एस्‍तर 6:12 - Sunuwar Bible

¹² मिनु नोले मोरदेकै पिप आ दरवार ङा ठेयब लाप्‍चोम लेत्‍त। मिनु हामान चहिं मुने पा कुल सुम्‍शा दोरोर पा दोरशा, आ खिं लत।

एस्‍तर 6:12 ပူးပေါင်းရင်းမြစ်များ

२ सामुएल 15:30

तन्‍न दाऊद जैतून डांडा ङा ग्‍येत्‍थ लांमी ङाक्‍ना ङाक्‍न लमाक्‍त। मेकोम आ पिया सुम्‍शो बाक्‍माक्‍त। श्‍येत्‍थ खोइल गाक्‍शो बाक्‍माक्‍त। मेको नु गाक्‍ब नेल्‍ल यो आन पिया सुम्‍शा ङाक्‍ना ङाक्‍न गाक्‍मा बाक्‍त।

२ सामुएल 17:23

मिनु अहीथोफेलमी आ अर्ती ङा लोव़ मबिश्‍शो तुइश्‍शा, आ गधा ठीक पा आ सहर ङा खिं लमाक्‍त। मिनु आ खिं ङा मुर आन कली देंचा माल्‍शो लोव़ देंशा, आं चहिं ग्‍युक्‍शा बेक्‍माक्‍त। मेको मोपा बेक्‍शा आ आफ आ तुरसुम थिम्‍चा पुंइसे बाक्‍त। १सामुएल ३१:४; १राजा १६:१८; मत्ती २७:५

१ राजा 20:43

मिनु इस्राएल ङा पिपमी “मार लोव़ पवा?” दे गाइश्‍शा, आ खिं सामरीयाम जाक्‍माक्‍त।

१ राजा 21:4

मोपतीके आहाब आ थुं खुरसीशा गाइश्‍शा आ खिं लमाक्‍त। मारदे हना येज्रेली नाबोथमी “आं किकी पिपी आन गेशो रू इन कली मगेनुङ” देंशो बाक्‍माक्‍त। मिनु मेको आ कुल किरशा आ ब्राख्‍येम इप्‍शा बाक्‍माक्‍त। जने यो मबिस्‍से बाक्‍त।

१ राजा 21:6

मिनु मेकोम इजेबेल कली “गो येज्रेली नाबोथ कली ‘इ अङगुर रू ग्‍याप्‍चा गेयी कि इ दाक्‍शो रू नु फाइक्‍‍स’ माइक्‍ता। तन्‍न मेकोम ‘गो आं अङगुर रू इन कली मगेन‍न्‍नी’ दें‍त” देंमाक्‍त।

२ इतिहास 26:20

मिनु ठेयब चढ़ेब अजारयाह नु अरु चढ़ेबपुकीम मेको कली कोव़ना कोव़न मेको आ कुप्‍फीम कोर ग्रूशो तशा, मेको कली रीब पा परमप्रभु यावे आ खिं रे लाङगा ग्रुंइदमे बाक्‍त। मेको आंमा यो रीब पा लाङगा ग्रूचा माल्‍शो बाक्‍माक्‍त। मारदे हना परमप्रभु यावेम मेको कली मेको रोइमी आप्‍शो बाक्‍माक्‍त।

एस्‍तर 2:19

मेको कन्‍ने मीश आल आन कली लेंशा पिप आ दरवारमी चाक्‍गमेनु, मोरदेकै यो दरवार ङा ठेयब लाप्‍चोम बाक्‍शो बाक्‍त।

एस्‍तर 6:11

मिनु हामानमी फेक्‍तीक वा नु शारा चाक्‍शा, मोरदेकै कली मेको वा फेक्‍शा, शाराम ङोइक्‍पाइश्‍शा, सहर ङा लां मेर लाइश्‍शा, आ ङोंइती “पिपमी मान गेचा दाक्‍शो मुर कली मार पवा, मेको कोव़ङीन” देंना देंन मोरदेकै कली हिरताक्‍व।

एस्‍तर 7:8

मिनु पिप फू रू रे लेश्‍शा, भोज जतीक कोठाम जाक्‍मेनु, हामान चहिं एस्‍तर आ इप्‍तीकेम बाप्‍शा, आ नेक्‍था गुर ब्‍वेशा बाक्‍शो ताप्‍तु। मिनु पिपमी ठेयब सेंदामी “मार, मेकोमी पिपीम कली आं ङोंइती थिचा मिम्‍बा?” देंत। मिनु पिपम मोदेंशो देंम नोले, पिप आ गेय पाइबपुकीमी हामान आ कुल सुम्‍तेक्‍म।

अय्‍युब 20:5

एको मार लोव़ बाक्‍ब देंशा हना, परमप्रभु यावे आ अरेशो मटीब आन ठेयब लेश्‍शो इच्‍का नाक्‍त ला लीब। मेको आन ग्‍येरसीशो याम का ला लीब।

अय्‍युब 9:24

रागी परमप्रभु यावे आ अरेशो मटीब आन गुइमी गेशो बाक्‍ब। मेकोम निसाफ पाइब आन मिक्‍च सिल्‍ब। मेकोम मो मपाप्‍तु हना, सुम पाइबा ङा?

१ सामुएल 3:15

मिनु सामुएल नां सोव़म सम्‍म इम्‍माक्‍त। मिनु बोक्‍शा परमप्रभु यावे आ खिं ङा लाप्‍चो रोक्‍गा बाक्‍त। मिनु मेकोम परमप्रभु यावे आ देंशो नु कोंइशो लोव़ एली कली शेंचा हिंमाक्‍त।