प्रस्‍थान 1:8 - Sunuwar Bible

⁸ मिनु नोले योसेफ कली मतुइक्‍ब पिप काम इजीप्‍त रागी कली सासन पवा बाक्‍त।

प्रस्‍थान 1:8 ပူးပေါင်းရင်းမြစ်များ

भजन संग्रह 105:25

परमप्रभुमी इजीप्‍ती आन थुं इस्राएली आन कली काइ मदाक्‍ब सेल्‍मी बाक्‍त। मिनु इस्राएली आन कली काइ मरिम्‍शो पाइब सेल्‍मी बाक्‍त।

प्रस्‍थान 3:16

गे इस्राएल जात ङा मुर आन खाल्‍पा आन कली खुप्‍थ लावो। मिनु मेको आन कली ‘परमप्रभु यावे इन किकी पिपी आन परमप्रभु आं ङोंइती ग्रूत। अब्राहाम, इसहाक नु याकूब आन परमप्रभुमी आं कली ग्रुम्‍शा, लोव़ पाप्‍तु’। मेकोमी आं कली ‘गो थमा पा इन कली ग्रुम्‍थ यिती, इजीप्‍त रागीम इन कली गिश श्‍येत गेमे, मेको ताता।

प्रस्‍थान 3:7

मिनु परमप्रभु यावेमी “गो इजीप्‍त रागीमी बाक्‍शो आं मुर आन श्‍येत ताता। मेको आन कली गेय पपाइक्‍ब आन पर्बम ङाक्‍नीमी। गो आन ङाक्‍शो नेंता, ताता। गो आन श्‍येत जशो तुइक्‍ताक्‍ङ। प्रस्‍थान २:२३

प्रस्‍थान 3:9

नेनो, गो इस्राएल जात ङा मुर आन ङाक्‍शो नेंता। इजीप्‍त रागी ङा मुरुमी मेको आन कली दिप्‍शा श्‍येत गेम्‍तेक्‍म। गो मेको यो ताता।

उपदेसक 9:15

मेको सहरमी जोक्‍ब तुइक्‍ब प्रुङग मुर का बाक्‍माक्‍‍त। मिनु मेकोमी आ जोक्‍तीक तुइक्‍तीकेमी मेको सहर कली प्रोना बाक्‍त। तन्‍न मेको प्रुङग मुर कली सुइमी ममिम्‍‍तमे बाक्‍त।

प्रेरित 7:18

मिनु इजीप्‍त रागीमी अर्को पिप दुम्‍माक्‍त। मेको योसेफ नु आ खिं ङा मुर आन कली मतुइक्‍ब बाक्‍माक्‍त।

प्रेरित 7:19

मेको पिपीमी इं मुर आन कली शिशी मपथु, शुश श्‍येत गेवा बाक्‍त। आल थीब आन कली यो आन आल थुल्‍चा मगेथु ताइक्‍पदा बाक्‍त।

ब्‍यवस्‍था 26:6

मिनु इजीप्‍तीपुकीम आंइ कली मरिम्‍शो पा दिप्‍शा, आंइ कली शुश गेय पपाइक्‍तेक्‍म।

न्‍यायाधीस 2:10

मेको पाला ङा मुर नेल्‍ल बेक्‍मा बाक्‍त। मिनु मेको आन आल ठेयब दुम्‍मा बाक्‍त। मेकोपुकी परमप्रभु यावे कली मतुइक्‍ब बाक्‍मा बाक्‍त। मिनु इस्राएल ङा मुर आन कली ठेयब गेय पा वारच पशो यो मतुइश्‍शो बाक्‍मा बाक्‍त।