प्रस्‍थान 12:43 - Sunuwar Bible

⁴³ मिनु परमप्रभु यावेमी मोसा नु हारून आस कली “पास्‍सा दोपा पचा आं अरेशो लोव़ मार बाक्‍त देंशा हना, अर्को रागी ङा मुरुम मेको जचा ब्‍वचा मदुम्‍ब।

प्रस्‍थान 12:43 ပူးပေါင်းရင်းမြစ်များ

२ इतिहास 30:18

मिनु एफ्राइम, मनस्‍से, इस्‍साकार नु जबूलून रागी रे जाक्‍शो शुश मुरपुकी परमप्रभु यावे आ ङोंइती आंम कली ठीक मसेल्‍सीशो बाक्‍मा बाक्‍त। मो हना यो मेकोपुकीम परमप्रभु यावे अरेशो मपथु, पास्‍सा चाड मानेमे बाक्‍त। प्रस्‍थान १२:-

प्रस्‍थान 12:11

मेको श्‍ये किप्‍शुर किप्‍शा, जुत्ता लिक्‍शा, गुइमी कोक्‍के ग्‍याइश्‍शा, रीब पा ब्‍वचा माल्‍नीनी। मारदे हना मेको परमप्रभु यावे आ पास्‍सा चाड बाक्‍ब। ब्‍यवस्‍था १६:३; यसैया ५२:१२

प्रस्‍थान 12:48

इन दातेमी अर्को रागी ङा मुर काम परमप्रभु यावे कली पास्‍सा चाड मानेचा दाक्‍ताक्‍व हना, आ खिं ङा गेय पाइब वोंइश मुर नु आ तौ आन कली ख्रोइक्‍तीक चिनु ख्रोइश्‍शा ला, इस्राएली आन नेक्‍था जाक्‍शा, पास्‍सा चाड मानेने चाप्‍ब। मोपा ला इन खोदेंशो दुम्‍ब। मारदे हना ख्रोइक्‍तीक चिनु मख्रोइश्‍शो मुरुम जने ब्‍वने मचाप्‍नीम।

इजीकीएल 44:7

गेपुकी आं कली आं जचा थोव़क बोंसो नु हुश चढ़ेची ना आन थुं नु रांम ख्रोइक्‍तीक चिनु मख्रोइश्‍शो अर्को रागी ङा मुर आन कली आं बाक्‍तीकेम ओव़चा गेतीनी। मोपा गे आं खिं, मुर आ खिं खोदेंशो सेल्‍तीनी। मिनु इन ग्रांग्रा दिशो गेयम आं कबल प्रोंइतीनी। यसैया ५२:१; येरमीया ९:२५

लेवी 22:10

मिनु अर्को रागी ङा मुर नु चढ़ेब आ खिंम पौना बाक्‍शो कि गाल्‍च ताइब मुर आं कली चढ़ेशो थोव़क जचा ब्‍वचा मदुम्‍ब।

लेवी 22:13

तन्‍न चढ़ेब आ तमी आ वोंइश बेक्‍शो कि प्रोंइचा पुंइसीशो बाक्‍त हना, आ तमी तौ मदुम्‍थु, आ आफ आ खिं लेत्‍त हना, आ आल ना ङा खोदेंशो पा आन आफ आ भाग ङा चढ़ेशो रे जने ब्‍वने चाप्‍ब। तन्‍न अर्को खिं ङा मुर मेको जचा ब्‍वचा मदुम्‍ब।

गन्‍ती 9:14

मिनु इन दातेमी बाक्‍शो अर्को रागी ङा मुरुमी परमप्रभु यावे कली पास्‍सा चाड मानेचा दाक्‍ताक्‍व हना, मेकोमी मेको आ पर्बम ब्रेक्‍शो नेल्‍ल शेंशो पतीक खोदेंशो पा पचा माल्‍ब। मिनु अर्को रागी ङा मुर नु इन मुर नेल्‍ल आन कली पास्‍सा चाड आ पर्बम ब्रेक्‍शो लोव़ का दुम्‍चा माल्‍ब’ देनो” देंत।

एफिसी 2:12

मेना गेपुकी ख्रीस्‍त रे ङोन बाक्‍तीनी। इस्राएल ङा मुरपुकी रे यो ङोन बाक्‍तीनी। मोपा परमप्रभु यावेमी पशो कबल मतुइक्‍थु, आस मपाइश्‍शो नु परमप्रभु यावे कली मतुइक्‍ब मुर बाक्‍तीनी। रोमी ९:४; १थिस्‍सलोनिकी ४:१३

१ सामुएल 2:27

मिनु परमप्रभु आ लोव़ पाइब का जाक्‍शा, एली कली “परमप्रभु यावेमी इन कली लोव़ का पाइब। मेको मार बाक्‍ब देंशा हना, गो इन आफ नु आ खिं ङा मुर इजीप्‍त फाराओ आ रागीमी बाक्‍मानु, गो मतपांइ‍सीङा ङा?