प्रस्‍थान 13:16 - Sunuwar Bible

¹⁶ एको पतीके इन गुइमी नु इन कुप्‍फीम मिम्‍तीके चिन्‍ड खोदेंशो पा बाक्‍चा माल्‍ब। मारदे हना परमप्रभु यावेमी इं कली आ ठेयब सक्तिमी इजीप्‍त रागी रे ग्रुंइताक्‍व’ दे इन आल आन कली शेंचा माल्‍नीनी” देंत।

प्रस्‍थान 13:16 ပူးပေါင်းရင်းမြစ်များ

नेहेम्‍याह 1:10

मिनु मेकोपुकी इन वाइली नु इन रागी ङा मुर बाक्‍नीमी। ङोंइती गे मेको आन कली इन ठेयब सक्ति नु इन बोल्‍यो गुइमी प्रोंइशो बाक्‍तीनी।

भजन संग्रह 136:11

मेकोमी इस्राएली आन कली इजीप्‍ती आन दाते रे ग्रुंइशा चाक्‍तीमी। मारदे हना मेको आ दाक्‍तीके गेना हना यो लीब।

प्रस्‍थान 12:13

मेको ख्रेक्‍शो हुश इन खिं ङा चिन्‍ड दुम्‍ब। तेको खिंम हुश ख्रेक्‍शो तङा, मेको खिं कली हेरशा लाक्‍नुङ। गो इजीप्‍त रागी ङा मुर आन कली बेक्‍चा ङा श्‍येत गेनुङमी। इन कली चहिं मेको श्‍येत मगेनुङ। हिब्रू ११:२८; प्रस्‍थान ३०:१२

प्रस्‍थान 12:41

मिनु ४ सहे ३० बर्स गाम नाक्‍ती, परमप्रभु यावे आ योव़शो इस्राएली नेल्‍ल इजीप्‍त रागी रे गाक्‍मा बाक्‍त।

प्रस्‍थान 13:14

मिनु काबु इन आलपुकीमी ‘गे मारदे ओदेंशो पाइनीनी?’ दे हिल्‍लो पाइनीम। मेना गेपुकीमी ‘परमप्रभु यावेमी इं कली आ ठेयब सक्तिमी इजीप्‍त रागी रे ग्रुंइताक्‍व। वाइलीम वाइल दुम्‍शो रे यो प्रोंइतु’ दे इन आल आन कली शेंचा माल्‍नीनी। प्रस्‍थान १२:२६,२९

प्रस्‍थान 13:9

मेको पास्‍सा चाड इन गुइमी नु इन कुप्‍फीम मिम्‍तीके चिन्‍ड खोदेंशो पा बाक्‍चा माल्‍ब। मोपा परमप्रभु यावे आ अरेशो लोव़ गे नु बाक्‍ब। मारदे हना परमप्रभु यावेमी आ ठेयब सक्तिमी इन कली इजीप्‍त रागी रे ग्रुंइताक्‍व। ब्‍यवस्‍था ६:८; ब्‍यवस्‍था ११:१८

प्रस्‍थान 6:1

मिनु नोले परमप्रभु यावेमी मोसा कली “गो फाराओ कली मार पाइनुङा, गे मुल ताइनेवे। फाराओम मेको आन कली लचा गेचा ला ममाइ, ठेयब सक्तिमी फाराओ कली आं मुर आन कली आ रागी रे खेरपाइक्‍नुङ” दें‍त। प्रस्‍थान ११:१; प्रस्‍थान १२:३३

प्रस्‍थान 6:6

मोपतीके गो इस्राएली आन कली ‘गो परमप्रभु यावे नङ। गो इजीप्‍त ङा मुर आन गेशो श्‍येत नु इन वाइल दुम्‍शो गेय रे प्रोंइनन्‍नी। गो इजीप्‍त ङा मुर आन कली ठेयब सजाइ गेशा, आं ठेयब सक्तिमी इन कली ग्रुंइनुङ।

