एस्तर 4:16 - Sunuwar Bible16 “सुसा सहरमी लशा, यहूदी नेल्ल आन कली आं पर्बम माइजा बाक्चा कली पुक्कीन। नाक्त सां नु नाक्दो सां सम्म मारेइ मजने, मारेइ मतूङीन। मिनु गो नु आं गेय पाइबपुकी यो गे खोदेंशो पा माइजा बाक्नीकी। मिनु में नोले ऐन कानुनमी मगेशो बाक्त हना यो, गो पिप आ बाक्तीकेम लाइनुङ। गो खतम दुम्ती हना, यो दुम्ङल” दे लोव़ सोइक्ताक्व। အခန်းကိုကြည့်ပါ။ |
एस्तर 4:16
29 ပူးပေါင်းရင်းမြစ်များ
मिनु थमा मसुइक्बपुकीमी आं कली खेदा पामेनु, आं कली प्रोंइचा, दे वारच पय्यीसीनु, हेरा साइक्चा पुंइसाक्स। मेको निक्शीमी आं कली प्रोंइशो आ पर्बम परमप्रभु यावे कली “गे रिम्शो पाइब बाक्नीनी” देंनुङ। गो ला ममाइ, नेल्ल रागी रागी ङा थमा सुइक्बपुकीमी यो मेको निक्शी आस पशो मिम्शा, परमप्रभु यावे कली “गे रिम्शो पाइब बाक्नीनी” देंनीम। मोपतीके मेको आस कली “रिम्शो बाक्कीसे” दे मतीने।
तन्न परमप्रभु यावे आ नें ठेयब सेल्चा मदाक्नीनी हना, सु कली ठेयब सेल्नीनी? मुलाक्ती योव़ङीन। गे इन किकी पिपीमी खोला आइक्ची हांबुम पूजा पशो देवी देवता आन कली ठेयब सेल्नीनी देय मुल बाक्शो एमोरी आन रागी ङा देवी देवता आन कली ठेयब सेल्नीनी? योव़ङीन। तन्न गो नु आ खिं ङा मुरुमी परमप्रभु यावे कली ला ठेयब सेल्नीकी” देंत। ब्यवस्था ६:१३-१४
मेकोमी पलिस्ती कली सदानु, आंमा चहिं बेक्नुङ देय ब्रोंइनुङ, दे मतुइश्शो बाक्त। मिनु परमप्रभु यावेम इस्राएल कली ठेयब सेल्शा ग्रापाइक्तु। गे मेको नेल्ल तशा शुश ग्येरशो बाक्तीनी। गे मारदे मेको दोस मताइब दाऊद कली मरिम्शो पचा माल्नीनी? बित्चीम मेको कली मारदे साइक्चा दाक्नीनी?” देंमाक्त। १सामुएल १७:५०
ကြော်ငြာတွေ