एस्‍तर 3:2 - Sunuwar Bible

² मिनु पिप आ लोव़ टिशा, दरवार ङा गेय पाइब नेल्‍लेमी दरवार ङा ठेयब लाप्‍चोमी हामान आ ङोंइती बाप्‍शा पोक्‍च थेक्‍शा, सेउ पाम्‍‍तेक्‍म। तन्‍न मोरदेकैमी मोदेंशो पा पोक्‍च थेक्‍शा, सेउ मपावो। मत्ती ४:९-१०

एस्‍तर 3:2 ပူးပေါင်းရင်းမြစ်များ

उत्पत्ती 41:43

मिनु फाराओमी योसेफ कली आ नोले ङा बग्‍गीमी ङोइक्‍पदा बाक्‍त। मिनु योसेफ आ ङोंइती बाक्‍बपुकीमी “योसेफ आ ङोंइती पोक्‍च थेक्‍शा, सेउ पने” दे ब्रेम्‍मा बाक्‍त। मोपा इजीप्‍त रागी ङा हुकुम पाइब सेला बाक्‍त। एस्‍तर १०:३

एस्‍तर 2:19

मेको कन्‍ने मीश आल आन कली लेंशा पिप आ दरवारमी चाक्‍गमेनु, मोरदेकै यो दरवार ङा ठेयब लाप्‍चोम बाक्‍शो बाक्‍त।

एस्‍तर 2:21

मेना मोरदेकै पिप आ दरवार ङा ठेयब लाप्‍चोमी बाक्‍शो बाक्‍त। मिनु सु जाक्‍म, दे कोव़ब, पिप आ ठेयब गेय पाइब बिग्‍थान नु तेरेश माइश्‍शो मुर चुरशा गारशा, पिप अहासूरस कली साइक्‍चा लोव़ पाम्‍से बाक्‍त। एस्‍तर ६:१-२

एस्‍तर 2:5

मिनु सुसा दरवारमी मोरदेकै माइश्‍शो यहूदी मुर का बाक्‍माक्‍त। मेको बेन्‍यामीन थर ङा याइर आ तौ, शिमेइ आ चच, कीश आ युइ बाक्‍माक्‍त। १सामुएल ९:१

एस्‍तर 3:1

मिनु नोले पिप अहासूरसमी अगाग आ मुर हम्‍मदाता आ तौ हामान कली आ मान बारपाइक्‍तु। मिनु मेको कली हुकुम पाइब नेल्‍ल आन क्‍येङा ठेयब सेल्‍शा, ठेयब मान गेशा वोइक्‍तु। १सामुएल १५:३२; प्रस्‍थान १७:१४-१६

एस्‍तर 3:3

मिनु पिप आ दरवार ङा ठेयब लाप्‍चोम गेय पाइबपुकीमी मोरदेकै कली “गे मारदे पिप आ देंशो मटीनीनी?” दे हिल्‍लो पाम्‍तेक्‍म।

एस्‍तर 3:5

मिनु मोरदेकैमी आ ङोंइती बाप्‍शा, सेउ पा मान मपशो तशा, हामान साप्‍पा चुरमाक्‍त।

एस्‍तर 5:9

मिनु मेको नाक्‍त हामान शुश ग्‍येरसीशा, आ थुं जाव बोरपा लत। तन्‍न हामानमी मोरदेकै कली दरवार ङा ठेयब लाप्‍चोमी बाक्‍शो नु आ ङोंइती बाप्‍शा मान मपशो तशा, चुरशा लां मताव।

भजन संग्रह 15:4

सुमी परमप्रभु आ अरेशो मटीब आन कली महिक्‍थु, परमप्रभु यावे कली मान पा हिंब आन कली चहिं हिक्‍ना हिक्‍न बाक्‍बा, कसम जशा, श्‍येत दुम्‍मेनु यो, आ कसम जशो मप्रोंइथु बाक्‍बा,

प्रस्‍थान 17:14

मिनु परमप्रभु यावेमी मोसा कली “एको लडाइ गेना हना यो मिम्‍चा कली किताबम ब्रेक्‍तो। गो अमालेकी आन कली रागी रागी रे क्‍याम्‍नुङमी, दे यहोसु कली मिम्‍पतो” देंत। ब्‍यवस्‍था २५:१७-१९; १सामुएल १५:२-३

प्रस्‍थान 17:16

मिनु मेकोमी “यावे आ नित्‍तीक गे इन गुइ पोक्‍कीन! मारदे हना परमप्रभु यावेमी ‘अमालेकी नेल्‍ल आन पालामी मेकोपुकी नु लडाइ पाइनुङ’ दे ङोंइती देंशो बाक्‍ब” देंत। येरमीया ३:१७

दानीएल 2:49

मिनु दानीएलमी “शद्रक, मेशक नु अबेद-नेगो आन कली बेबीलोन रागी ङा सासन पतीक गेय गेचा” दे पिप नु लोव़ पा पुंइतु। दानीएल चहिं पिप आ दरवारमीन बाक्‍त। दानीएल ३:१२

ब्‍यवस्‍था 25:19

मोपतीके परमप्रभु यावे, इन परमप्रभुमी इन कली योव़शा गेशो इन के सेल्‍चा चिक्‍शो रागीम इन जोरी सत्रु नु लडाइ पशा, नाइक्‍साक्‍नी हना, अमालेकी आन नें रागी रे क्‍याम्‍चा माल्‍नीनी। मेको मप्रेंदीन” देंत। १सामुएल १५:२-३

फिलिप्‍पी 2:10

येसु आ नें नेंशा, स्‍वर्गम बाक्‍ब, रागीम नु रागी आगाम बाक्‍ब नेल्‍लेमी बाप्‍शा, पोक्‍च थेक्‍चा माल्‍नीम। यसैया ४५:२३; यूहन्‍ना ५:२३; प्रकाश ५:१२-१३

१ सामुएल 15:3

अमालेकी आन कली लडाइ तोशा, मेको आन कली सतीन। मेको आन शोंप नेल्‍ल खतम पोक्‍कीन। मारेइ मप्रोनीन। नेल्‍ल आन कली खतम पोक्‍कीन। मेको आन मीश मुर, वोंइश मुर, मीश आल, वोंइश आल, दूध तूब आल, बी ब्‍यफ, क्‍यारश भेडा, दलओंठ नु गधा नेल्‍ल आन कली खतम पोक्‍कीन” देंमाक्‍त।