एस्‍तर 2:21 - Sunuwar Bible

²¹ मेना मोरदेकै पिप आ दरवार ङा ठेयब लाप्‍चोमी बाक्‍शो बाक्‍त। मिनु सु जाक्‍म, दे कोव़ब, पिप आ ठेयब गेय पाइब बिग्‍थान नु तेरेश माइश्‍शो मुर चुरशा गारशा, पिप अहासूरस कली साइक्‍चा लोव़ पाम्‍से बाक्‍त। एस्‍तर ६:१-२

एस्‍तर 2:21 ပူးပေါင်းရင်းမြစ်များ

२ सामुएल 16:11

मिनु दाऊदम अबीशै नु आ गेय पाइब नेल्‍ल आन कली “आं तौमी आं कली साइक्‍चा माल्‍ब हना, मेरे बेन्‍‍यामीन आ थर ङा मुर के मार लोव़ पचा ङा? मेरे कली प्रोनीन। मेरेमी सराप पवल। मारदे हना परमप्रभु यावेमीन मेरे कली सराप पचा गेशो बाक्‍म माइ।

१ राजा 16:9

मिनु मेको आ लडाइ पाइब बग्‍गी चलेब, आन भाग निक्‍शीमी भाग का ङा ठेयब मुर जिम्रीमी मेको कली मरिम्‍शो पचा गोवा बाक्‍त। मेना पिप एलाह तिरचा सहरम आ खिं ङा मारेइ मारेइ कोव़ब अरचा आ खिं तिरचा सहरम बाक्‍शा, तूशा दुक्‍शो बाक्‍माक्‍त।

२ राजा 12:20

मिनु नोले मेको आ गेय पाइब मुरपुकीम मेको कली साइक्‍चा माल्‍मे बाक्‍त। मिनु योआश कली सिल्‍ला सहर ङा लुक्‍च लतीक लां मिल्‍लो माइश्‍शो दरवारम सदमे बाक्‍त। २राजा १४:५

२ राजा 21:23

आमोन आ गेय पाइबपुकीम मेको कली साइक्‍चा माल्‍मे बाक्‍त। मिनु मेको कली पिप आ खिंमीन सदमे बाक्‍त।

एज्रा 4:6

मिनु अहासूरसमी सासन पचा गोवा आ ङोंइती ङा बर्स, मेको रागी ङा मुरपुकीमी यहूदा नु यरूसलेम ङा मुर आन कली दोस गेशो ब्रेक्‍स का ब्रेक्‍शा सोइक्‍ताक्‍मी।

एस्‍तर 2:19

मेको कन्‍ने मीश आल आन कली लेंशा पिप आ दरवारमी चाक्‍गमेनु, मोरदेकै यो दरवार ङा ठेयब लाप्‍चोम बाक्‍शो बाक्‍त।

एस्‍तर 6:1

मिनु मेको नाक्‍दो पिप इप्‍ने मचब। मिनु पिपमी इतिहास ब्रेक्‍शो किताब चाक्‍पाइक्‍तु। मिनु मेको पढेपपाइश्‍शा नेंतु। एस्‍तर २:२१-२२

एस्‍तर 6:2

मिनु मेको किताबमी पिप आ लाप्‍चोम बाक्‍ब बिग्‍थान नु तेरेश माइश्‍शो ठेयब लाप्‍चोम गेय पाइब निक्‍शीमी चुरशा पिप अहासूरस कली साइक्‍चा माल्‍शो लोव़ नु मोरदेकैमी पिप कली तुइक्‍पाइश्‍शो आ पर्बम ब्रेक्‍शो बाक्‍त।

भजन संग्रह 144:10

गे पिप आन कली ग्रापाइक्‍नीनी। गे इन गेय पाइब दाऊद कली बेक्‍चा रे प्रोंइतीनी।

दानीएल 2:49

मिनु दानीएलमी “शद्रक, मेशक नु अबेद-नेगो आन कली बेबीलोन रागी ङा सासन पतीक गेय गेचा” दे पिप नु लोव़ पा पुंइतु। दानीएल चहिं पिप आ दरवारमीन बाक्‍त। दानीएल ३:१२