एस्‍तर 6:1 - Sunuwar Bible

¹ मिनु मेको नाक्‍दो पिप इप्‍ने मचब। मिनु पिपमी इतिहास ब्रेक्‍शो किताब चाक्‍पाइक्‍तु। मिनु मेको पढेपपाइश्‍शा नेंतु। एस्‍तर २:२१-२२

एस्‍तर 6:1 ပူးပေါင်းရင်းမြစ်များ

उत्पत्ती 22:14

मिनु अब्राहाममी मेको डांडा कली परमप्रभु यावे यीरेह, दे नें वोदा बाक्‍त। मोपतीके मुल सम्‍म मुरपुकीम “परमप्रभु यावे आ डांडाम परमप्रभु यावेमी माल्‍शो गेब” देंनीम। “परमप्रभु यावे यीरेह” आ अर्थ “परमप्रभु यावेमी आं माल्‍शो गेब” देंशो बाक्‍ब। उत्‍पत्ती १६:१३

एस्‍तर 10:2

पिप अहासूरस आ अधिकार नु सक्ति आन पर्बम नु दोपा मेकोमी मोरदेकै कली ठेयब गेय पपदा, मेको आ पर्बम मादी नु पारसी पिप आन इतिहास ङा किताबमी ब्रेक्‍शो बाक्‍ब। एस्‍तर २:८,१५

एस्‍तर 2:21

मेना मोरदेकै पिप आ दरवार ङा ठेयब लाप्‍चोमी बाक्‍शो बाक्‍त। मिनु सु जाक्‍म, दे कोव़ब, पिप आ ठेयब गेय पाइब बिग्‍थान नु तेरेश माइश्‍शो मुर चुरशा गारशा, पिप अहासूरस कली साइक्‍चा लोव़ पाम्‍से बाक्‍त। एस्‍तर ६:१-२

एस्‍तर 2:22

मिनु मेको आस लोव़ मोरदेकैमी नेंशा तुइश्‍शा, एस्‍तर कली शेंदा बाक्‍त। मिनु एस्‍तरमी मोरदेकै आ नेंमी पिप कली लोव़ नेल्‍ल शोव़तु।

एस्‍तर 2:23

मिनु मेको लोव़ हिल्‍लो हिक्‍सी पामेनु, थमा बाक्‍त, दे पिपमी तुइक्‍ताक्‍व। मिनु मेको ठेयब गेय पाइब आस कली थामम क्‍युक्‍शा साइक्‍तेक्‍म। मिनु नोले पिप आ ङोंइती मेको लोव़ नेल्‍ल इतिहास ब्रेक्‍तीक किताबमी ब्रेक्‍ताक्‍म।

एस्‍तर 5:8

मिनु गो इन शिशी ताता हना, गे आं पुंइशो गेचा दाक्‍ताक्‍नी हना, हजुर, दीसा यो गे निक्‍शी मुलाक्‍त ङा खोदेंशो पा, आं सेल्‍शो भोजम जाक्‍कीन। मेना गो इन हिल्‍लो पशो लोव़ लेत्‍नुङ” देंत। एस्‍तर ६:१४

यसैया 41:17

मेकोमी लेंशा “प्रुङग नु क्‍येट मथीबम ब्‍वाक्‍कु माल्‍नीम। तन्‍न मथित्‍नीम। मेकोपुकी तूतू दाक्‍शा, आन लाकचा सोव़ब। गो, परमप्रभु यावेमी, मेको आन लोव़ नेंनुङ। मिनु गो, इस्राएली आन परमप्रभुमी मेको आन कली मप्रोंइथु, मेको नु बाक्‍नुङ।

दानीएल 2:1

मिनु पिप नेबुकदनेसर आ सासन पशो बर्स निक्‍शी जाक्‍दीम्‍मेनु, मेको पिपमी ङोमु का तवा बाक्‍त। मिनु ङोमु तशा नोले मेको मार पङ, दो पङ दुम्‍शा, आं थुं ग्‍येत्‍थ लुक्‍च दुम्‍शा, लेंशा इप्‍ने मचबा बाक्‍त।

दानीएल 6:18

मिनु पिप आ दरवारम लेश्‍शा लशा, मेको नाक्‍दो माइजा बाक्‍शा, मारेइ जचा थोव़क आ बाक्‍तीकेम मचाक्‍पद। मिनु मइप्‍थु, नां सोंइताक्‍व।

मलाकी 3:16

मिनु परमप्रभु यावे क्‍येङा हिंब आन दातेमी लोव़ पाम्‍तेक्‍म। मिनु परमप्रभु यावेमी नोफा दाइश्‍शा, मेको आन लोव़ नेंतु। मिनु आ ङोंइती आ कली मान पा हिंब, आ नें ठेयब सेल्‍ब आन पर्बम मिम्‍तीक किताब ब्रेक्‍शो बाक्‍त।

रोमी 11:33

परमप्रभु यावेमी नेल्‍ल तुइक्‍ब। परमप्रभु यावे सक्ति पाइश्‍शो नेल्‍ल क्‍येङा ठेयब बाक्‍ब। मुरपुकीमी परमप्रभु यावे आ निसाफ पशो, मुर आन कली पाइश्‍शो, सुइमी रुम्‍ने मचाप्‍नीम। यसैया ४५:१५; यसैया ५५:८-९