प्रस्‍थान 13:10 - Sunuwar Bible

¹⁰ मोपा गेपुकी बर्स बर्समी मेको चाड ठीक नाक्‍तीम मानेशा आ अरेशो लोव़ पचा माल्‍नीनी।

प्रस्‍थान 13:10 ပူးပေါင်းရင်းမြစ်များ

प्रस्‍थान 12:14

मेको नाक्‍ती इन कली मिम्‍तीक नाक्‍ती दुम्‍चा माल्‍ब। मोपतीके आं नेंम भोज जचा माल्‍नीनी। गे बर्स बर्सम मेको चाड परमप्रभु यावे कली मानेचा माल्‍नीनी। इन पाला नेल्‍ल आन कली गेना हना यो अरेशो लोव़ बाक्‍ब।

प्रस्‍थान 12:17

बोरब ओख्‍ती मसुप्‍शो शोब्‍ले ङा चाड मानेचा माल्‍नीनी। मारदे हना मेको नाक्‍ती गो इन हुल आन कली इजीप्‍त रागी रे ग्रुंइताक्‍ङ। मोपतीके इन पाला मुर नेल्‍ल आन कली गेना हना यो अरेशो लोव़ बाक्‍ब।

प्रस्‍थान 12:42

मेको नाक्‍दो इस्राएलीपुकीमी परमप्रभु यावे आ ङोंइती शुश मिम्‍तीक नाक्‍दो दुम्‍माक्‍त। मारदे हना मेको आन कली इजीप्‍त रागी रे ग्रुंइदा बाक्‍त। मेको परमप्रभु यावे आ नाक्‍दो बाक्‍ब। इस्राएल ङा मुर आन पाला नेल्‍लेमी मेको मिम्‍तीक नाक्‍दो बाक्‍ब। यसैया ३०:२९

प्रस्‍थान 13:5

मिनु परमप्रभु यावेमी इन किकी पिपी आन कली ‘कनानी, हित्ती, एमोरी, हिव्‍वी नु यबुसी आन रागी इन कली गेनुङ’ दे कसम जशो बाक्‍माक्‍त। मेको रागीमी जाक्‍दीश्‍शा, आबीब महिनामी पास्‍सा चाड मानेचा माल्‍नीनी। मेको रागीम दूध नु खुदो शुश बाक्‍ब, मारेइ मारेइ यो शुश ग्रेल्‍ब। उत्‍पत्ती १५:१८

प्रस्‍थान 23:15

गो इन कली देंशो खोदेंशो पा, बोरब ओख्‍ती मसुप्‍शो शोब्‍ले ङा चाड मानेचा माल्‍नीनी। गेपुकी ७ नाक्‍त सम्‍म बोरब ओख्‍ती मसुप्‍शो शोब्‍ले जचा माल्‍नीनी। मेको आबीब महिनामी पचा माल्‍नीनी। मारदे हना गेपुकी आबीब महिनामी इजीप्‍त रागी रे ग्रूतीनी। आं ङोंइती श्‍येत्‍थ गुइ मजाक्‍कीन। प्रस्‍थान १२:१५-२०

लेवी 23:6

मेको महिना ङा १५ नाक्‍ती परमप्रभु यावे कली बोरब ओख्‍ती मसुप्‍शो शोब्‍ले जतीक चाड बाक्‍ब। गेपुकीमी ७ नाक्‍त सम्‍म बोरब ओख्‍ती मसुप्‍शो शोब्‍ले जचा माल्‍नीनी।