प्रस्‍थान 13:12 - Sunuwar Bible

¹² गे इन ङोंइती जरमेशो तौ नु इन बी ब्‍यफ, क्‍यारश भेडा आन ङोंइती जरमेशो परमप्रभु यावे कली गेचा माल्‍नीनी। ङोंइती जरमेशो बोहोर बोका परमप्रभु यावे केन नम।

प्रस्‍थान 13:12 ပူးပေါင်းရင်းမြစ်များ

नेहेम्‍याह 10:36

आंइ नेल्‍ल क्‍येङा ङोंइती जरमेशो तौ नु बस्‍तु भाव आन ङोंइती जरमेशो परमप्रभु आ अरेशो खोदेंशो पा परमप्रभु आ खिंमी चाक्‍चा कली आंइ थुं फ्रेंताक्‍क। आंइ नेल्‍ल क्‍येङा ङोंइती जरमेशो बी ब्‍यफ, क्‍यारश, भेडा आंइ परमप्रभु आ खिंमी गेय पाइब चढ़ेब आन कली चाक्‍नीक, दे थुं फ्रेंताक्‍क। प्रस्‍थान १३:२

नेहेम्‍याह 10:37

मिनु आंइ नि‍शो फस ङा नेल्‍ल क्‍येङा ङोंइती ङा भाग, अन्‍न चढ़ेतीके, मार मार रवा आन फल, अङगुर शांबु नु तेल चढ़ेब आन कली गेचा, दे परमप्रभु आ खिं ङा वोइक्‍तीक कोठाम चाक्‍नीकी। मोदेंशो पा लेवी नेल्‍लेम रागी ङा १० भाग ङा भाग का ताइनीम। मेको लेवीपुकीमी आंइ गेय पतीक सहर जाक्‍शा, १० भाग ङा भाग का पोक्‍चा माल्‍नीम। गन्‍ती १५:२०-२१; गन्‍ती १८:२१

प्रस्‍थान 13:1

मिनु परमप्रभु यावेमी मोसा कली

प्रस्‍थान 13:2

“इस्राएलीपुकी, इन ङोंइती जरमेशो तौ नु इन बी ब्‍यफ, क्‍यारश भेडा आन ङोंइती जरमेशो बोहोर बोका योव़शा गेयीनी। मारदे हना मेको आं के बाक्‍नीम, दे मुर आन कली देंचा माल्‍ब” देंत। प्रस्‍थान १३:१२,१३; प्रस्‍थान २२:२८

प्रस्‍थान 22:28

परमप्रभु आ पर्बम मरिम्‍शो लोव़ मपचा। इन कली सासन पाइब कली सराप मपचा। लेवी २४:१४-१६; प्रेरित २३:५

प्रस्‍थान 22:29

गे इन रू ङा ङोंइती मीशो मारेइ मारेइ नु अङगुर रस चढ़ेचा मरिम्‍दीन। मिनु इन ङोंइती जरमेशो तौपुकी आं कली गेचा माल्‍नीनी। प्रस्‍थान २३:१९; ब्‍यवस्‍था १८:४; हितोपदेस ३:९-१०; प्रेरित १३:२,१३

प्रस्‍थान 34:19

इन बस्‍तु भाव आन ङोंइती जरमेशो बाछा, पाठा, नेल्‍ल आं के नम। उत्‍पत्ती ४:४

प्रस्‍थान 34:20

ङोंइती जरमेशो गधा आ बोहोर आ पा ङा पाठा का गेशा प्रोंइचा माल्‍नीनी। मो मपाइनीनी हना, आ शुर जिक्‍शा, साइक्‍चा माल्‍नीनी। इन ङोंइती जरमेशो तौ आ पा ङा क्‍येट गेशा प्रोंइचा माल्‍नीनी। आं ङोंइती सुइ श्‍येत्‍थ गुइ मजाक्‍कीन। प्रस्‍थान १३:१२-१६

इजीकीएल 16:20

मिनु गे आं कली थिशो तमी तौ आन कली लाइश्‍शा, मूर्ति आन कली जचा थोव़क सेल्‍शा क्‍योरशा चढ़ेप्‍तीवी। मार इ तेल्‍लेम पशोमीन मगाम ङा? इजीकीएल २०:२६; इजीकीएल २३:३७; ब्‍यवस्‍था १२:३१; २राजा १६:३; येरमीया ७:३१

