Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




प्रस्‍थान 13:15 - Sunuwar Bible

15 ‘फाराओम इं कली काइ लचा मगेतीके, परमप्रभु यावेमी इजीप्‍त रागी ङा मुर आन ङोंइती जरमेशो तौ नु बस्‍तु भाव आन दाते ङा ङोंइती जरमेशो नेल्‍ल साइक्‍तु। मोपतीके ङोंइती जरमेशो बोहोर बोका परमप्रभु यावे कली चढ़ेनीकी। तन्‍न ङोंइती जरमेशो तौ आ पा ङा क्‍येट गेशा प्रोंइनीकी।

အခန်းကိုကြည့်ပါ။ ကော်ပီ




प्रस्‍थान 13:15
7 ပူးပေါင်းရင်းမြစ်များ  

मिनु मेकोमी आन ङोंइती थिशो तौ सदा बाक्‍त। आन ङोंइती ङा बोल ङा आल खतम सेला बाक्‍त।


मिनु नाक्‍दो उइक्‍थ दुम्‍मेनु, परमप्रभु यावेमी इजीप्‍त रागी ङा मुर आन ङोंइती जरमेशो तौ आन कली साइक्‍तीमी। फाराओ आ नोले सासन पाइब तौ रे जेल्‍खानम बाक्‍ब मुर आन ङोंइती जरमेशो तौ नेल्‍ल आन कली साइक्‍तीमी। बस्‍तु भाव आन ङोंइती जरमेशो यो साइक्‍तु। प्रस्‍थान ४:२३


मेको पिपमी चहिं इन कली लचा मगेब, गो तुइक्‍नुङ। गो थम ठेयब सक्तिमी इन कली वारच पाता हना ला, लचा गेब।


ङोंइती जरमेशो गधा आ बोहोर आ पा ङा पाठा का गेशा प्रोंइचा माल्‍नीनी। मो मपाइनीनी हना, आ शुर जिक्‍शा, साइक्‍चा माल्‍नीनी। इन ङोंइती जरमेशो तौ आ पा ङा क्‍येट गेशा प्रोंइचा माल्‍नीनी। आं ङोंइती सुइ श्‍येत्‍थ गुइ मजाक्‍कीन। प्रस्‍थान १३:१२-१६


आं तौ कली आं कली चढ़ेतीक चढ़ेथ लचा गेवो। गे मटिप्‍तीवी हना, गो इ ङोंइती जरमेशो तौ कली साइक्‍नुङ’ देंत, देनो” दे परमप्रभु यावेमी मोसा कली माइक्‍तु। प्रस्‍थान ११:५; प्रस्‍थान १२:२९


मिनु परमप्रभु यावे कली चढ़ेशो, मुर आन ङोंइती जरमेशो, बी ब्‍यफ क्‍यारश भेडा आन ङोंइती जरमेशो नेल्‍ल इ केन बाक्‍नीम। मो दुम्‍त हना यो, गे मुर आ ङोंइती जरमेशो कली प्रोंइचा माल्‍नेवे। ग्रांग्रा दिशो बस्‍तु भाव आन ङोंइती जरमेशो यो प्रोंइचा माल्‍नेवे। प्रस्‍थान १३:२; प्रस्‍थान ३४:१९-२०


मिनु लेवी आन क्‍येङा शुश दुम्‍शो इस्राएली आन ङोंइती जरमेशो तौ सहे निक्‍शी ७३ जना बाक्‍तेक्‍म। मेको आन कली प्रोंइचा माल्‍बाक्‍त।


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