एस्‍तर 3:13 - Sunuwar Bible

¹³ मिनु मेको सोइश्‍शो मुरपुकीमी मेको ब्रेक्‍स रीब रीब पा पिप आ रागी ङा मुर नेल्‍ल आन कली सोइक्‍तमे बाक्‍त। मेको ब्रेक्‍समी मार ब्रेक्‍शो बाक्‍त देंशा हना, अदार माइश्‍शो महिना ङा १३ नाक्‍त, काबुमीन यहूदी नेल्‍ल आन कली साइक्‍चा माल्‍नीम। वोंइश आल रे खाल्‍पा सम्‍म नु मीश मुर नु आल ब्रेप्‍च नेल्‍ल आन कली यो साइक्‍चा माल्‍नीम। मिनु यहूदी आन शोंप नेल्‍ल रोइक्‍चा माल्‍नीम, दे ब्रेक्‍शो बाक्‍त।

एस्‍तर 3:13 ပူးပေါင်းရင်းမြစ်များ

२ इतिहास 30:6

मिनु पिप नु आ सरकार ङा ठेयब मुरुम ब्रेक्‍शो चिठी चोक्‍ब मुरपुकी पिप आ देंशो खोदेंशो पा यहूदा नु इस्राएलम लमा बाक्‍त। मिनु मेको चिठीम मार ब्रेक्‍शो बाक्‍माक्‍त देंशा हना “इस्राएली परमप्रभु यावे, इन किकी पिपी अब्राहाम, इसहाक नु इस्राएल आन परमप्रभु गे लेत्‍तीन। मेना मेकोमी अस्‍सुर ङा पिपम मलाइश्‍शो लीशो मुर आन कली लेंशा कोव़ब। इस्राएल याकूब आ नें बाक्‍ब।

एस्‍तर 7:4

मारदे हना गो नु आं जात ङा मुर नेल्‍ल क्‍याम्‍चा, साइक्‍चा नु खतम दुम्‍चा कली लेयसीशो बाक्‍नीकी। गो वाइलीम वाइल सेल्‍चा कली ला लेयसीशो बाक्‍तक हना, गो सिक्‍सी पा बाक्‍ङ वा। मारदे हना मेको आइक्‍च लोव़मी पिप कली मारेइ श्‍येत मदुम वा” देंत।

एस्‍तर 8:5

मिनु एस्‍तरमी “पिपम दाक्‍‍नीनी नु गो इन शिशी ताता नु आं देंशो लोव़ गे दाक्‍‍नीनी नु आं देंशो नेंनीनी हना, अगाग आ मुर हम्‍मदाता आ तौ हामानमी इन राज्‍य ङा हुकुम पाइब नेल्‍ल आन कली ‘यहूदी नेल्‍ल आन कली साइक्‍चा’ दे ब्रेक्‍शा सोइश्‍शो ब्रेक्‍स नेल्‍ल क्‍याम्‍चा, दे ब्रेक्‍स का ब्रेक्‍शा सोइक्‍तीन।

एस्‍तर 9:1

मिनु अदार माइश्‍शो १२ महिना ङा १३ नाक्‍त पिप आ ब्रेक्‍शो लोव़ खाप्‍तीक नाक्‍त जाक्‍त। मेको नाक्‍त यहूदी आन जोरी सत्रुमी यहूदी आन कली साइक्‍चा मिम्‍शो बाक्‍तेक्‍म। तन्‍न मुल यहूदीपुकीम कका आन जोरी सत्रु आन कली साइक्‍तीक नाक्‍त जाक्‍त।

एस्‍तर 9:10

मिनु मेको यहूदी आन जोरी सत्रु हम्‍मदाता आ तौ हामान आ १० जना तौ कली यो साइक्‍तेक्‍म। मेको आन शोंप नु आन थेरशो रू चहिं मरोइक्‍तेम।

एस्‍तर 9:5

मिनु यहूदीपुकीम आन जोरी सत्रु आन कली तरवारम तूशा, क्‍योरशा साइश्‍शा थुम्‍तेक्‍म। यहूदीपुकीमी आन कली खेदा पाइब मुर आन कली मार पचा दाक्‍तमे, मेको पाम्‍तेक्‍म।

अय्‍युब 9:25

आं ब्रोंइतीक नाक्‍त दोरब आन क्‍येङा यो शुश दोरशो बाक्‍ब। मारेइ ग्‍येरतीक मत‍थु, मेको नुम्‍ना नुम्‍न लाइनीम।

यसैया 10:6

गो अस्‍सुर कली आं कली मटीब रागी कली लडाइ पथ सोइक्‍नुङ। अस्‍सुर कली आं कली गाइक्‍पाइक्‍ब मुर नु सोइक्‍नुङ। मारेइ मारेइ रोइक्‍पाइक्‍चा कली सोइक्‍नुङ। मिनु मेको आन कली लांम दिम्‍पाइक्‍चा कली सोइक्‍नुङ।

येरमीया 51:31

लोव़ कुरबम अर्को लोव़ कुरब आन कली लांम ग्रुम्‍नीम। मेकोपुकीमी बेबीलोन ङा पिप कली “मेको सहर नेल्‍ल ग्रातेक्‍म।

रोमी 3:15

“मेकोपुकीमी मारेइ ममिम्‍थु मुर साइक्‍नीम।

याकूब 2:13

शिशी मपाइबपुकीमी निसाफ पची नाक्‍त शिशी मताइनीम। निसाफ क्‍येङा शिशी ठेयब बाक्‍ब। मत्ती ५:७; मत्ती १८:३०,३४; मत्ती २५:४०,४६

१ सामुएल 15:3

अमालेकी आन कली लडाइ तोशा, मेको आन कली सतीन। मेको आन शोंप नेल्‍ल खतम पोक्‍कीन। मारेइ मप्रोनीन। नेल्‍ल आन कली खतम पोक्‍कीन। मेको आन मीश मुर, वोंइश मुर, मीश आल, वोंइश आल, दूध तूब आल, बी ब्‍यफ, क्‍यारश भेडा, दलओंठ नु गधा नेल्‍ल आन कली खतम पोक्‍कीन” देंमाक्‍त।

१ सामुएल 22:19

सावलमी चढ़ेब आन सहर नोब ङा वोंइश मुर, मीश मुर, आलपुकी, ब्‍यफ गधा नु भेडा नेल्‍ल आन कली तरवारमी क्‍योरशा साइक्‍मी बाक्‍त। १सामुएल २१:२