प्रस्‍थान 10:15 - Sunuwar Bible

¹⁵ मेको शुश सल्‍हा माले बेरमानु, नाक्‍ती यो नाक्‍दो खोदेंशो पा छिङछिङ दुम्‍त। मेको सल्‍हा मालेमी मुप्‍स रे लीशो रू ङा वाशो नु रवा ङा फल नेल्‍ल नेक्‍तेक्‍म। मार मार गिग बाक्‍मा, मारेइ महेंदेम। इजीप्‍त रागी ङा रवा नु गिग खाइ नेल्‍ल नेक्‍तेक्‍म।

प्रस्‍थान 10:15 ပူးပေါင်းရင်းမြစ်များ

भजन संग्रह 78:46

परमप्रभुमी मेको आन बाली नाली माले आन कली गेम्‍तीमी। मेको आन शुश गेय पा वापाइश्‍शो बाली नाली सल्‍हापुकीम नेक्‍पाइक्‍तु। प्रस्‍थान १०:१३

प्रस्‍थान 10:12

मिनु परमप्रभु यावेमी मोसा कली “सल्‍हा माले ग्रूपाइक्‍चा कली इ गुइ इजीप्‍त रागी तार दिंदो। मेकोपुकीम रागीमी मार मार गिग खाइपुकी मुप्‍सीम हेंशो बाक्‍मा, मेको ब्‍वाइनीमी” दें‍त। प्रस्‍थान ९:३२

प्रस्‍थान 10:5

मेकोपुकीमी रागी मतचा ङा पा सुम्‍नीम। मिनु मुप्‍स रे पा गिग खाइ मार मार लीशो बाक्‍मा, मेको नेल्‍ल नेक्‍नीम। रवा आन सफा यो नेल्‍ल नेक्‍नीम।

हितोपदेस 30:27

मिनु माले आन के पिप मबाक्‍ब। मोदेंशो बाक्‍तेक्‍म हना यो, मेकोपुकी लडाइ पाइब खोदेंशो पा तांती खिक्‍शा गाक्‍नीम।

योएल 1:4

घांस ख्रोइश्‍शा ब्‍वाइब मालेपुकीमी मार मार प्रोन्‍मे, मेको लेस्‍वा मालेपुकीमी नेक्‍तेक्‍म। मिनु लेस्‍वा मालेपुकीमी मार मार प्रोन्‍मे, मेको तोङ‍ले मालेपुकीमी नेक्‍तेक्‍म। मिनु तोङले मालेपुकीमी मार मार प्रोन्‍मे, मेको सल्‍हा मालेपुकीमी नेक्‍तेक्‍म। योएल २:२५

योएल 2:25

परमप्रभु यावेमी “गो इन कली लेस्‍वा माले, तोङले माले, सल्‍हा माले नु घांस ख्रोइश्‍शा ब्‍वाइब माले आन नेक्‍शो नेल्‍ल लेश्‍शा गेनन्‍नी। मेको आं सोइश्‍शो लडाइ पाइबपुकी बाक्‍तेक्‍म। गो मेको आन कली इन दातेमी सोइक्‍ताक्‍ङमी। योएल १:४

आमोस 7:2

मिनु मेकोपुकीमी रू ङा घांस नेल्‍ल नेक्‍गमे नोले गो “परमप्रभु यावे माफ गेयीनी। याकूब आ रागी दोपा ब्रोंइने चाप्‍बा ङा? मारदे हना मेको थम आइक्‍च बाक्‍ब” देंती।

गन्‍ती 22:5

मेकोमी आमाव रागी युफ्रेटीस माइश्‍शो ठेयब खोला आ नेक्‍था, पेथोर सहरम बाक्‍शो बेओर आ तौ बालाम कली मुरपुकी ब्रथ सोइक्‍ताक्‍व। मेकोपुकीमी “इजीप्‍त रे जाक्‍शो मुरुम रागी नेल्‍ल ब्रीतेक्‍म। मेकोपुकी आं नेक्‍था जाक्‍शा बाक्‍शो बाक्‍नीम। गन्‍ती ३१:८; यहोसु २४:९; मीका ६:५