एस्‍तर 9:12 - Sunuwar Bible

¹² मिनु पिपमी पिपीम एस्‍तर कली “सुसा दरवारमी यहूदीपुकीमी ५ सहे मुर नु हामान आ १० जना तौ नेल्‍ल आन कली साइक्‍तेक्‍म। मिनु अरु आं रागीपुकीमी मार मार पामे माइ? गे मार पुंइतीनी हना यो, मेको गेनन्‍नी। चिनु मार पुंइनीनी? मेको दुम्‍ब” देंत।

एस्‍तर 9:12 ပူးပေါင်းရင်းမြစ်များ

एस्‍तर 5:3

मिनु पिपमी मेको कली “पिपीम एस्‍तर, मारदे जाक्‍नी? गे मार माल्‍नीनी? आं रागी उइक्‍थ इन कली गेचा माल्‍ताक्‍यी हना यो, मेको इन कली गेनन्‍नी” देंत। मर्कूस ६:२३

एस्‍तर 5:6

मिनु पिपमी अङगुर शांबु तूशा, एस्‍तर कली “गे मार दाक्‍नीनी? गो इन कली गेनन्‍नी। आं रागी उइक्‍थ पुंइतीनी हना यो, गो मेको इन कली गेनन्‍नी” देंत।

एस्‍तर 7:2

मिनु मेको नाक्‍त यो पिप अङगुर शांबु तूशा, एस्‍तर कली “गे मार दाक्‍नीनी? मेको इन कली गेनन्‍नी। आं रागी उइक्‍थ पा पुंइतीनी हना यो, गो मेको इन कली गेनन्‍नी” देंत।

एस्‍तर 9:11

मिनु मेको नाक्‍त सुसा दरवारमी गिश मुर आन कली सदमे, मेको पिप कली शोव़तेक्‍म।

एस्‍तर 9:15

मिनु सुसा सहरम बाक्‍शो यहूदीपुकी अदार महिना ङा १४ नाक्‍तीमी लेंशा बुक्‍तेक्‍म। मिनु सुसा सहरमी ३ सहे मुर साइक्‍तेक्‍म। तन्‍न मेको आन शोंप नु आन थेरशो रू मारेइ मरोइक्‍तेम।

प्रेरित 23:19

मिनु लडाइ पाइब आन ठेयब मुरुमी पावल आ भानीज कली गुइमी ग्‍याइश्‍शा, सुइ मबाक्‍तीक कोठामी लाइश्‍शा “मार देंचा दाक्‍नेवे, लो देनो” दे हिल्‍लो पवानु,