एस्‍तर 5:1 - Sunuwar Bible

¹ मिनु नाक्‍त सां नोले एस्‍तरमी पिपीम आ फेक्‍तीके फेक्‍साक्‍व। मोपा लशा, पिप आ दरवार आ लाङगाम बाक्‍शा, खिं गे कोव़शा, राप्‍त। मेना पिप आ खिंमी आ ठेयब नित्‍तीकेमी निश्‍शा, लाप्‍चो गे कोव़शा, बाक्‍शो बाक्‍त।

एस्‍तर 5:1 ပူးပေါင်းရင်းမြစ်များ

एस्‍तर 1:11

“पिपीम वास्‍ती कली आ सिरपेच गुम्‍सीशा, मुर नेल्‍ल नु हुकुम पाइब आन ङोंइती आ दारस कोंइचा कली चाक्‍कीन” दे अरेशा सोइक्‍ताक्‍व। मारदे हना मेको पिपीम शुश दारशो बाक्‍‍त।

एस्‍तर 2:5

मिनु सुसा दरवारमी मोरदेकै माइश्‍शो यहूदी मुर का बाक्‍माक्‍त। मेको बेन्‍यामीन थर ङा याइर आ तौ, शिमेइ आ चच, कीश आ युइ बाक्‍माक्‍त। १सामुएल ९:१

एस्‍तर 4:11

“पिप आ गेय पाइब नु रागी ङा मुर नेल्‍ल पिपमी मब्रेत्‍थु, वोंइश मुर नु मीश मुर सुइ पिप आ ङोंइती लाम्‍तेक्‍म हना, साइक्‍चा पुंइसीनीम। मेको ऐन कानुनम ब्रेक्‍शो बाक्‍ब। तन्‍न पिपमी आ राज दन्‍ड मेको मुर गे दिंशा कोंइताक्‍व हना ला, मेको मुर ब्रोंइचा ताइब। मिनु गो ३० नाक्‍त सम्‍म मब्रेस्‍सीशो बाक्‍नुङ” दे देंचा कली सोइक्‍ताक्‍व। एस्‍तर ५:२; एस्‍तर ८:४

एस्‍तर 4:16

“सुसा सहरमी लशा, यहूदी नेल्‍ल आन कली आं पर्बम माइजा बाक्‍चा कली पुक्‍कीन। नाक्‍त सां नु नाक्‍दो सां सम्‍म मारेइ मजने, मारेइ मतूङीन। मिनु गो नु आं गेय पाइबपुकी यो गे खोदेंशो पा माइजा बाक्‍नीकी। मिनु में नोले ऐन कानुनमी मगेशो बाक्‍त हना यो, गो पिप आ बाक्‍तीकेम लाइनुङ। गो खतम दुम्‍ती हना, यो दुम्‍ङल” दे लोव़ सोइक्‍ताक्‍व।

एस्‍तर 4:17

मिनु मोरदेकै लशा, एस्‍तर आ देंशो खोदेंशो पाप्‍तु।

एस्‍तर 6:4

मिनु पिपमी “लाङगाम सु बाक्‍मे?” दे हिल्‍लो पाप्‍तु। मेना हामानमी आ ग्रुक्‍शो, मुर कली क्‍युक्‍शा साइक्‍तीक थाममी “मोरदेकै कली साइक्‍चा गेयीनी” दे पिप कली पुंइथ लाङगामी नक जाक्‍शो बाक्‍त। एस्‍तर ५:१४

एस्‍तर 8:15

मिनु मोरदेकै पिप आ बाक्‍तीक रे दरवार ङा ठेयब नीलो नु बुश फेक्‍तीक वा फेक्‍शा, पियाजी रङ ङा बरखी रुक्‍शा, पियामी सुन के ठेयब सिरपेच गुप्‍शा, सहर लत। मिनु मोरदेकै कली तशा, सुसा सहर ङा मुरपुकी थाम्‍पान ग्‍येरसाक्‍म।

मत्ती 10:16

भेडा आन कली फर आन दातेम सोइश्‍शो खोदेंशो पा सोइक्‍नन्‍नी। बुस्‍स खोदेंशो पा निप्‍स पाइश्‍शो दुमीने। मिनु परवा खोदेंशो दुम्‍शा, सुइ कली मरिम्‍शो मपने। लूका १०:३; रोमी १६:१९; एफिसी ५:१५

मत्ती 11:8

मिनु मार कोव़थ लनी? दारशो वा फेक्‍शो मुर तांइसीबा कों, दे कोव़थ लनी? नेनीने, दारशो वा फेक्‍ब पिप आन खिंमी बाक्‍नीम।

मत्ती 27:64

मोपतीके मेको आ लास वोइक्‍तीकेमी सां नाक्‍त सम्‍म खाल पाइब वोइक्‍चा माल्‍ब। मारदे हना मेको आ नोले खोइक्‍बपुकीमी आ लास खुइ पा लाइश्‍शा, मुर आन कली ‘बेक्‍शो रे सेंसाक्‍व’ दे शेंना शेंन गाक्‍तेक्‍म हना, ङोंइती रे पशो क्‍येङा शुश जोल ग्रूब” दे पुन्‍मे बाक्‍त।

लूका 22:30

आं राज्‍यमी गो नु काथा बाक्‍शा, जचा तूचा ताइनी‍नी। मिनु इं इस्राएल ङा १२ थर आन कली निसाफ पाइनीनी” दे माइक्‍मी बाक्‍त। मत्ती १९:२८

प्रकाश 3:21

सु सुमी सैतान कली ग्रानीमी, मेको आन कली आं ठेयब नित्‍तीकेमी निप्‍पाइक्‍नुङ। गो ङोंइती ग्राती। मोपा गो आं आफ आ ठेयब नित्‍तीकेमी आफ नु निस्‍साक्‍यी। मत्ती १९:२८