एस्‍तर 3:8 - Sunuwar Bible

⁸ मिनु हामानमी पिप अहासूरस कली “इन राज्‍य ङा रागी नेल्‍लेमी मुर आन दातेमी जात का ङा मुर ब्रशा बाक्‍शो बाक्‍नीम। मेकोपुकी अरु मुर रे ब्राशा बाक्‍नीम। मिनु मेको आन पतीके गो नु मगारचा ङा बाक्‍ब। मेकोपुकीमी इन ऐन कानुन मटीनीम। मिनु गेमी मेको आन कली मोदेंशो पचा गेचा मदुम्‍ब। ब्‍यवस्‍था ४:५-८

एस्‍तर 3:8 ပူးပေါင်းရင်းမြစ်များ

एज्रा 4:6

मिनु अहासूरसमी सासन पचा गोवा आ ङोंइती ङा बर्स, मेको रागी ङा मुरपुकीमी यहूदा नु यरूसलेम ङा मुर आन कली दोस गेशो ब्रेक्‍स का ब्रेक्‍शा सोइक्‍ताक्‍मी।

नेहेम्‍याह 1:8

मिनु गे इन वाइल मोसा कली ‘गे आं देंशो मटीतीनी हना, गो इन कली रागी रागी ङा मुर आन दातेमी फ्राइनन्‍नी’ देंतीनी। ब्‍यवस्‍था ४:२७

एस्‍तर 3:9

मोपतीके गे दाक्‍नी‍नी हना, मेको आन कली खतम सेल्‍चा, दे ब्रेक्‍स का ब्रेक्‍पतीन। मिनु गो नोले मेको पिप आ क्‍येट वोइक्‍तीके ङा गेय पाइब आन कली १० हजार टलेन्ट चांदी पिप आ क्‍येट वोइक्‍तीकेमी वोइक्‍चा कली गेनुङ” देंत। टलेन्ट का चांदी ३४ किलो बाक्‍ब। एस्‍तर ४:७

एस्‍तर 4:1

मिनु मोरदेकैमी मेको लोव़ नेल्‍ल तुइश्‍शा, आ वा खाक्‍तु। मिनु अरन्‍डी फेक्‍शा, पुलु मोंइसीशा, ठेयब सेंदामी रोंका पना पन सहरम हिरसाक्‍व।

येरमीया 33:24

मार लोव़ पाप्‍तु देंशा हना “मेको मुरपुकी मार, देंना देंन बाक्‍मा, मार, गे मनेंनी? मेकोपुकीमी ‘परमप्रभु यावे आ योव़शो खिं निक्‍शी ङा मुर आन कली प्रोंइशा तिल्‍शो बाक्‍ब’ देंतेक्‍म। मो देंतीके मेको मुरपुकीमी आं मुर आन कली आइक्‍च सेल्‍शा, मुल रे रागी का यो मनम, दे मिम्‍नीम” देंत।

येरमीया 50:17

इस्राएल गुप्‍सपुकीम खेदा पा एर ओंथ ब्रपाइश्‍शो भेडा खोदेंशो दुम्‍शो बाक्‍ब। मेको कली ङोंइती अस्‍सुर ङा पिपम दाक्‍तु। मिनु नेल्‍ल क्‍येङा नोले बेबीलोन ङा पिप नेबुकदरेसरमी मेको आ रुश नेल्‍ल नेक्‍तु” देंत।

इजीकीएल 11:16

मोपतीके परमप्रभु, परमप्रभु यावेमी “गो मेको आन कली ङोन रागी रागी ङा मुर आन दातेम सोइक्‍ताक्‍ङमी। गो मेको आन कली राज्‍य राज्‍य आन दातेमी फ्रात हना यो, इच्‍का नाक्‍ती सम्‍म मेको आन परमप्रभु दुम्‍ती। इजीकीएल ६:८-१०

इजीकीएल 6:8

तन्‍न गो गे इन दाते ङा का निक्‍शी आन कली ब्रोंइचा गेनुङमी। रागी रागी आन दाते ङा का निक्‍शी साइक्‍चा मपुंइसीनीम। मेकोपुकी रागी रागीम ब्रशा लाइनीम। यसैया ६:१३

दानीएल 3:8

मिनु मेना कल्‍दी का निक्‍शी पिप आ बाक्‍तीकेमी जाक्‍शा, यहूदी आन पर्बम लोव़ पा मेको आन कली दोस गेम्‍तेक्‍म।

दानीएल 6:13

मिनु मेकोपुकीमी पिप कली “आ रागी रे ग्‍याइश्‍शा चाक्‍चा पुंइसीशो यहूदी दानीएलमी इन लोव़ लाक्‍शा, इन ग्रुंइशो कानुन मटीव। मेकोमी नाक्‍त किंत किंत खेयप सां प्रार्थना पा पुंइब” देंतेक्‍म।

