एस्‍तर 8:2 - Sunuwar Bible

² मिनु पिपमी हामान रे रोइश्‍‍शो अधिकार ङा छाप थोक्‍तीक औंठी प्रुइश्‍शा, मोरदेकै कली गेप्‍तु। मिनु एस्‍तरमी मोरदेकै कली हामान आ खिं कली अधिकार पाइब सेल्‍तु। एस्‍तर ३:१०

एस्‍तर 8:2 ပူးပေါင်းရင်းမြစ်များ

उत्पत्ती 41:42

मिनु फाराओम आ छाप क्‍येप्‍तीक औंठी आ ब्रेप्‍चो रे प्रुइश्‍शा, योसेफ आ ब्रेप्‍चोम लिक्‍ता बाक्‍त। मिनु योसेफ कली दारशो बुश वा फेक्‍पाइश्‍शा, सुन के माला रेल्‍दा बाक्‍त। एस्‍तर ३:३०; दानीएल ५:२९

एस्‍तर 10:2

पिप अहासूरस आ अधिकार नु सक्ति आन पर्बम नु दोपा मेकोमी मोरदेकै कली ठेयब गेय पपदा, मेको आ पर्बम मादी नु पारसी पिप आन इतिहास ङा किताबमी ब्रेक्‍शो बाक्‍ब। एस्‍तर २:८,१५

एस्‍तर 3:10

मिनु पिपमी आ छाप पाइश्‍शो औंठी प्रुइश्‍शा, यहूदी आन जोरी सत्रु अगाग आ मुर हम्‍मदाता आ तौ हामान कली गेप्‍तु।

एस्‍तर 8:3

मिनु एस्‍तरमी लेंशा पिप आ खोइलीम बाप्‍शा, ङाक्‍शा नमो सिमो पा “अगाग आ मुर हामानमी यहूदी आन पर्बम ब्रेक्‍शो मरिम्‍शो ब्रेक्‍स क्‍याम्‍शा गेन” दे पुंइतु।

भजन संग्रह 37:34

परमप्रभु यावे कली रिम्‍दीन। मेको आ लांम गाक्‍कीन। मेकोमी इन कली ठेयब सेल्‍शा, रागी इन कली गेब। मिनु गे परमप्रभु आ अरेशो मटीब आन कली खतम सेल्‍चा ताइनीनी।

दानीएल 2:48

मिनु पिपमी दानीएल आ मान बारपाइक्‍तु। मिनु शुश शोंप गेप्‍तु। मिनु बेबीलोन रागी नेल्‍ल कली हुकुम पाइब नु जोक्‍ब तुइक्‍ब मुर नेल्‍ल आन ठेयब मुर सेल्‍तु।

लूका 15:22

मिनु आफोमी गेय पाइब आन कली ‘नेल्‍ल क्‍येङा दारशो फेक्‍तीक वा ग्रुंइशा, आं तौ कली फेक्‍तीने। आ गुइमी औंठी लिक्‍तीन। जुत्ता मुइक्‍पतीने।