प्रस्‍थान 11:3 - Sunuwar Bible

³ मिनु परमप्रभु यावेमी इजीप्‍त ङा मुर आन कली इस्राएली आन कली दाक्‍ब सेल्‍तु। मिनु मोसा फाराओ आ गेय पाइब नु इजीप्‍त ङा मुर नेल्‍ल आन ङोंइती शुश ठेयब मुर दुम्‍त।

प्रस्‍थान 11:3 ပူးပေါင်းရင်းမြစ်များ

उत्पत्ती 12:2

गो इ रे पा ठेयब जात ङा मुर सेल्‍नुङमी। गो इ कली आसीक गेनन। इ नें ठेयब सेल्‍नुङ। गे अर्को आन कली आसीक दुम्‍नेवे। उत्‍पत्ती २४:१,३५; भजन संग्रह ७२:१७

उत्पत्ती 39:21

मिनु परमप्रभु यावेमी योसेफ कली वारच पशा, जेल्‍खान ङा कोव़ब कली “योसेफ रिम्‍शो मुर बाक्‍ब” दे तुइक्‍पदा बाक्‍त।

२ सामुएल 7:9

गे ते ते गाक्‍ङे, मेक मेक गो गे नु बाक्‍ती। गो इ जोरी सत्रु नेल्‍ल आन कली इ ङोंइती रे खेर‍तामी। गो इ नें रागी ङा ठेयब मुर आन नें खोदेंशो पा ठेयब सेल्‍नुङ।

एस्‍तर 9:4

मोरदेकै पिप आ दरवारमी ठेयब मुर दुम्‍त। मिनु रागी नेल्‍लेमी आ नें तुइक्‍ताक्‍म। मोपा मेको आ सक्ति बारना बारन लत।

भजन संग्रह 106:46

मिनु परमप्रभुमी इस्राएली आन कली सासन पाइब आन थुंमी शिशी पतीक कुर पवा बाक्‍त।

प्रस्‍थान 12:35

मिनु इस्राएलीपुकीम मोसा आ देंशो खोदेंशो पा इजीप्‍ती आन सुन चांदी नु वासी पुंइतेक्‍म। प्रस्‍थान ११:२

प्रस्‍थान 12:36

मिनु परमप्रभु यावेमी इजीप्‍त ङा मुर आन कली इस्राएली आन कली दाक्‍पाइक्‍तीके, आन पुंइशो नेल्‍ल गेम्‍तेक्‍म। मोपा इजीप्‍त ङा मुर आन शोंप लाइश्‍शा गाक्‍तेक्‍म। प्रस्‍थान ३:२१

प्रस्‍थान 3:21

इजीप्‍त रागी ङा मुरपुकीमी इन कली दाक्‍ब सेल्‍नुङमी। इजीप्‍त रे ग्रूनीनु, श्‍येत्‍थ ग्रूचा ममाल्‍नीनी। प्रस्‍थान ११:२-३; प्रस्‍थान १२:३५-३६

यसैया 60:14

इ कली दिप्‍ब आन चच युइ इ बाक्‍तीकेम जाक्‍‍शा बाप्‍‍नीम। इ कली ग्रांग्रा दीब नेल्‍ल इ खोइलीम बाप्‍नीम। मिनु मेकोपुकीमी इ कली ‘परमप्रभु यावे आ सहर नु इस्राएली आन का ला बाक्‍शो परमप्रभु आ सियोन’ देंनीम। यसैया १४:२

प्रेरित 7:22

मिनु पिप बाक्‍तीक खिंमी बाक्‍मेनु, इजीप्‍त रागी ङा ठेयब मुर आन जोक्‍शो तुइश्‍शो आं यो नेल्‍ल जोक्‍ब तुइक्‍ब दुम्‍माक्‍त। मिनु मोसा आ लोव़ नु आ गेय नेल्‍ल सक्ति पाइश्‍शो दुम्‍माक्‍त।

ब्‍यवस्‍था 34:10

मेना रे मुल सम्‍म इस्राएली आन दातेमी मोसा खोदेंशो परमप्रभु यावे आ लोव़ पाइब सुइ मग्रूम। परमप्रभु यावेमी मेको कली थमा पा तुइक्‍बाक्‍त। प्रस्‍थान ३३:११; गन्‍ती १२६-८; १कोरिन्‍थी १३:१२

ब्‍यवस्‍था 34:11

मिनु परमप्रभु यावेमी मेको कली इजीप्‍त रागीमी चिन्‍ड नु छक लाक्‍चा ङा गेय पथ सोइक्‍ताक्‍व। मोदेंशो मुल सम्‍म सुइम मपावो मोसामी फाराओ, आ गेय पाइब नु रागी ङा मुर नेल्‍ल आन ङोंइती कोंइताक्‍व।

यहोसु 4:14

मेको नाक्‍त परमप्रभु यावेमी यहोसु कली इस्राएली आन ङोंइती ठेयब सेल्‍तु। मिनु मेकोपुकीम मोसा कली हिक्‍शो खोदेंशो पा यहोसु कली यो मबेक्‍म सम्‍म हिक्‍तेक्‍म। यहोसु ३:७

प्रकाश 3:9

मिनु इन ग्रुम्‍तीकेमी का निक्‍शीमी ‘यहूदी नकी’ दे जोल पाइनीम। मेकोपुकी चहिं सैतान आ शेंशो मुर बाक्‍नीम। नेनीन, गो मेको आन कली इन खोइलीमी बाप्‍शा सेउ पपाइक्‍नुङ। गोमी इन कली दाक्‍नुङ, दे मेको आन कली तुइक्‍पाइक्‍नुङ। प्रकाश २:९; यसैया ४९:२३; यसैया ६०:१४