एस्‍तर 6:10 - Sunuwar Bible

¹⁰ मिनु पिपमी हामान कली “गे इ देंशो खोदेंशो पा फेक्‍तीक नु शारा मुल कना चाक्‍शा, लाप्‍चोम बाक्‍ब यहूदी मोरदेकै कली मोदेंशो पावो। इ देंशो का यो मख्राइक्‍थु, पावो” दे माइक्‍तु।

एस्‍तर 6:10 ပူးပေါင်းရင်းမြစ်များ

२ राजा 10:10

आहाब आ खिं ङा मुर आन कली परमप्रभु यावेम देंशो लोव़ का यो मोशा मदुम्‍ब। परमप्रभु यावेम आ गेय पाइब एलीया रे पा देंशो लोव़ नेल्‍ल गाप्‍त” देंमाक्‍त। १राजा २१:२१

एस्‍तर 6:11

मिनु हामानमी फेक्‍तीक वा नु शारा चाक्‍शा, मोरदेकै कली मेको वा फेक्‍शा, शाराम ङोइक्‍पाइश्‍शा, सहर ङा लां मेर लाइश्‍शा, आ ङोंइती “पिपमी मान गेचा दाक्‍शो मुर कली मार पवा, मेको कोव़ङीन” देंना देंन मोरदेकै कली हिरताक्‍व।

एस्‍तर 6:9

मिनु मेको पिप आ ङोंइती फेक्‍शो वा नु आ शारा नेल्‍ल आन क्‍येङा मान तशो मुर कली गेचा माल्‍ब। मिनु नेल्‍ल क्‍येङा अधिकार पाइश्‍शो मुरुमी पिपम मान गेचा दाक्‍शो मुर कली फेक्‍तल। मिनु मेको कली शारा ङोइक्‍पाइश्‍शा, सहर ङा लांमी गाक्‍पाइक्‍चा माल्‍ब। मिनु नेल्‍लेमी ‘पिपमी मान गेचा दाक्‍शो मुर कली मार पवा, मेको कोव़ङीन’ देंना देंन हिरदमेक्‍ल” देंत। उत्‍पत्ती ४१:४२-४३

भजन संग्रह 31:24

परमप्रभु यावे आ लां कोव़शा रिम्‍बपुकी, सक्ति पाइश्‍शा, ठेयब थुं पाइश्‍शो दुमीन।

दानीएल 4:37

मुल गो, नेबुकदनेसरमी ‘स्‍वर्ग ङा पिप ठेयब बाक्‍ब’ दे मान पाइनुङ। मारदे हना आ पशो नेल्‍ल थमा बाक्‍ब। आ पतीके नेल्‍ल ठीक बाक्‍नीम। मेकोमी ठेयब लेश्‍शो मुर आन कली ब्रेम्‍शो सेल्‍ने चाप्‍ब” दे पिपमी देंत। लूका १:५१; लूका १८:१४

लूका 14:11

मारदे हना ठेयब सुंइसीब कली मुरपुकीमी महिक्‍थु मान मपाइ‍नीमी। ठेयब मसुंइ‍सीब कली चहिं मुरपुकीमी ठेयब सेल्‍शा, मान पाइनीम” दे शेंदीमी बाक्‍त। लूका १८:१४; मत्ती २३:१२; याकूब ४:६,१०

प्रकाश 18:7

मिनु आंम कली गिश ठेयब सेला, मिश श्‍येत गेशा, सुर्ता नु रोंका पपतीन। मिनु मेकोमी आ थुंमी चहिं ‘गो पिपीम नङ। गो वोंइश बेक्‍शो मीश मुर मनङ। मोपतीके गो सुर्ता गेनायो मपाइनुङ’ देंब। यसैया ४७:७-९