हितोपदेस 6:21

मेको गेना हना यो इ थुंम वोतो। मेको कली माला खोदेंशो पा रेल्‍सो।

दानीएल 9:15

मिनु परमप्रभु यावे, आंइ परमप्रभु गे इन मुर आन कली इजीप्‍त रागी रे ग्रुंइशा चाक्‍तीनी। मेको इन सक्ति नु इन ठेयब नें आ पर्बम मोदेंशो पाइ‍तीनी। गोपुकी पाप पा, इन अरेशो लोव़ मटीब दुम्‍तक।

मत्ती 23:5

मार मार पामेनु, मुर आन ङोंइती ला पाइनीम। ठेयब टालोमी परमप्रभु यावेमी अरेशो लोव़ ब्रेक्‍शा आन फेक्‍शो वामी केप्‍नीमी। मिनु आन वामी लाइश्‍शो झुम्‍का क्‍युक्‍सीनीम। मत्ती ६:१; गन्‍ती १५:३८-३९

प्रेरित 13:17

इस्राएली आन परमप्रभु यावेमी आंइ किकी पिपी आन कली योव़शा, इजीप्‍त रागीमी बाक्‍मानु, शुश सोशा बोशा ठेयब जात दुम्‍पाइक्‍मी बाक्‍त। मिनु शुश सक्ति पाइश्‍शो गेय कोंइशा, मेको आन कली श्‍येत रे प्रोंइशा ग्रुंइदीमी बाक्‍त। प्रस्‍थान १२:३७,४०,४१; प्रस्‍थान १४:८

ब्‍यवस्‍था 11:18

मिनु गेपुकीमी आं देंशो लोव़ इन थुंम वोतीन। मेको मिम्‍चा कली इन गुइमी चिन्‍ड फ्रेंदीन। मिनु कुप्‍फीम फ्रेंतीके खोदेंशो पा फ्रेंचा माल्‍नीम। ब्‍यवस्‍था ६:६-९

ब्‍यवस्‍था 26:8

मिनु परमप्रभु यावेमी शुश सक्ति पाइश्‍शो ठेयब बोल पतीकेमी हिंचा ङा चिन्‍ड नु छक लाक्‍चा ङा गेय कोंइशा, आंइ कली इजीप्‍त रे ग्रुंइशा एक चाक्‍तु।

ब्‍यवस्‍था 5:15

मिनु गेपुकी इजीप्‍तमी वाइल दुम्‍तीके मप्रेंदीन। परमप्रभु यावे, इन परमप्रभुमी शुश सक्ति पाइश्‍शो नु आ ठेयब बोल पतीकेमी इन कली ग्रुंइशा, एक चाक्‍तु। मोपतीके परमप्रभु यावे, इन परमप्रभुमी इन कली नाइक्‍तीक नाक्‍ती नाइक्‍चा माल्‍ब, दे अरे‍शो बाक्‍ब। ब्‍यवस्‍था १५:१५; ब्‍यवस्‍था १६:१२; ब्‍यवस्‍था २४:१६,२२

ब्‍यवस्‍था 6:21

गे मेको आन कली ‘गो इजीप्‍त ङा पिप फाराओ आ वाइलीम वाइल बाक्‍तय। मिनु शुश सक्ति पाइश्‍शो परमप्रभु यावेमी मेक रे ग्रुंइताक्‍व। भजन संग्रह ४४:२

न्‍यायाधीस 2:12

मिनु मेको आन कली इजीप्‍त रागी रे ग्रुंइब, परमप्रभु यावे, आंम किकी पिपी आन परमप्रभु कली प्रोन्‍मे बाक्‍त। मेको आन दातेमी बाक्‍ब जात जात ङा मुर आन देवी देवता आन ङोंइती बाम्‍मा बाक्‍त। मोपा परमप्रभु यावे कली चुरपदमे बाक्‍त।