इजीकीएल 44:30

ङोंइती मीशो फल आन नेल्‍ल क्‍येङा रिम्‍शो फल नु इन चढ़ेशो मारेइ मारेइ नेल्‍ल चढ़ेब आन केन दुम्‍ब। गे इन खिंम आसीक तचा कली इन नि‍शो फस नेल्‍ल क्‍येङा ङोंइती ङा डल्‍ला यो चढ़ेब आन कली गेचा माल्‍नीनी। प्रस्‍थान २५:२; गन्‍ती १५:२०; नेहेम्‍याह १०:३८

लेवी 27:26

मिनु बी ब्‍यफ, क्‍यारश भेडा आन ङोंइती जरमेशो ब्‍यफ बाक्‍त हना यो, सांड बाक्‍त हना यो, बोका बाक्‍त हना यो, मेको ङोंइती रे परमप्रभु यावे केन बाक्‍ब। सुइमी परमप्रभु यावे कली गेने मचाप्‍नीमी। प्रस्‍थान १३:२,१२,१३; गन्‍ती १८:१५

गन्‍ती 18:15

मिनु परमप्रभु यावे कली चढ़ेशो, मुर आन ङोंइती जरमेशो, बी ब्‍यफ क्‍यारश भेडा आन ङोंइती जरमेशो नेल्‍ल इ केन बाक्‍नीम। मो दुम्‍त हना यो, गे मुर आ ङोंइती जरमेशो कली प्रोंइचा माल्‍नेवे। ग्रांग्रा दिशो बस्‍तु भाव आन ङोंइती जरमेशो यो प्रोंइचा माल्‍नेवे। प्रस्‍थान १३:२; प्रस्‍थान ३४:१९-२०

गन्‍ती 3:12

“गो इस्राएली आन ङोंइती जरमेशो तौ आन पा ङा लेवी आ थर ङा मुर आन कली इस्राएली आन दाते रे योव़तामी। मोपतीके लेवी आ मुर आं केन बाक्‍नीम। गन्‍ती ८:१६; प्रस्‍थान १३:२

गन्‍ती 3:13

ङोंइती जरमेशो नेल्‍ल आं के बाक्‍नीम। इजीप्‍तमी ङोंइती जरमेशो नेल्‍ल सदुमी नाक्‍ती, गो इस्राएली आन ङोंइती जरमेशो आं कली वोंइसाक्‍यी। मिनु गो मुर नु बी ब्‍यफ, क्‍यारश भेडा नेल्‍ल आं कली वोंइसाक्‍यी। मेको आं के बाक्‍नीम। गो परमप्रभु यावे नङ” देंत।

गन्‍ती 8:17

मिनु इस्राएली आन दातेम मुर बाक्‍तेक्‍म हना यो, बी ब्‍यफ, क्‍यारश भेडा बाक्‍तेक्‍म हना यो, ङोंइती जरमेशो नेल्‍ल आं के बाक्‍नीम। इजीप्‍ती आन नेल्‍ल क्‍येङा ङोंइती जरमेशो तौ नेल्‍ल आन कली सदुमी नाक्‍त रे गो मेको आन कली आं कली तिल्‍शा वोंइसाक्‍यी। प्रस्‍थान १३:२

लूका 2:23

मारदे हना परमप्रभुम अरे‍शो लोव़मी “ङोंइती थिशो वोंइश आल परमप्रभु यावे के बाक्‍ब” दे ब्रेक्‍शो बाक्‍ब। प्रस्‍थान १३:२,१५

ब्‍यवस्‍था 15:19

इन बी ब्‍यफ आ ङोंइती जरमेशो बाछा नु इन क्‍यारश भेडा आ ङोंइती जरमेशो पाठा परमप्रभु यावे, इन परमप्रभु कली गेचा माल्‍नीनी। इन ङोंइती जरमेशो ब्‍यफ लाइश्‍शा गेय मपचा। ङोंइती जरमेशो सांड आन कली ऊन मप्रेक्‍चा। प्रस्‍थान १३:२,१३-१६