प्रस्‍थान 13:17 - Sunuwar Bible

¹⁷ मिनु फाराओमी इस्राएली आन कली लचा गेवानु, परमप्रभुमी इस्राएली आन कली आन नेक्‍था ङा लां पलिस्‍ती आन रागी ङा लां मकोंइद। मारदे हना मुरपुकीमी “लडाइ पचा माल्‍तेक्‍म हना, हिंशा इजीप्‍त रागी लेत्‍नीमी, कों” दे लाइश्‍शो लां कोंइताक्‍व।

प्रस्‍थान 13:17 ပူးပေါင်းရင်းမြစ်များ

१ राजा 8:47

मिनु मेकोपुकीम आन कली ग्‍याइश्‍शा लाइश्‍शो रागीम श्‍येत जशा ‘गो पाप पाइतक। दूली पा काइ मरिम्‍शो पाइतक’ देंतेक्‍म हना, नेहेम्‍याह ९:३३; दानीएल ९:५

नेहेम्‍याह 9:17

इन कली टिने मबिस्‍सम। आन दातेमी पशो इन चिन्‍ड नु छक लाक्‍चा ङा गेय ममिम्‍शो बाक्‍तेक्‍म। मेकोपुकी इन देंशो मटीब दुम्‍शो बाक्‍तेक्‍म। मिनु आन काइ मटितीकेमी इजीप्‍त रागी लेश्‍शा लशा, लेंशा वाइलीम वाइल दुम्‍चा कली थुंम वोइश्‍शो बाक्‍तेक्‍म। गे चहिं आंइ मरिम्‍शो पशो क्‍याम्‍शा गेब परमप्रभु बाक्‍नीनी। शिशी पाइब नु गेना हना यो दाक्‍ब बाक्‍नीनी। गे ओंखां पा चुरब बाक्‍शा, गेना हना यो दाक्‍तीके पाइश्‍शो बाक्‍नीनी। मोपतीके गे इन मुर आन कली दाक्‍शा मप्रोंइ‍नी। प्रस्‍थान ३४:६

प्रस्‍थान 14:10

मिनु इस्राएलीपुकी फाराओ नु आ लडाइ पाइबम आंम कली खेदा पशो तशा, हिंशा ख्रिंख्रि पाम्‍तेक्‍म। मिनु परमप्रभु यावे कली “वारच पाइय्‍यीकी” दे पुंइतेक्‍म।

प्रेरित 15:38

पावलम चहिं मलाइक्‍चा, दे मबिस्‍से बाक्‍त। मारदे हना ङोंइती काथा गाक्‍शा, पाम्‍फीलीया रागीमी बाक्‍मानु, गेय प्रोंइशा आ का ला लेश्‍शो बाक्‍‍माक्‍त। प्रेरित १३:१३

प्रेरित 7:39

इं किकी पिपीमी मोसा आ लोव़ मटिथु मनेंथु, मोसा कली प्रोंइशा आन थुं इजीप्‍त रागी गे हिरदमे बाक्‍त।

ब्‍यवस्‍था 17:16

मेकोमी शुश शारा आंम कली मवोदल। मिनु मेकोमी शारा ग्‍याप्‍चा कली मुर आन कली इजीप्‍त मसोइक्‍तल। मारदे हना परमप्रभु यावेमी ‘मेको लां गेनायो लेश्‍शा मलने’ देंत। १राजा १०:२६-२९

ब्‍यवस्‍था 20:8

मिनु मेको ठेयब मुरपुकीमी लेंशा मुर आन कली ‘इन दातेमी सुइम हिंब नु आ थुं लुक्‍च लाइब बाक्‍त हना, मेको आ खिं लेश्‍शा लचा माल्‍ब। मेकेर बाक्‍त हना, आ लोक्‍ब आन थुं यो ग्‍येत्‍थ लुक्‍च लपाइक्‍ब’ देंचा माल्‍नीम। न्‍यायाधीस ७:३

ब्‍यवस्‍था 28:68

परमप्रभु यावेमी इन कली जहाजम इजीप्‍त रागीम लेश्‍शा सोइक्‍ब। गो मेको लां आ पर्बमी ‘गेपुकीमी एको लां गेनायो लेंशा लचा मदुम्‍ब’ दे गो इन कली देंती। मेकेर जाक्‍शा इन कली इन जोरी सत्रु आन कली वाइलीम वाइल सेल्‍चा कली लेयचा दाक्‍नीम, तन्‍न सुइम इन कली मग्‍याप्‍नीम” देंत। ब्‍यवस्‍था १७:१६; होसे ८:१३

हिब्रू 11:27

“मतांइसीब परमप्रभु यावे कली मिक्‍चीम तशो खोदेंब पा आं नेक्‍थान ताइनुङ” दे थमा सुइश्‍शा, पिपी गाइश्‍शो तशा यो महिंथु, इस्राएली आन कली इजीप्‍त रे ग्रुंइशा लाइक्‍मी बाक्‍त।

न्‍यायाधीस 7:3

मोपतीके मुल गे मेको नेल्‍ल आन कली ‘सुइ मुर हिंशा ख्रिंख्रि पाइब बाक्‍तेक्‍म हना, मेको मुर आन खिं लेत्‍चा माल्‍नीम’ दे नेंपतो” देंमाक्‍त। मिनु २२ हजार आन खिं लेश्‍शा, १० हजार इस्राएली ला लीमा बाक्‍त। ब्‍यवस्‍था २०:८