प्रस्‍थान 12:3 - Sunuwar Bible

³ मिनु गे इस्राएली नेल्‍ल आन कली ‘मेको महिना ङा १० नाक्‍ती खिं का ङा ठेयब मुरुमी पाठा का चाक्‍चा माल्‍नीम।

प्रस्‍थान 12:3 ပူးပေါင်းရင်းမြစ်များ

उत्पत्ती 22:8

मिनु अब्राहाममी “चोशा चढ़ेतीक पाठा परमप्रभुमी गेब” देंमाक्‍त। मोपा निम्‍फा लसा बाक्‍त।

उत्पत्ती 4:4

हाबीलमी आ ङोंइती गिक्‍शो पाठा आ श्‍ये नु बोंसो परमप्रभु यावे कली चढ़ेवा बाक्‍त। मिनु परमप्रभु यावेमी हाबील आ चढ़ेशो ब्रवा बाक्‍त। प्रस्‍थान ३४:१९; लेवी ३:१६

२ इतिहास 35:7

मिनु योसीयाहम मेकेर बुक्‍ब मुर नेल्‍ल आन कली पास्‍सा चाड मानेचा, दे ३० हजार क्‍यारश भेडा पाठा नु हजार सां ब्‍यफ गेमी बाक्‍त। पिपमी मेको नेल्‍ल आंम आ गोठ रे पा गेवा बाक्‍त।

प्रस्‍थान 12:2

“मुल जाक्‍शो महिना बर्स ङा ङोंइती ङा महिना दुम्‍चा माल्‍ब। प्रस्‍थान १३:४

प्रस्‍थान 12:21

मिनु नोले मोसामी इस्राएल ङा खाल्‍पा नेल्‍ल आन कली ब्रेश्‍शा “इन खिं ङा ठेयब मुर आन कली पाठा का का चाक्‍कीन। मिनु मेको पाठा पास्‍सा चाड मानेचा कली क्‍योरीन।

प्रस्‍थान 12:4

खिं का कली पाठा का आ श्‍ये शुश दुम्‍त हना, आ नेक्‍था बाक्‍शो मुर आन कली हिक्‍शा, दोशो ब्‍वाइनीमी योक्‍शा, ब्‍वचा कली ब्रेत्‍चा माल्‍नीम।

प्रस्‍थान 12:6

मिनु मेको महिना ङा १४ नाक्‍ती सम्‍म मेको बोका कली ठीक पा वोइक्‍चा माल्‍नीनी। मिनु नां रिक्‍चावानु, इस्राएली नेल्‍लेमी मेको बोका क्‍योरचा माल्‍नीनी।

प्रस्‍थान 14:15

परमप्रभु यावेमी मोसा कली “मारदे आं कली ठेयब सेंदा पा पुंइनेवे? इस्राएली आन कली ‘गाक्‍कीन’ दे मतो।

प्रस्‍थान 20:19

मिनु मेकोपुकीमी मोसा कली “गे आंइ कली लोव़ पाइतीनी हना, गो नेंनीकी। तन्‍न परमप्रभुमी आंइ कली लोव़ पाप्‍तु हना, बेक्‍नीकी” देंतेक्‍म।

प्रस्‍थान 4:30

हारूनमी परमप्रभु यावेमी मोसा नु पशो लोव़ नेल्‍ल मेको आन कली शेंताक्‍व। मोसा कली कोंइशो चिन्‍ड, हारूनमी मुर आन ङोंइती कोंइताक्‍व।

प्रस्‍थान 6:6

मोपतीके गो इस्राएली आन कली ‘गो परमप्रभु यावे नङ। गो इजीप्‍त ङा मुर आन गेशो श्‍येत नु इन वाइल दुम्‍शो गेय रे प्रोंइनन्‍नी। गो इजीप्‍त ङा मुर आन कली ठेयब सजाइ गेशा, आं ठेयब सक्तिमी इन कली ग्रुंइनुङ।

इजीकीएल 40:1

गोपुकी ग्‍याइश्‍शा लाइक्‍चा पुंइसीशो २५ बर्स दुम्‍मेनु, ङोंइती ङा महिना ङा १० नाक्‍त बाक्‍त। मेना यरूसलेम सहर फ्रुचा पुंइसीशो १४ बर्स दुम्‍शो बाक्‍त। मेको नाक्‍तीन परमप्रभु यावेमी आं कली थिती। मिनु मेकोम आं कली मेकेर लाइक्‍ती। इजीकीएल १:३

