीशो बाक्‍नीनी। मिनु इन गोस्‍स मेको आन तार बाक्‍शो बाक्‍ब। मिनु गे नाक्‍ती गोस्‍स के थामम नु नाक्‍दो मी के थामम बाक्‍शा, मेको आन ङोंइती गाक्‍नीनी। प्रस्‍थान १३:२१-२२; गन्‍ती ९:१५-२३

ब्‍यवस्‍था 1:33

मेको इन ङोंइती इन कली बाक्‍तीके कोंइथ गाक्‍त हना यो, गे थमा मसुइक्‍नी। मिनु लां कोंइचा कली नाक्‍दोम मी नु नाक्‍तीम गोस्‍स दुम्‍शा इन कली लां कोंइताक्‍व। प्रस्‍थान १३:२१

ब्‍यवस्‍था 31:8

मिनु परमप्रभु यावे इ ङोंइती लाइब। मेको गे नु बाक्‍ब। मेकोम इन कली कोव़शा, मप्रोंइब। महिनीन नु मेको आन कली तशा इन थुं लुक्‍च मलने” दे मोसामी यहोसु कली देंत।