एस्‍तर 6:9 - Sunuwar Bible

⁹ मिनु मेको पिप आ ङोंइती फेक्‍शो वा नु आ शारा नेल्‍ल आन क्‍येङा मान तशो मुर कली गेचा माल्‍ब। मिनु नेल्‍ल क्‍येङा अधिकार पाइश्‍शो मुरुमी पिपम मान गेचा दाक्‍शो मुर कली फेक्‍तल। मिनु मेको कली शारा ङोइक्‍पाइश्‍शा, सहर ङा लांमी गाक्‍पाइक्‍चा माल्‍ब। मिनु नेल्‍लेमी ‘पिपमी मान गेचा दाक्‍शो मुर कली मार पवा, मेको कोव़ङीन’ देंना देंन हिरदमेक्‍ल” देंत। उत्‍पत्ती ४१:४२-४३

एस्‍तर 6:9 ပူးပေါင်းရင်းမြစ်များ

उत्पत्ती 41:43

मिनु फाराओमी योसेफ कली आ नोले ङा बग्‍गीमी ङोइक्‍पदा बाक्‍त। मिनु योसेफ आ ङोंइती बाक्‍बपुकीमी “योसेफ आ ङोंइती पोक्‍च थेक्‍शा, सेउ पने” दे ब्रेम्‍मा बाक्‍त। मोपा इजीप्‍त रागी ङा हुकुम पाइब सेला बाक्‍त। एस्‍तर १०:३

एस्‍तर 6:10

मिनु पिपमी हामान कली “गे इ देंशो खोदेंशो पा फेक्‍तीक नु शारा मुल कना चाक्‍शा, लाप्‍चोम बाक्‍ब यहूदी मोरदेकै कली मोदेंशो पावो। इ देंशो का यो मख्राइक्‍थु, पावो” दे माइक्‍तु।

एस्‍तर 6:6

मिनु हामान खिं गा ओव़मेनु, पिपमी मेको कली “पिप आंमान मान गेचा दाक्‍शो मुर कली मार पचा माल्‍बा?” दे हिल्‍लो पाप्‍तु। मिनु हामानमी आ थुं थुंमी “आं ङा लाक्‍शा, तेको मुर कली पिपमी मान गेचा दाक्‍बा ङा?” दे मिम्‍ताक्‍व।

जकरिया 9:9

सियोन आ तमी, साप्‍पा ग्‍येरसो। यरूसलेम आ तमी ग्‍येरशा ठेयब सेंदा पा ग्रीङो। मारदे हना इ पिप इ बाक्‍तीकेमी जाक्‍ना जाक्‍न बाक्‍ब। मेको ग्राशा ग्‍येरसीशा जाक्‍ब। मेको ब्रेम्‍शो बाक्‍ब। मेको गधा तार ङोइश्‍शा जाक्‍ब। गधा आ चाइक्‍ब तार ङोइश्‍शा जाक्‍ब। सेफन्‍याह ३:१४; मत्ती २१:५