प्रस्‍थान 13:19 - Sunuwar Bible

¹⁹ मोसामी योसेफ आ रुश यो कुरतु। मारदे हना योसेफमी इस्राएली आन कली “परमप्रभुम इन कली थमा पा एको रागी रे ग्रुंइशा लाइब। मेना आं रुश यो लाइक्‍चा माल्‍नीनी” दे कसम जपाइश्‍शो बाक्‍माक्‍त। उत्‍पत्ती ५०:२५; यहोसु २४:३२

प्रस्‍थान 13:19 ပူးပေါင်းရင်းမြစ်များ

उत्पत्ती 48:21

मिनु इस्राएलमी योसेफ कली “नेनो, गो बेक्‍नुङ। मिनु परमप्रभु गे नु बाक्‍शा, इ कली लेंशा इ किकी पिपी आ रागी लाइक्‍ब।

प्रस्‍थान 4:31

मिनु मुरपुकीमी थमा सुइक्‍तेक्‍म। मिनु परमप्रभु यावेमी इस्राएली आन कली ग्रुम्‍शा, आन श्‍येत तशा, वारच पचा चिक्‍शो तुइश्‍शा, मेकोपुकी बाप्‍शा, परमप्रभु कली ठेयब सेल्‍तेक्‍म। प्रस्‍थान ३:१६

लूका 1:58

आ एर ओंथ बाक्‍ब नु आ खिं ङा मुर नेल्‍लेमी “परमप्रभुमी मेको कली शिशी पा, तौ थीब सेल्‍तु” देंशो नेंशा, नेल्‍ल मेको नु ग्‍येरसमा बाक्‍त।

लूका 7:16

मिनु मुरपुकी मोदेंशो दुम्‍शो तशा, हिंमा बाक्‍त। मिनु मेकोपुकीमी परमप्रभु यावे कली ठेयब सेल्‍शा “इं दातेमी परमप्रभु यावे आ लोव़ पा छक लाक्‍चा ङा गेय पाइब का ग्रूमाक्‍त। परमप्रभु यावेम इं कली थमा पा शिशी पाइक्‍बाक्‍त” देंमा बाक्‍त। मत्ती १६:१४; लूका १:६८

प्रेरित 7:15

मिनु याकूब इजीप्‍त जाक्‍दीश्‍शा, शुश बर्स बाक्‍शा, मेकेर उइ बेक्‍माक्‍त। नोले इं किकी पिपी याकूब आ तौ यो मेकेर बेक्‍मा बाक्‍त।

प्रेरित 7:16

इजीप्‍तमी बेक्‍तेक्‍म हना यो, आन बेक्‍शो रां शेकेम सहर लाइश्‍शा थिम्‍मे बाक्‍त। अब्राहाममी शेकेम सहरम मेको थिम्‍तीके रू हमोर आ तौपुकी रे चांदी गेशा, ग्‍याप्‍शो बाक्‍माक्‍त।

हिब्रू 11:22

मिनु नोले योसेफमी यो आ बेक्‍ची जाक्‍त, दे तुइश्‍शा ङा मिन “इस्राएलीपुकी इजीप्‍त रे ग्रूशा गाक्‍नीम” दे परमप्रभु यावे आ देंशो लोव़ मिम्‍शा, आ मुर आन कली “गे लेन्‍नीनु, आं रुश यो लाइश्‍शा लने” दे माइक्‍मी बाक्‍त। मारदे हना आ यो “परमप्रभु यावे आ देंशो जाक्‍दीप्‍ब” दे थमा सुइश्‍शो बाक्‍माक्‍त।

यहोसु 24:32

इस्राएलीपुकीमी योसेफ आ रुश कली इजीप्‍त रागी रे लाइश्‍शा, शेकेम सहरम थिम्‍तेक्‍म। याकूबमी मेको रू कली हमोर आ तौपुकी रे सहे का चांदी के शेकेलमी ग्‍याप्‍शो बाक्‍त। हमोर चहिं शेकेम सेल्‍ब बाक्‍त। शेकेम योसेफ आ चच युइ आन थेरशो रू दुम्‍त। शेकेल का ११.५ ग्राम खोदेंशो बाक्‍ब। उत्‍पत्ती ५०:२५; उत्‍पत्ती ३३:१९