दानीएल 6:14

मिनु पिपमी मेको लोव़ नेंशा, आ थुं शुश लुक्‍च लत। मिनु दानीएल कली “दोपा प्रोंइनुङा?” दे नां मलाक्‍गा सम्‍म शुश मिम्‍शा बाक्‍माक्‍त।

लेवी 26:33

गो इन कली रागी रागी ङा मुर आन दातेमी ब्रपाइक्‍नुङ। मिनु लडाइ तोपाइश्‍शा, इन कली खेदा पपाइक्‍नुङ। मिनु इन रागी श्‍येत्‍थ नु इन सहरपुकी गोरशो सेल्‍नुङ।

जकरिया 7:14

मिनु गो मेको आन कली फश गिवारमी खोदेंशो पा आन मतुइश्‍शो रागी रागीम फ्रातामी। मोपतीके आन प्रोंइशो रागी मुर मबाक्‍शो दुम्‍त। मेकेर सुइ मलम। मोदेंशो पा रिम्‍शो रागी खतम दुम्‍त” दे मुर नेल्‍ल आन परमप्रभु यावेमी देंत।

गन्‍ती 23:9

गो सेरथे फुल्‍लु तार बाक्‍शा, मेको आन कली ताइनुङ। गो डांडाम बाक्‍शा, मेको आन कली कोव़नुङ। मेको आन का ला बाक्‍ब जात ङा मुर बाक्‍नीम। मिनु रागी रागी ङा मुर नु मखाल्‍सीनीम।

यूहन्‍ना 7:35

मिनु यहूदीपुकीमी “एको ते लचा चिक्‍शो बाक्‍मे? मिनु गोपुकीमी एको कली मथित्‍नीकी? ग्रीस ङा मुर आन बाक्‍तीक लशा, मेकेर ब्रशा बाक्‍शो यहूदी आन कली ममाइ, तन्‍न ग्रीस ङा मुर आन कली शेंचा दाक्‍बा, कों?

प्रेरित 24:5

मेको इन ङोंइती राप्‍पा वोइश्‍शो मुर कली गो रिम्‍शो पा तुइक्‍नीकी। मेको मुर थम हिंचा ङा रोइ खोदेंशो बाक्‍ब। रागी रागी हिरशा गाक्‍मेनु, यहूदी आन कली पोक्‍शा मरिम्‍शो पपाइक्‍बाक्‍त। एको नासरथ ङा दूली थमा सुइक्‍ब आन ठेयब मुर बाक्‍ब। प्रेरित १७:६

प्रेरित 28:22

गोपुकीमी एको नक थमा सुइक्‍तीके आ पर्बम चहिं लोव़ नेंतक। मेको लोव़ तेक तेक ब्रामे, मेक मेक जिचा पोक्‍ग्‍मे बाक्‍त, दे तुइश्‍शो नकी। मोदेंशो दुम्‍त हना यो, गो इ मिम्‍शो तुइक्‍चा दाक्‍नीकी, लेंशा ग्रुम्‍चा” दे लोव़सी थुम्‍शा गाक्‍तेक्‍म। प्रेरित २४:१४; लूका २:३४

ब्‍यवस्‍था 30:3

मेना परमप्रभु यावे, इन परमप्रभुमी इन रिम्‍शो नाक्‍ती लेप्‍पाइक्‍ब। मिनु परमप्रभु यावे, इन परमप्रभुमी इन कली शिशी पाइश्‍शा, जात जात ङा मुर आन दातेमी ब्रपाइक्‍तीके रे खुप्‍शा चाक्‍ब। इजीकीएल १६:५३; येरमीया २९:१४; आमोस ९:१४; येरमीया ३२:३७

ब्‍यवस्‍था 32:26

गो मेको आन कली ङोन ङोन सम्‍म ब्रापाइक्‍नुङ। गो मेको आन कली मुर आन दातेम ममिम्पाइक्‍नुङ।

ब्‍यवस्‍था 4:27

मिनु परमप्रभु यावेमी इन कली जात जात ङा मुर आन दातेमी ब्रपाइक्‍ब। मिनु परमप्रभु यावेमी इन कली कोंइशो रागी रागी आन दातेमी इच्‍का ला लीनीनी।

याकूब 1:1

गो, याकूब, परमप्रभु यावे नु प्रभु येसु ख्रीस्‍त आस वाइल नङ। गो ब्रशा बाक्‍शो १२ थर ङा यहूदी इन कली नमो पाइनुङ। गे रिम्‍शो बाक्‍कीन।

१ पत्रुस 1:1

गो येसु ख्रीस्‍त आ सोइश्‍शो पत्रुस नङ। एको चिठी पोन्‍टस, गलातीया, कापाडोसीया, एसीया नु बिथीनीया रागीम ब्रशा बाक्‍शो इस्राएल रागी ङा थमा सुइक्‍ब, इन कली ब्रेक्‍ताक्‍न्‍नी। हिब्रू १३:१४