प्रस्‍थान 12:27 - Sunuwar Bible

²⁷ गे मेको आन कली ‘इस्राएल ङा मुरपुकी इजीप्‍त रागीम बाक्‍मानु, परमप्रभु यावेमी इजीप्‍त ङा मुर आन कली साइक्‍ची ना इस्राएली आन खिं चहिं हेरशा लत। एको हेरतीक आ पर्बम चढ़ेशो बाक्‍ब’ देंचा माल्‍नीनी” दे मोसामी देंत। मिनु मुरपुकीमी खुम्‍की पा बाप्‍शा, परमप्रभु यावे कली ठेयब सेल्‍तेक्‍म।

प्रस्‍थान 12:27 ပူးပေါင်းရင်းမြစ်များ

१ इतिहास 29:20

मिनु नोले दाऊदमी मुर नेल्‍ल आन कली “परमप्रभु यावे, इन परमप्रभु कली ठेयब सेलीन” देंमाक्‍त। मिनु मुर नेल्‍लेमी परमप्रभु यावे, आन किकी पिप आन परमप्रभु कली ठेयब सेल्‍शा बाम्‍मा बाक्‍त। मिनु परमप्रभु यावे नु पिप आ ङोंइती बाप्‍शा, सेउ पामे बाक्‍त।

२ इतिहास 20:18

मिनु येहो-शाफातम खपीम बाप्‍शा सेउ पवा बाक्‍त। मिनु यहूदा नु यरूसलेमम बाक्‍ब मुर नेल्‍ल परमप्रभु यावे आ ङोंइती बाप्‍शा, परमप्रभु यावे कली ठेयब सेल्‍मे बाक्‍त।

२ इतिहास 29:30

मिनु पिप हिज्‍कीयाह नु मेको आ सरकार ङा ठेयब मुरपुकीम लेवी आन कली दाऊद नु परमप्रभु यावे आ लोव़ पाइब आसाफ आ ब्रेक्‍शो कुम्‍सो पा परमप्रभु यावे कली ठेयब सेल्‍पदमे बाक्‍त। मोपा मेकोपुकीम थाम्‍पा ग्‍येरसीशा परमप्रभु यावे आ ङोंइती बाप्‍शा ठेयब सेल्‍मे बाक्‍त। २इतिहास २३:१८

नेहेम्‍याह 8:6

मिनु एज्रामी नेल्‍ल क्‍येङा ठेयब परमप्रभु यावे कली “गे ठेयब न‍नी” दे मान पवानु, मुर नेल्‍लेमी आन गुइ पोक्‍शा “आमेन, आमेन” देंतेक्‍म। मिनु नेल्‍लेमी आन पिया खुक्‍शा, परमप्रभु यावे आ ङोंइती खप सम्‍म बाप्‍शा ठेयब सेल्‍‍तेक्‍म।

भजन संग्रह 44:1

परमप्रभु, साइ आंइ किकी पिपीमी आन पालामी पशो इन गेय नेल्‍ल आंइ कली शेंताक्‍म। मिनु गो मेको नेल्‍ल नेंतक। ब्‍यवस्‍था ६:२०-२५

भजन संग्रह 78:5

मेकोमी याकूब आ मुर आन कली दोपा बाक्‍चा माल्‍बा, मेको देंत। मेकोमी इस्राएलमी मेको आ अरेशो लोव़ वोइक्‍तु। मिनु परमप्रभुमी आंइ किकी पिपी आन कली “इन आल आन कली शेंदीने” दे माइक्‍तीमी।

प्रस्‍थान 10:2

मिनु गे इ चच युइ आन कली ‘गो इजीप्‍त ङा मुर आन कली मार मार पङा’ मेको शेंदो। गो मोदेंशो चिन्‍ड कोंइब बाक्‍नुङ। ‘गो परमप्रभु यावे नङ’ दे नेल्‍लेमी तुइक्‍तमेक्‍ल” दें‍त। प्रस्‍थान ६:२-८

