प्रस्‍थान 12:25 - Sunuwar Bible

²⁵ मिनु गे परमप्रभु यावेमी देंशो खोदेंशो पा इन कली गेशो रागी जाक्‍दीश्शा, यो एको चाड मानेचा माल्‍नीनी।

प्रस्‍थान 12:25 ပူးပေါင်းရင်းမြစ်များ

प्रस्‍थान 12:24

मुल रे इन तौ, चच युइ नेल्‍लेमी एको पास्‍सा चाड बर्स बर्सम मानेचा माल्‍नीम। मेको गेना हना यो लीशो अरेशो लोव़ बाल्‍ब।

प्रस्‍थान 12:26

इन आलपुकीम इन कली ‘एको चाड आ अर्थ मार बाक्‍मे?’ दे हिल्‍लो पाम्‍तेक्‍म हना,

प्रस्‍थान 13:10

मोपा गेपुकी बर्स बर्समी मेको चाड ठीक नाक्‍तीम मानेशा आ अरेशो लोव़ पचा माल्‍नीनी।

प्रस्‍थान 13:5

मिनु परमप्रभु यावेमी इन किकी पिपी आन कली ‘कनानी, हित्ती, एमोरी, हिव्‍वी नु यबुसी आन रागी इन कली गेनुङ’ दे कसम जशो बाक्‍माक्‍त। मेको रागीमी जाक्‍दीश्‍शा, आबीब महिनामी पास्‍सा चाड मानेचा माल्‍नीनी। मेको रागीम दूध नु खुदो शुश बाक्‍ब, मारेइ मारेइ यो शुश ग्रेल्‍ब। उत्‍पत्ती १५:१८

प्रस्‍थान 3:17

गो इन कली इजीप्‍त रागी ङा मुर आन गेशो श्‍येत रे प्रोंइनुङ। गो इन कली कनानी, हित्ती, एमोरी, परि‍ज्‍जी, हिव्‍वी नु यबुसी आन बाक्‍शो रागी गेनुङ। मेको रागीम दूध नु खुदो शुश बाक्‍ब, अन्‍न यो शुश ग्रेल्‍ब। गो आं देंशो लोव़ खाप्‍नुङ’ देंत, देंचा माल्‍नेवे।

प्रस्‍थान 3:8

मिनु मेको आन कली इजीप्‍त रागी ङा मुरपुकीम गेशो श्‍येत रे प्रोंइनुङमी। गो आं मुर आन कली रिम्‍शो नु ठेयब रागी लाइक्‍नुङमी। मेको रागीम दूध नु खुदो शुश बाक्‍ब। मारेइ मारेइ यो शुश ग्रेल्‍ब। मेको रागी कनानी, हित्ती, एमोरी, परिज्‍‍जी, हिव्‍वी नु यबुसी आन बाक्‍तीक रागी बाक्‍ब।

ब्‍यवस्‍था 4:5

मिनु परमप्रभु यावे, आं परमप्रभुमी आं कली अरेशो खोदेंशो पा, गो इन कली आ फुल्‍लुम मुशा ब्रेक्‍शो लोव़ नु आ निसाफ पतीक लोव़ शेंतान्‍नी। मारदे शेंतान्‍नी देंशा हना, गे जाक्‍शा इन के सेल्‍चा चिक्‍शो रागीमी मेको नेल्‍ल पचा, दे शेंतान्‍नी।