प्रस्‍थान 12:19 - Sunuwar Bible

¹⁹ मेको ७ नाक्‍ती इन खिंमी बोरब ओख्‍ती काइ मवोइक्‍चा। सुमी बोरब ओख्‍ती सुप्‍शो शोब्‍ले जाइबा, मेको अर्को रागी ङा मुर बाक्‍त हना यो, इस्राएली बाक्‍त हना यो इस्राएली आन दाते रे तिल्‍चा पुंइसीब।

प्रस्‍थान 12:19 ပူးပေါင်းရင်းမြစ်များ

प्रस्‍थान 12:15

गे ७ नाक्‍त सम्‍म बोरब ओख्‍ती मसुप्‍शो शोब्‍ले जचा माल्‍नीनी। ७ नाक्‍त ङा ङोंइती नाक्‍ती गे इन खिंम बाक्‍शो बोरब ओख्‍ती ताइक्‍चा माल्‍नीनी। सुम मेको ७ नाक्‍तीम बोरब ओख्‍ती सुप्‍शो शोब्‍ले जाइबा, मेको इस्राएली आन दाते रे तिल्‍चा पुंइसीब। प्रस्‍थान १३:७; प्रस्‍थान २३:१५

प्रस्‍थान 12:20

इन बाक्‍तीक नेल्‍लेमी बोरब ओख्‍ती मसुप्‍शो शोब्‍ले ला जने, बोरब ओख्‍ती सुप्‍शो शोब्‍ले मजने’ दे माइक्‍मी” दे परमप्रभुमी दें‍त।

प्रस्‍थान 12:43

मिनु परमप्रभु यावेमी मोसा नु हारून आस कली “पास्‍सा दोपा पचा आं अरेशो लोव़ मार बाक्‍त देंशा हना, अर्को रागी ङा मुरुम मेको जचा ब्‍वचा मदुम्‍ब।

प्रस्‍थान 12:48

इन दातेमी अर्को रागी ङा मुर काम परमप्रभु यावे कली पास्‍सा चाड मानेचा दाक्‍ताक्‍व हना, आ खिं ङा गेय पाइब वोंइश मुर नु आ तौ आन कली ख्रोइक्‍तीक चिनु ख्रोइश्‍शा ला, इस्राएली आन नेक्‍था जाक्‍शा, पास्‍सा चाड मानेने चाप्‍ब। मोपा ला इन खोदेंशो दुम्‍ब। मारदे हना ख्रोइक्‍तीक चिनु मख्रोइश्‍शो मुरुम जने ब्‍वने मचाप्‍नीम।

प्रस्‍थान 13:3

मिनु मोसामी मुर आन कली “गेपुकी इजीप्‍त रागीम वाइलीम वाइल दुम्‍शा, ब्रोंइशा, एक जाक्‍शो नाक्‍त मप्रेंदीन। परमप्रभु यावेमी इन कली आ सक्तिमी ग्रुंइताक्‍व। मोपतीके मेको नाक्‍त गे बोरब ओख्‍ती मसुप्‍शो शोब्‍ले ला जचा माल्‍नीनी। प्रस्‍थान १२:३३-३४

प्रस्‍थान 13:7

मिनु बोरब ओख्‍ती मसुप्‍शो शोब्‍ले ७ नाक्‍त सम्‍म जचा माल्‍नीनी। इन बाक्‍तीके नेल्‍लेमी बोरब ओख्‍ती सुप्‍शो शोब्‍ले काइ वोइक्‍चा मदुम्‍ब। मिनु बोरब ओख्‍ती यो वोइक्‍चा मदुम्‍ब। १कोरिन्‍थी ५:८

प्रस्‍थान 23:15

गो इन कली देंशो खोदेंशो पा, बोरब ओख्‍ती मसुप्‍शो शोब्‍ले ङा चाड मानेचा माल्‍नीनी। गेपुकी ७ नाक्‍त सम्‍म बोरब ओख्‍ती मसुप्‍शो शोब्‍ले जचा माल्‍नीनी। मेको आबीब महिनामी पचा माल्‍नीनी। मारदे हना गेपुकी आबीब महिनामी इजीप्‍त रागी रे ग्रूतीनी। आं ङोंइती श्‍येत्‍थ गुइ मजाक्‍कीन। प्रस्‍थान १२:१५-२०

प्रस्‍थान 30:33

सुमी मेको खोदेंशो पा ब्‍वाइश्‍शा तेल सेल्‍बा नु अरु मुर आन कली ख्रेक्‍बा, मेको मुर आ थर रे तिल्‍चा पुंइसीब” दे परमप्रभु यावेमी मोसा कली दें‍त।

प्रस्‍थान 34:18

बोरब ओख्‍ती मसुप्‍शो शोब्‍ले ङा चाड मानेचा माल्‍नीनी। आं देंशो खोदेंशो पा आबीब महिनाम ७ नाक्‍त सम्‍म बोरब ओख्‍ती मसुप्‍शो शोब्‍ले जचा माल्‍नीनी। मारदे हना गे आबीब महिनाम इजीप्‍त रे ग्रूशो ननी। प्रस्‍थान २३:१४-१९

लेवी 23:5

ङोंइती ङा महिना ङा १४ नाक्‍ती नाक्‍नाक्‍दो पास्‍सा चाड ङा परमप्रभु यावे कली चढ़ेतीक गेय पचा माल्‍नीम। प्रस्‍थान १२:-

गन्‍ती 9:13

तन्‍न तेको मुर ग्रांग्रा दिशो मदुम्‍शो बाक्‍बा, ङोन यो मलशो बाक्‍बा, मेकोमी पास्‍सा चाड ममानेप्‍तु हना, मेको मुर आ मुर आन दाते रे तिल्‍चा पुंइसीब। मारदे हना मेकोमी आ देंशो नाक्‍ती परमप्रभु यावे कली चढ़ेतीक मचढ़ेवो। मेको मुर आ पाप राइब।

ब्‍यवस्‍था 16:3

गेपुकीमी ग्‍युरशो बोरब ओख्‍ती सुप्‍शो शोब्‍ले मेको श्‍ये नु मजने। गेपुकी ७ नाक्‍त सम्‍म ग्‍युरशो बोरब ओख्‍ती मसुप्‍शो शोब्‍ले जचा माल्‍नीनी। मेको इन श्‍येत ङा शोब्‍ले बाक्‍ब। मारदे हना गे इजीप्‍त रे चुइश्‍शा ग्रूतीनी। मिनु गेपुकीमी मबेक्‍नी सम्‍म इजीप्‍त रे ग्रूशो नाक्‍ती मिम्‍चा कली मेको पास्‍सा चाड मानेचा माल्‍नीनी। प्रस्‍थान १२:११