एस्‍तर 3:1 - Sunuwar Bible

¹ मिनु नोले पिप अहासूरसमी अगाग आ मुर हम्‍मदाता आ तौ हामान कली आ मान बारपाइक्‍तु। मिनु मेको कली हुकुम पाइब नेल्‍ल आन क्‍येङा ठेयब सेल्‍शा, ठेयब मान गेशा वोइक्‍तु। १सामुएल १५:३२; प्रस्‍थान १७:१४-१६

एस्‍तर 3:1 ပူးပေါင်းရင်းမြစ်များ

उत्पत्ती 41:40

इ कली आं रागी ङा मुर आन कली हुकुम पाइब सेल्‍नन। इ देंशो लोव़ मुर नेल्‍लेमी टिचा माल्‍नीम। गे आं सरकार ङा गेय पाइब नेल्‍ल आन क्‍येङा ठेयब मुर दुम्‍नीनी। गो सिरपेचम पतीके ला इ क्‍येङा ठेयब बाक्‍नुङ। भजन संग्रह ११३:७

उत्पत्ती 41:55

मिनु इजीप्‍त रागीमी ठेयब अन्‍काल दुम्‍शा, मुरपुकीमी फाराओ कली “अन्‍न गेकी” दे पुन्‍मे बाक्‍त। मिनु फाराओम इजीप्‍त ङा मुर आन कली “योसेफ नु पुंइथ लने। मेकोमी मार देंबा, मेको पने” दे माइक्‍मी बाक्‍त।

एज्रा 7:14

गो, पिप नु आं ७ जना अर्ती गेबपुकीमी इन कली यहूदा नु यरूसलेममी मार दुम्‍ना दुम्‍न बाक्‍मे, मेको कोव़चा कली सोइश्‍शो बाक्‍नीकी। गे नु बाक्‍ब इन परमप्रभु आ अरेशो लोव़ पशो बाक्‍मा कों, मपशो बाक्‍मा, मेको कोव़ङो।

एस्‍तर 1:14

मेको पिप कली सल्‍ला गेब सु बाक्‍मा बाक्‍त, देंशा हना, पारसी नु मादी ङा ७ जना हुकुम पाइब कारशेना, शेथार, अदमाथा, टारशीश, मेरेस, मारसेना नु मेमुकान बाक्‍मा बाक्‍त। मेकोपुकी पिप आ ङोंइती बाक्‍शा, नेल्‍ल क्‍येङा ठेयब अधिकार पा गेय पाइब बाक्‍तेक्‍म।

एस्‍तर 3:10

मिनु पिपमी आ छाप पाइश्‍शो औंठी प्रुइश्‍शा, यहूदी आन जोरी सत्रु अगाग आ मुर हम्‍मदाता आ तौ हामान कली गेप्‍तु।

एस्‍तर 5:11

मिनु मेको आन कली “आं शोंप, आं थेरशो रू नु शुश तौ बाक्‍नीम। मिनु पिपमी सासन पाइब नु गेय पाइब नेल्‍ल आन क्‍येङा आं कली शुश मान गेशो बाक्‍ब” दे आ नें बोरपाइश्‍शा लोव़ पाप्‍तु।

एस्‍तर 7:6

मिनु एस्‍तरमी “मेको श्‍येत गेब, मरिम्‍शो मुर एको हामान बाक्‍ब” देंत। मिनु हामान पिप नु पिपीम आ ङोंइती हिंशा, सेंदा का यो ग्रुंइने मचब।

एस्‍तर 8:3

मिनु एस्‍तरमी लेंशा पिप आ खोइलीम बाप्‍शा, ङाक्‍शा नमो सिमो पा “अगाग आ मुर हामानमी यहूदी आन पर्बम ब्रेक्‍शो मरिम्‍शो ब्रेक्‍स क्‍याम्‍शा गेन” दे पुंइतु।

भजन संग्रह 12:8

मारदे हना मुर आन दातेमी इन अरेशो मपाइब शुश दुम्‍शा, मरिम्‍शो पाइबपुकी तेइ तेइ ब्रशो बाक्‍नीम।

हितोपदेस 29:2

ठीक पाइबपुकी सासन पाइब दुम्‍तेक्‍म हना, मुर नेल्‍ल ग्‍येरसीनीम। तन्‍न परमप्रभु यावे आ अरेशो मटीब मुरुमी सासन पाप्‍तु हना, मुर श्‍येत जाइनीम। हितोपदेस ११:१०

उपदेसक 10:6

मूर्ख आन कली ठेयब मुर सेल्‍नीम। तन्‍न शोंप पाइश्‍शोपुकी आइक्‍च दुम्‍शा बाक्‍नी‍म।

दानीएल 6:2

मिनु पिप दाराम मारेइ मजाम्‍ल, दे मेको नेल्‍ल आन कली ठेयब कोव़ब मुर सां वोइश्‍शो बाक्‍‍त। मिनु मेको सां आन दातेमी का दानीएल बाक्‍त। मेको हुकुम पाइबपुकीमी ठेयब कोव़ब मुर सां आन कली रागीम मार दुम्‍मे, मेको शोव़चा माल्‍शो बाक्‍‍तेक्‍म।

गन्‍ती 24:7

मेको आन गरपुकीम ब्‍वाक्‍कु ब्रीशा क्‍युप्‍ब। मिनु मेको आन रू शुश ब्‍वाक्‍कु ताइनीम। मेको आन पिप अगाग क्‍येङा यो ठेयब बाक्‍‍ब। मिनु मेको आ राज्‍य ठेयब सेल्‍चा पुंइसीब।

१ सामुएल 15:33

मिनु सामुएलमी “दोपा इ तरवारम मीश मुर आन कली आल मपाइश्‍शो सेला, मोपा इ ममा यो मीश मुर आन दातेमी आल मपाइश्‍शो दुम्‍ब” देंमाक्‍त। मिनु सामुएलमी अगाग कली परमप्रभु यावे आ ङोंइती गिल्‍गालम क्‍योरशा सदा बाक्‍त।

१ सामुएल 15:8

तन्‍न मेकोमी अमालेकी आन पिप अगाग कली सेसीन ग्‍याइक्‍ता बाक्‍त। अरु नेल्‍ल आन कली तरवारम सदमे बाक्‍त।