एस्‍तर 2:18 - Sunuwar Bible

¹⁸ मिनु नोले पिपमी एस्‍तर कली मान पचा कली हुकुम पाइब नेल्‍ल नु गेय पाइब आन कली ठेयब भोज का गेप्‍तु। मिनु रागी नेल्‍ल ङा मुर आन कली गेय मपथु बाक्‍चा गेशा, पिपम गेचा माल्‍शो मुर आन कली शुश इनाम गेम्‍तीमी।

एस्‍तर 2:18 ပူးပေါင်းရင်းမြစ်များ

उत्पत्ती 29:22

मिनु लाबानमी सहर ङा मुर नेल्‍ल ब्रेश्‍शा, भोज गेमी बाक्‍त।

नेहेम्‍याह 8:11

मिनु लेवीपुकीमी मुर नेल्‍ल आन कली “सिक्‍सी पा बाक्‍कीन। मुलाक्‍ती परमप्रभु आ ठेयब नाक्‍त बाक्‍ब। हिशेक मपने। मङाक्‍कीन” देंतेक्‍म। मारदे हना मुर नेल्‍ल परमप्रभु यावे आ लोव़ नेंशा ङाक्‍तेक्‍म। नेहेम्‍याह ५:१४

एस्‍तर 1:7

मिनु मेको मुर आन कली सुन के कचौरामी अङगुर शांबु तूचा गेशो बाक्‍तेक्‍म। मेको कचौरा का का पा अर्को अर्को खाल ङा बुटा आप्‍शो बाक्‍तेक्‍म। मिनु पिपमी मेको आन कली शुश अङगुर शांबु तूचा गेप्‍तु।

एस्‍तर 9:22

मारदे हना मेको नाक्‍त यहूदी आन जोरी सत्रु रे नाइक्‍चा ताम्‍तेक्‍म। मिनु मेको महिनामी आन थुं लुक्‍च ल‍तीक रे ग्‍येरशो थुं दुम्‍तेक्‍म। मिनु आन रोंका पतीके रे ठेयब ग्‍येरतीक नाक्‍त फांइसाक्‍व। मेकोपुकीमी मेको नाक्‍त चाड का सेल्‍शा, ग्‍येरतीक नाक्‍त सेल्‍चा माल्‍नीम। मिनु कोसेली सोइक्‍मुशा, प्रुङग आन कली मार मार गेचा माल्‍नीम” दे ब्रेक्‍शो बाक्‍त।

ठेयब कुम्सो 3:11

ए सियोन ङा तमीपुकी, लाङगा ग्रूशा पिने। मिनु पिप सोलोमनम सिरपेच गुक्‍शो कोव़ङीन। मेको सिरपेच मेको आ ममामी ग्‍येरसीशा मेको आं ग्‍युं‍बे नाक्‍ती गेशो बाक्‍त।

ठेयब कुम्सो 5:1

ए आं समी, आं ग्‍युम्‍ली, गो आं फल फुल रूमी जाक्‍ती। गो आं ब्रोव़शो रिना पाइश्‍शो मूरे नु मस्‍ला खुप्‍ताक्‍ङमी। गो आं सुरबु चाका नु आं खुदो जाइनुङ। गो आं अङगुर शांबु नु आं दूध तूनुङ। ए वारचपुकी, जने तूङीन। वारचपुकी दाक्‍तीकेम दुक्‍शो खोदेंशो दुमीन।

मत्ती 22:2

“स्‍वर्ग ङा राज्‍य ओदेंशो बाक्‍ब, पिप कामी आ तौ आ ग्‍युंबे पा भोज पचवा बाक्‍त। यूहन्‍ना ३:२९

मर्कूस 6:21

काबु मार दुम्‍माक्‍त देंशा हना, पिप आ जरमेशो नाक्‍ती मिम्‍चा कली हेरोद पिपमी आ दरवार ङा गेय पाइब, सरकार ङा गेय पाइब नु गालील ङा ठेयब मुर नेल्‍ल आन कली ब्रेश्‍शा, ठेयब भोज का गेवा बाक्‍त।

लूका 14:8

“जन्‍ती लनीनु, सम्‍दी नित्‍तीकेमी मनिस्‍सीन। हितोपदेस २५:६-७

प्रकाश 11:10

मारदे हना मेको परमप्रभु यावे आ लोव़ पाइब निक्‍शीमी रागीम बाक्‍ब आन कली शुश श्‍येत गेतीके, रागीम बाक्‍बपुकीमी मेको आस कली साइश्‍शो तशा, शुश ग्‍येरशा, मार मार गेमुम्‍तेक्‍म।

प्रकाश 19:9

मेको परमप्रभु यावे आ स्‍वर्ग ङा गेय पाइबमी आं कली “एको लोव़ ब्रेक्‍तो। पाठा आ ग्‍युंबे जचा कली ब्रेत्‍चा पुंइसीबपुकी ग्‍येरसीशो मुरपुकी बाक्‍नीम” दे माइक्‍ती। मिनु मेकोमी लेंशा आं कली “मेको थमा पा परमप्रभु आ लोव़ बाक्‍ब” दे माइक्‍ती। लूका १४:१५

१ सामुएल 25:8

इन ठिटा आन कली हिल्‍लो पने। मिनु मेकोपुकीम इन कली शेंनीम। मोपतीके आं मुर आन कली रिम्‍शो पा शिशी पा ब्रने। मारदे हना मुलाक्‍त चाड का बाक्‍ब। इन गेय पाइब नु इन तौ दाऊद कली मार गेने चाप्‍नीनी मेको गेने’ देंत, दे मतीन” देंमाक्‍त।