एस्‍तर 6:6 - Sunuwar Bible

⁶ मिनु हामान खिं गा ओव़मेनु, पिपमी मेको कली “पिप आंमान मान गेचा दाक्‍शो मुर कली मार पचा माल्‍बा?” दे हिल्‍लो पाप्‍तु। मिनु हामानमी आ थुं थुंमी “आं ङा लाक्‍शा, तेको मुर कली पिपमी मान गेचा दाक्‍बा ङा?” दे मिम्‍ताक्‍व।

एस्‍तर 6:6 ပူးပေါင်းရင်းမြစ်များ

एस्‍तर 1:15

मिनु पिप अहासूरसमी मेको आन कली “आं गेय पाइब रे पा आं सोइश्‍शो लोव़ पिपीम वास्‍तीमी मटीव। मोपतीके मेको कली ऐन कानुन कोव़शा मार पचा?” दे हिल्‍लो पाप्‍तु।

एस्‍तर 5:11

मिनु मेको आन कली “आं शोंप, आं थेरशो रू नु शुश तौ बाक्‍नीम। मिनु पिपमी सासन पाइब नु गेय पाइब नेल्‍ल आन क्‍येङा आं कली शुश मान गेशो बाक्‍ब” दे आ नें बोरपाइश्‍शा लोव़ पाप्‍तु।

एस्‍तर 6:11

मिनु हामानमी फेक्‍तीक वा नु शारा चाक्‍शा, मोरदेकै कली मेको वा फेक्‍शा, शाराम ङोइक्‍पाइश्‍शा, सहर ङा लां मेर लाइश्‍शा, आ ङोंइती “पिपमी मान गेचा दाक्‍शो मुर कली मार पवा, मेको कोव़ङीन” देंना देंन मोरदेकै कली हिरताक्‍व।

एस्‍तर 6:5

मिनु पिप आ गेय पाइबपुकीमी “हामान लाङगामी राप्‍शा बाक्‍त” देंतेक्‍म। मिनु पिपमी “मेको कली खिं गा ब्रेत्‍तीन” देंत।

एस्‍तर 6:7

मिनु मेकोमी पिप कली “पिप सु कली मान गेचा दाक्‍नीनी,

एस्‍तर 6:9

मिनु मेको पिप आ ङोंइती फेक्‍शो वा नु आ शारा नेल्‍ल आन क्‍येङा मान तशो मुर कली गेचा माल्‍ब। मिनु नेल्‍ल क्‍येङा अधिकार पाइश्‍शो मुरुमी पिपम मान गेचा दाक्‍शो मुर कली फेक्‍तल। मिनु मेको कली शारा ङोइक्‍पाइश्‍शा, सहर ङा लांमी गाक्‍पाइक्‍चा माल्‍ब। मिनु नेल्‍लेमी ‘पिपमी मान गेचा दाक्‍शो मुर कली मार पवा, मेको कोव़ङीन’ देंना देंन हिरदमेक्‍ल” देंत। उत्‍पत्ती ४१:४२-४३

भजन संग्रह 35:27

आं कली दाक्‍बपुकी आं ठीक पशो तशा, ग्‍येरसीशा कुम्‍सो पामेक्‍ल। मिनु मेकोपुकीमी गेना हना यो “परमप्रभु यावे आ नें ठेयब बाक्‍ल। मेकोमी आ गेय पाइब कली रिम्‍शो दुम्‍शो तचा दाक्‍ब” देंमल।

हितोपदेस 1:32

मारदे हना मारेइ मजोक्‍ब आन मटितीके साइक्‍चा पुंइसीनीम। मूर्ख आन मारेइ ममिम्‍तीके खतम दुम्‍नीम।

हितोपदेस 16:18

मुर खतम दुम्‍चा क्‍येङा ङोंइती ठेयब लेत्‍नीम। नुप्‍चा क्‍येङा ङोंइती मुर बोरनीम। हितोपदेस १८:१२

हितोपदेस 18:12

खतम दुम्‍चा क्‍येङा ङोंइती मुर ठेयब लेत्‍नीम। मान तचा क्‍येङा ङोंइती मुर ब्रेम्‍शो दुम्‍‍नीम। हितोपदेस १६:१८

हितोपदेस 30:13

का निक्‍शी मुर ठेयब लेश्‍शो बाक्‍नीम। मेको शुश बोरशो बाक्‍नीम।

यसैया 42:1

परमप्रभुमी “आं गेय पाइब कली कोव़ङीन। गो मेको कली सक्ति गेनुङ। आं योव़शो गेय पाइब तशा, आं थुं ग्‍येरसीब। गो मेको कली आं सोक्‍तीम प्रिंताक्‍ङ। मेकोमी रागी रागी ङा मुर आन कली ठीक निसाफ पाइ‍ब। यसैया ४९:१-६; यसैया ५०:४-११; यसैया ५२:१३-यसैया ५३:१२; मत्ती १२:१८-२१; मत्ती ३:१७

येरमीया 32:41

गो मेको आन कली रिम्‍शो पना पन ग्‍येरसीनुङ। मिनु थमा पा गो आं थुं नु आं सोक्‍त नेल्‍लेम मेको आन कली एको रागीम वोइक्‍नुङमी” देंत। ब्‍यवस्‍था २८:६३; आमोस ९:१५

ओबदिया 1:3

इ थुं ङा ठेयब लेत्‍तीकेमी इ कली जोल पाइश्‍शो बाक्‍ब। इ सहर ठेयब फुल्‍लु तार सेल्‍शो बाक्‍ब। गे डांडा तार बाक्‍नेवे। गे इ थुंमी ‘आं कली सुम उइ तोक्‍ने चाप्‍बा ङा?’ दे मिम्‍नेवे। गन्‍ती २४:२१

मत्ती 3:17

मिनु सरीङ रे “एको आं दाक्‍शो तौ बाक्‍ब। एको कली तशा थाम्‍पा ग्‍येरसीनुङ” देंशो सेंदा ग्रूमाक्‍त। मत्ती १७:५; यसैया ४२:१

लूका 14:9

मारदे हना सम्‍दी जाक्‍मेनु, खिं ङा मुरुमी इन कली पोक्‍शा याक्‍पाइक्‍ब। मिनु सम्‍दी नित्‍तीकेमी सम्‍दी कली निप्‍पाइक्‍ब। इन कली चहिं वाइलपुकी नु निप्‍पाइक्‍ब। मिनु मुने दोक्‍नीनी।

यूहन्‍ना 5:23

मो दुम्‍मेनु, आं आफ कली मान पाइबपुकीमी आ तौ कली यो आफ कली खोदेंशो पा मान पाइनीम। सुमी तौ कली मान मपाइबा, मेकोमी तौ कली सोइक्‍ब आं आफ कली यो मान मपाइब। फि‍लिप्‍पी २:१०-११; १यूहन्‍ना २:२३