प्रस्‍थान 12:11

मेको श्‍ये किप्‍शुर किप्‍शा, जुत्ता लिक्‍शा, गुइमी कोक्‍के ग्‍याइश्‍शा, रीब पा ब्‍वचा माल्‍नीनी। मारदे हना मेको परमप्रभु यावे आ पास्‍सा चाड बाक्‍ब। ब्‍यवस्‍था १६:३; यसैया ५२:१२

प्रस्‍थान 12:23

परमप्रभु यावे इजीप्‍त ङा मुर साइक्‍चा कली हिरब। परमप्रभु यावेमी लाप्‍चो आ पिया नु थाममी हुश ख्रेक्‍शो तशा, इं खिं हेरशा लाक्‍ब। मिनु साइक्‍ब कली इं खिंम ओव़चा मगेब।

प्रस्‍थान 12:28

मिनु इस्राएलीपुकीमी लशा, परमप्रभु यावेमी मोसा नु हारून आस कली दोदेंशो देंमे, मोदेंशो पाम्‍तेक्‍म।

प्रस्‍थान 13:14

मिनु काबु इन आलपुकीमी ‘गे मारदे ओदेंशो पाइनीनी?’ दे हिल्‍लो पाइनीम। मेना गेपुकीमी ‘परमप्रभु यावेमी इं कली आ ठेयब सक्तिमी इजीप्‍त रागी रे ग्रुंइताक्‍व। वाइलीम वाइल दुम्‍शो रे यो प्रोंइतु’ दे इन आल आन कली शेंचा माल्‍नीनी। प्रस्‍थान १२:२६,२९

प्रस्‍थान 13:8

मेको नाक्‍ती इन आल आन कली ‘परमप्रभु यावेमी इं कली इजीप्‍त रागी रे ग्रुंइशो कोंइचा, दे ओदेंशो पाइनय’ दे शेंचा माल्‍नीनी।

प्रस्‍थान 34:25

आं कली चढ़ेतीक हुश बोरब ओख्‍ती सुप्‍शो शोब्‍ले नु मचढ़ेन। पास्‍सा चाड ङा चढ़ेशो श्‍ये सुनी सम्‍म मारेइ महेंचा।

प्रस्‍थान 34:8

मिनु मोसामी गु बाप्‍शा सेउ पा ठेयब सेल्‍तु।

प्रस्‍थान 4:31

मिनु मुरपुकीमी थमा सुइक्‍तेक्‍म। मिनु परमप्रभु यावेमी इस्राएली आन कली ग्रुम्‍शा, आन श्‍येत तशा, वारच पचा चिक्‍शो तुइश्‍शा, मेकोपुकी बाप्‍शा, परमप्रभु कली ठेयब सेल्‍तेक्‍म। प्रस्‍थान ३:१६

१ कोरिन्‍थी 5:7

मेको माइत बोरपाइक्‍ब ओख्‍ती ताइक्‍तीने। गे मारेइ मसुप्‍शो फस खोदेंशो दुम्‍शा, नक दुम्‍शो बाक्‍नीनी। मारदे हना आंइ पास्‍सा चाड ङा क्‍योरशो पाठा ख्रीस्‍त बाक्‍ब। प्रस्‍थान १२:३-२०; प्रस्‍थान १३:७; यसैया ५३:७; १पत्रुस १:१९

ब्‍यवस्‍था 16:2

मिनु गेपुकीमी परमप्रभु यावे आ नें वोइक्‍चा कली आ योव़शो बाक्‍तीकेमी परमप्रभु यावे, इन परमप्रभु कली बोका नु ब्‍यफपुकी क्‍योरशा पास्‍सा चाड मानेचा माल्‍नीनी।

ब्‍यवस्‍था 16:5

परमप्रभु यावे, इन परमप्रभुमी इन कली गेशो सहरमी मेको पास्‍सा चाड ङा मार मार क्‍योरने मचाप्‍नीनी।