एस्‍तर 6:13 - Sunuwar Bible

¹³ मिनु मेकोमी आ मीश जेरेश नु आ वारच नेल्‍ल आन कली मार दुम्‍मे, मेको नेल्‍ल का का पा शोव़तु। मिनु मेको आ वारचपुकी नु आ मीशेमी मेको कली “इन जोरी सत्रु मोरदेकै, यहूदी बाक्‍त हना, गे मेको कली मारेइ पने मचाप्‍नीनी। मुल गे मेको आ ङोंइती खतम दुम्‍नीनी” देंतेक्‍म।

एस्‍तर 6:13 ပူးပေါင်းရင်းမြစ်များ

उत्पत्ती 24:66

मिनु वाइलमी इसहाक कली मार मार दुम्‍मे, मार मार पवा, नेल्‍ल शेंदा बाक्‍त।

उत्पत्ती 40:19

सांबु नाक्‍ती फाराओमी इन कली जेल्‍खान रे ग्रुंइपाइश्‍शा, रवाम क्‍याइक्‍पाइक्‍ब। मिनु चिक्‍बीम इन श्‍ये ब्‍वाइनीम। इन तशो ङोमु आ अर्थ एको बाक्‍ब” दे शेंदा बाक्‍त।

उत्पत्ती 41:8

मिनु आ थुं मनुथु सुनी कना इजीप्‍त ङा जादू पाइब नु जोक्‍ब तुइक्‍ब नेल्‍ल आन कली ब्रेत्‍थ सोइक्‍तीमी बाक्‍त। मेको जाक्‍मानु, आ ङोमु मेको आन कली शेंदीमी बाक्‍त। तन्‍न सुइमी फाराओ कली मेको ङोमु आस अर्थ देंने मचाप्‍मे बाक्‍त। दानीएल २:३

अय्‍युब 15:24

मेकोपुकी श्‍येत नु हिंतीके आ पर्बम ख्रिंख्रि पाइनीम। मेकोपुकीमी परमप्रभु कली लडाइ तोइनीम। लडाइ पचा चिक्‍शो पिप खोदेंशो पा सासीशो बाक्‍नीम।

अय्‍युब 16:2

“गो ओदेंशो लोव़ शुश नेंता। गे नेल्‍ल मोशा लेम्‍खु पाइब ला बाक्‍नीनी।

भजन संग्रह 105:15

मेकोमी “आं तेल लुक्‍शो आन कली मथिने। आं लोव़ पाइब आन कली मारेइ मपतीन” दे हुइक्‍तीमी बाक्‍त।

हितोपदेस 28:18

सु गेना हना यो रिम्‍शो पाइब बाक्‍बा, मेको रिम्‍शो बाक्‍ब। तन्‍न सु लां निक्‍शी हेंथे पा गाक्‍बा, मेको कालेम जाम्‍शा लाइब।

दानीएल 2:12

मिनु मेको लोव़ नेंशा, पिप शुश गाइश्‍शा, बेबीलोन रागीम बाक्‍ब जोक्‍ब तुइक्‍ब नेल्‍ल आन कली साइक्‍चा नम, दे हुकुम पाप्‍तु।

होसे 14:9

सु जोक्‍ब तुइक्‍ब बाक्‍बा, मेकोमी एको लोव़ तुइक्‍तल। सु के रुप्‍ब थुं बाक्‍मे, मेकोमी एको लोव़ रुबल। परमप्रभु यावे आ लां ठीक बाक्‍नीम। मिनु ठीक पाइबपुकी मेको आ लांमी गाक्‍नीम। तन्‍न आ देंशो मटीबपुकी मेको आ लांमी दाइल पाइसीनीम” दे परमप्रभुम देंत।

जकरिया 2:12

परमप्रभु यावेमी यहूदा रागी कली आ के सेल्‍ब। मिनु यरूसलेम कली लें‍शा योव़ब। जकरिया १:१७

गन्‍ती 24:9

मेको गुप्‍स खोदेंशो पा बाप्‍शा बाक्‍ब। गुप्‍सनी खोदेंशो पा बाप्‍शा बाक्‍ब। सुम मेको कली पोक्‍बा ङा? इस्राएली, सुमी इन कली आसीक गेनीमी, मेको आसीक राइनीम। सुमी इन कली सराप चीले पाइक्‍नीमी, मेको सराप चीले राइनीम” देंत। गन्‍ती २३:२४; उत्‍पत्ती ४९:९; उत्‍पत्ती १२:३; उत्‍पत्ती २७:२९

ब्‍यवस्‍था 32:10

मेकोमी याकूब कली सुइ मबाक्‍शो रागीम थुल्‍तु। गोरशो रागीमी कोव़शा थुल्‍तु। मिनु मेकोमी मेको कली आ एर ओंथ नेल्‍ल रे कोव़तु। मिनु मेको कली आ मिक्‍च कली खोदेंशो पा होस पा कोव़तु। भजन संग्रह १७:८; इजीकीएल १६:१०-१४; जकरिया २:१२