एस्‍तर 8:13 - Sunuwar Bible

¹³ मिनु मेको ब्रेक्‍स नेल्‍ल रागी ङा मुर आन कली तुइक्‍पाइक्‍चा कली लेंशा मोदेंशोन ब्रेक्‍स ब्रेक्‍शा, उरदी पपाइक्‍चा, दे लोव़ सोइक्‍ताक्‍म। मिनु यहूदी चहिं मेको नाक्‍त आन जोरी सत्रु आन कली क्‍येक्‍क लेत्‍चा कली सासीशा बाक्‍मल, दे यहूदी आन कली अरेशा ब्रेक्‍शा सोइक्‍ताक्‍म।

एस्‍तर 8:13 ပူးပေါင်းရင်းမြစ်များ

एस्‍तर 3:14

मिनु मेको नाक्‍त कली सासीशा बाक्‍चा, दे जात नेल्‍ल ङा मुर आन कली तुइक्‍पाइक्‍चा, दे लेंशा ब्रेक्‍स का ब्रेक्‍शा, रागी ङा मुर नेल्‍ल आन कली का का पा गेशा, उरदी पचा कली सोइक्‍ताक्‍म।

एस्‍तर 8:14

मिनु पिपमी मेको शारा ङोइक्‍ब आन कली आ देंशो लोव़ चोव़थ शारा ङोइक्‍पा थाम्‍पान दोरपाइश्‍शा सोइक्‍ताक्‍व। मिनु मेको लोव़ सुसा दरवार रे योक्‍चा गोम्‍तेक्‍म।

भजन संग्रह 68:23

गेपुकीमी इन खोइली इन जोरी सत्रु आन हुशेम ख्रुम्‍नीनी। मिनु इन कुचुमपुकीमी यो आन भाग ताइनीम” देंत।

लूका 18:7

मारदे हना निसाफ पाइब आ पशो खोदेंशो पा परमप्रभु यावेमी आ योव़शो आन कली आन पुंइशो मगेबा ङा? मेकोपुकीमी नाक्‍त किंत किंत पुंइचा मप्रोंइथु बाक्‍नीम। मुल मगेप्‍तु हना, काबु ङा काबु गेब। मिनु ग्रापाइक्‍ब।

प्रकाश 6:10

मिनु मेकोपुकीमी ठेयब सेंदामी “परमप्रभु, गे का ला परमप्रभु नु थमा पा नेल्‍ल आन कली सासन पाइब बाक्‍नीनी। गेना आंइ कली साइक्‍ब आन कली निसाफ पाइनीनी? गेना रागीम बाक्‍ब आन कली क्‍येक्‍क लेत्‍नीनी?” देंतेक्‍म।

न्‍यायाधीस 16:28

मिनु सिम्‍सोनमी परमप्रभु यावे कली “परमप्रभु, परमप्रभु यावे, आं कली मिम्‍तीन। आं कली लेंशा खेयप का सक्ति गेयीनी। परमप्रभु, गो काले आं मिक्‍च निक्‍शी आ पर्बम मेको आन कली क्‍येक्‍क लेत्‍ने चबुल” दे पुना बाक्‍त।