लेवी 1:2

गे “इस्राएली आन कली ‘इन दाते ङा सुइम परमप्रभु यावे कली इन बी ब्‍यफ, क्‍यारश भेडा चढ़ेनीनु, आंम इन बगाल रे चढ़ेने।

लेवी 5:6

मेकोमी परमप्रभु यावे आ ङोंइती आ पशो पाप आ पर्बम चढ़ेचा कली आ बगाल रे भेडा बाक्‍त हना यो, क्‍यारश बाक्‍त हना यो, का चाक्‍चा माल्‍ब। मिनु चढ़ेबमी मेको आ पशो पाप आ पर्बम पाप क्‍याम्‍तीक गेय पचा माल्‍ब।

गन्‍ती 15:11

मिनु मेको ब्‍यफ, सांड, बोका, पाठा नु आइक्‍च पाठा चढ़ेशोनु, मो पचा माल्‍नीनी।

यूहन्‍ना 1:29

आ दीसा यूहन्‍नामी येसु कली आ बाक्‍तीक गे पिना पिन पशो तशा “परमप्रभु यावे आ पाठा मेकोन बाक्‍ब। मेकोमी रागी नेल्‍ल ङा मुर आन मरिम्‍शो पशो क्‍याम्‍ब। यसैया ५३:७

यूहन्‍ना 1:36

मिनु यूहन्‍नामी येसु कली हिरशा गाक्‍शो तशा “कोव़ङीसे, मेरेन परमप्रभु यावे आ पाठा बाक्‍ब” देंत।

यूहन्‍ना 12:1

यहूदी आन पास्‍सा चाड जाक्‍चा ६ नाक्‍त ङोंइती येसु बेथानी गाउं जाक्‍दीत्‍त। मेकेर येसुमी लाजरस कली बेक्‍शो रे सेंपाइश्‍शो बाक्‍त। यूहन्‍ना ११:१,४३

यूहन्‍ना 12:12

मिनु आ दीसा शुश मुरुमी “येसु पास्‍सा नाक्‍त यरूसलेममी जाक्‍ब” देंशो नेन्‍मे बाक्‍त।

१ कोरिन्‍थी 5:7

मेको माइत बोरपाइक्‍ब ओख्‍ती ताइक्‍तीने। गे मारेइ मसुप्‍शो फस खोदेंशो दुम्‍शा, नक दुम्‍शो बाक्‍नीनी। मारदे हना आंइ पास्‍सा चाड ङा क्‍योरशो पाठा ख्रीस्‍त बाक्‍ब। प्रस्‍थान १२:३-२०; प्रस्‍थान १३:७; यसैया ५३:७; १पत्रुस १:१९

यहोसु 7:14

मिनु गे सुनी कना थर थर ङा मुरपुकी बुक्‍शा, जाक्‍चा माल्‍नीनी। मिनु परमप्रभु यावेमी तेको थर कली कोंइबा, मेको थर ङा नेल्‍ल खिं खिं ङा मुरपुकी जाक्‍चा माल्‍नीम। मिनु परमप्रभु यावेमी तेको खिं ङा मुर कली कोंइबा, मेको आ खिं खिं ङा मुर आन ङोंइती जाक्‍चा माल्‍नीम। मिनु परमप्रभु यावेमी तेको खिं कली कोंइबा, मेको खिं रे का का पा वोंइश मुरपुकी मुर आन ङोंइती जाक्‍चा माल्‍नीम।

प्रकाश 13:8

मिनु सु सु आन नें क्‍योरशो पाठा आ ब्रोंइतीक किताबमी मब्रेक्‍शो बाक्‍मे, मेकोपुकीमी मेको जन्‍तु कली खुम्‍की पा सेउ पाइनीम। मेको किताब रागी सेल्‍चा क्‍येङा ङोंइती रे बाक्‍त।

१ सामुएल 7:9

मिनु सामुएलमी परमप्रभु यावे कली दूध तूब पाठा का चोशा चढ़ेवा बाक्‍त। मिनु इस्राएली आन पर्बम ठेयब सेंदा पा परमप्रभु यावे कली पुना बाक्‍त। मिनु परमप्रभु यावेम मेको आ पुंइशो लोव़ नेना बाक्‍त।