प्रस्‍थान 12:21 - Sunuwar Bible

²¹ मिनु नोले मोसामी इस्राएल ङा खाल्‍पा नेल्‍ल आन कली ब्रेश्‍शा “इन खिं ङा ठेयब मुर आन कली पाठा का का चाक्‍कीन। मिनु मेको पाठा पास्‍सा चाड मानेचा कली क्‍योरीन।

प्रस्‍थान 12:21 ပူးပေါင်းရင်းမြစ်များ

२ राजा 23:21

मिनु पिपमी मुर नेल्‍ल आन कली “परमप्रभु यावे, इन परमप्रभु आ कबल ङा लोव़ ब्रेक्‍शो खोदेंशो पा पास्‍सा नाक्‍त ङा चाड मानेचा माल्‍नीनी” दे माइक्‍मी बाक्‍त। ब्‍यवस्‍था १६:१-८; यहोसु ५:१०-११

एज्रा 6:20

चढ़ेब नु लेवी नेल्‍लेमी आंम आन कली ठीक सेल्‍सीशो बाक्‍तेक्‍म। मेको नेल्‍ल परमप्रभु कली गेय पचा कली ठीक दुम्‍शो बाक्‍तेक्‍म। मेकोपुकीमी लेश्‍शा जाक्‍शो ग्‍याइश्‍शा लाइक्‍चा पुंइसीब, चढ़ेब आन लोक्‍ब आन कली नु आंम आन कली पास्‍सा चाड ङा पाठा क्‍योरतेक्‍म।

प्रस्‍थान 12:11

मेको श्‍ये किप्‍शुर किप्‍शा, जुत्ता लिक्‍शा, गुइमी कोक्‍के ग्‍याइश्‍शा, रीब पा ब्‍वचा माल्‍नीनी। मारदे हना मेको परमप्रभु यावे आ पास्‍सा चाड बाक्‍ब। ब्‍यवस्‍था १६:३; यसैया ५२:१२

प्रस्‍थान 12:20

इन बाक्‍तीक नेल्‍लेमी बोरब ओख्‍ती मसुप्‍शो शोब्‍ले ला जने, बोरब ओख्‍ती सुप्‍शो शोब्‍ले मजने’ दे माइक्‍मी” दे परमप्रभुमी दें‍त।

प्रस्‍थान 12:3

मिनु गे इस्राएली नेल्‍ल आन कली ‘मेको महिना ङा १० नाक्‍ती खिं का ङा ठेयब मुरुमी पाठा का चाक्‍चा माल्‍नीम।

प्रस्‍थान 17:5

मिनु परमप्रभु यावेमी मोसा कली “इस्राएल ङा खाल्‍पा आन कली लाइश्‍शा, इस्राएली आन ङोंइती गाक्‍को। नील खोला तुप्‍शो कोक्‍के यो लाइश्‍शा लावो। प्रस्‍थान ७:२०

प्रस्‍थान 19:7

मिनु मोसामी इस्राएल आ थर ङा मुर आन खाल्‍पा आन कली ब्रेश्‍शा, परमप्रभु यावेमी देंशो लोव़ मेको आन कली माइक्‍तीमी।

प्रस्‍थान 3:16

गे इस्राएल जात ङा मुर आन खाल्‍पा आन कली खुप्‍थ लावो। मिनु मेको आन कली ‘परमप्रभु यावे इन किकी पिपी आन परमप्रभु आं ङोंइती ग्रूत। अब्राहाम, इसहाक नु याकूब आन परमप्रभुमी आं कली ग्रुम्‍शा, लोव़ पाप्‍तु’। मेकोमी आं कली ‘गो थमा पा इन कली ग्रुम्‍थ यिती, इजीप्‍त रागीम इन कली गिश श्‍येत गेमे, मेको ताता।

गन्‍ती 11:16

मिनु परमप्रभु यावेमी मोसा कली “गे इस्राएली आन दाते रे ७० जना खाल्‍पा आन कली खुप्‍तीमी। मेको आन मुर आन दाते ङा ठेयब मुर नु मेको आन कली सासन पाइब मुर दुम्‍चा माल्‍नीम। मिनु गे मेको आन कली तुइक्‍चा माल्‍नेवे। मिनु मेको आन कली ग्रुम्‍तीक ताम्‍बुमी चाक्‍मी। मिनु मेकोपुकी गे नु बाक्‍चा माल्‍नीम। प्रस्‍थान १८:२१-२६; प्रस्‍थान २४:९-११

१ कोरिन्‍थी 10:4

नेल्‍लेमी परमप्रभु यावेम गेशो सोक्‍त ङा ब्‍वाक्‍कु तूङमे बाक्‍त। मिनु मेको आन नोले खोइक्‍बम सेरथे फुल्‍लु रे ब्‍वाक्‍कु तूङमे बाक्‍त। मिनु मेको सेरथे फुल्‍लु ख्रीस्‍त बाक्‍माक्‍त। प्रस्‍थान १७:६

हिब्रू 11:28

इजीप्‍त रे ग्रुंइचा ङोंइती पास्‍सा चाड ङा भोज जपाइक्‍मी बाक्‍त। मारदे हना “तेको खिं ङा लाप्‍चो आ पियामी हुश ब्रुइश्‍शो बाक्‍मे, मेकेर परमप्रभु यावे आ स्‍वर्ग ङा गेय पाइबमी जेठा तौ कली मसाइक्‍ब” दे परमप्रभु यावे आ लोव़ थमा सुइश्‍शा, हुश ब्रुइक्‍पाइक्‍मी बाक्‍त।

यहोसु 5:10

इस्राएलीपुकी गिल्‍गाल सहरम बाक्‍शो बाक्‍तेक्‍म। मिनु मेकोपुकीमी महिना ङा १४ नाक्‍ती पास्‍सा चाड मानेम्‍तेक्‍म। मेको यरीको ङा दिंमम बाक्‍शो बाक्‍तेक्‍म। प्रस्‍थान १२:६,३९; लेवी २३:१०,१४; २राजा २३:२१:२२; होसे ९:१५