एस्‍तर 2:7 - Sunuwar Bible

⁷ मिनु मोरदेकैमी आ बकान्‍छा आ तमी हदस्‍सा कली आ तमी खोदेंशो सेल्‍शा, थुल्‍शा वोइश्‍शो बाक्‍माक्‍त। मेको के आ आम आफ निम्‍फा बेक्‍शो बाक्‍ताक्‍स। मेकोमी हदस्‍सा कली एस्‍तर नें यो वोइश्‍शो बाक्‍माक्‍त। एस्‍तर रिम्‍शो नु दारशो मीश आल बाक्‍माक्‍त। मेको आ आम आफ बेक्‍सा नोले मोरदेकैमी मेको कली आंम तमी खोदेंशो पा दाक्‍शा, थुल्‍शो बाक्‍माक्‍त। एस्‍तर ८:१

एस्‍तर 2:7 ပူးပေါင်းရင်းမြစ်များ

उत्पत्ती 48:5

आं जाक्‍चा ङोंइती, इजीप्‍त रागीम जरमेशो एफ्राइम नु मनस्‍से, इ तौ निक्‍शी आं मुर दुम्‍चा माल्‍नीस। रूबेन नु सिमियोन खोदेंशो पा आं केन दुम्‍चा माल्‍नीस। उत्‍पत्ती ४१:५०-५२

एस्‍तर 1:11

“पिपीम वास्‍ती कली आ सिरपेच गुम्‍सीशा, मुर नेल्‍ल नु हुकुम पाइब आन ङोंइती आ दारस कोंइचा कली चाक्‍कीन” दे अरेशा सोइक्‍ताक्‍व। मारदे हना मेको पिपीम शुश दारशो बाक्‍‍त।

एस्‍तर 2:15

मिनु मोरदेकै आ बकान्‍छा अबीहेल आ तमी एस्‍तर पिप आ बाक्‍तीकेम लतीक पालो जाक्‍‍त। एस्‍तर पिप आ बाक्‍तीकेम लमेनु, मीश आल आन कली कोव़ब ठेयब मुर हेगेम मार मार गेवा, मेको ला लाइश्‍शा लमाक्‍त। अरु मारेइ मपुंइदा बाक्‍त। सु सुमी एस्‍तर कली तामे, मेको नेल्‍लेमी एस्‍तर कली दाक्‍त्‍मे बाक्‍त।

एस्‍तर 2:20

मोरदेकै आ देंशो खोदेंशो पा एस्‍तरमी आ किकी पिपी मार जात ङा बाक्‍मा, सु बाक्‍मा सुइ आन कली मशोव़शो बाक्‍त। मेकोमी आल बाक्‍म ना मोरदेकै कली टिशो खोदेंशो पा, ठेयब दुम्‍शा यो टिप्‍तु।

एस्‍तर 8:1

मिनु मेको नाक्‍त पिप अहासूरसमी यहूदी आन जोरी सत्रु हामान आ खिं पिपीम एस्‍तर कली गेप्‍तु। मारदे हना एस्‍तरमी पिप कली “गो मोरदेकै आ खिं ङा मुर का नङ” दे शेंतीके, मोरदेकै पिप आ बाक्‍तीकेम जाक्‍चा माल्‍ताक्‍व। एस्‍तर २:७

अय्‍युब 31:17

गो आं जचा थोव़क आं कान जशो बाक्‍‍ती हना नु रोम रोइक्‍च आन कली योक्‍शा मगेशो बाक्‍‍ती हना, मोदेंशो दुम्‍ल।

अय्‍युब 31:18

गो रोम रोइक्‍च आन कली आन आफोमी खोदेंशो पा थुल्‍तामी। गो जरमेसीङ रेन आन वोंइश बेक्‍शो मीश मुर आन कली वारच पाइक्‍तामी। अय्‍युब २९:१६

२ कोरिन्‍थी 6:18

मिनु गो इन आफ दुम्‍नुङ। मिनु गेपुकी आं तमी तौ दुम्‍नीनी” दे नेल्‍ल सक्ति पाइश्‍शो परमप्रभु यावेमी देंत, दे ब्रेक्‍शो बाक्‍ब। यसैया ५२:११; इजीकीएल २०:४१; २सामुएल ७:१४; यसैया ४३:६; होसे २:१

एफिसी 6:4

गे आफपुकी, इन आल आन कली मगाइक्‍पतीन। तन्‍न मेको आन कली रिम्‍शो थुल्‍शा कोल्‍पतीन। मिनु मेको आन कली शेंशा, प्रभु सु बाक्‍बा मेको तुइक्‍पतीन। ब्‍‍यवस्‍था ६:२०-२५

१ यूहन्‍ना 3:1

इं आफोमी इं कली शुश दाक्‍शा “परमप्रभु यावे आ तमी तौ” दे नें वोइश्‍शो बाक्‍त। मिनु गोपुकी आ तमी तौ दुम्‍तय। मोपतीके रागी ङा मुरपुकीमी इं कली मतुइक्‍नीम। मारदे मतुइक्‍नीम देंशा हना, मेकोपुकीमी येसु ख्रीस्‍त कली यो मतुइक्‍नीम। यूहन्‍ना १:१२; यूहन्‍ना १६:३