एस्‍तर 10:2 - Sunuwar Bible

² पिप अहासूरस आ अधिकार नु सक्ति आन पर्बम नु दोपा मेकोमी मोरदेकै कली ठेयब गेय पपदा, मेको आ पर्बम मादी नु पारसी पिप आन इतिहास ङा किताबमी ब्रेक्‍शो बाक्‍ब। एस्‍तर २:८,१५

एस्‍तर 10:2 ပူးပေါင်းရင်းမြစ်များ

१ राजा 11:41

मिनु सोलोमनम पशो अरु गेय, आ जोक्‍तीक तुइक्‍तीक, मार, मेको सोलोमन आ इतिहासम ब्रेक्‍शो मबाक्‍बा ङा? २इतिहास ९:२९-३१

१ राजा 14:19

येरोबाम आ पशो अरु गेय, मेको आ पशो लडाइपुकी, मेकोम दोदेंशो पा सासन पवा, मेको नेल्‍ल इस्राएल ङा पिप आन इतिहासम ब्रेक्‍शो बाक्‍ब।

१ राजा 22:39

आहाब आ पशो अरु गेय, मेको आ पशो नेल्‍ले, मेको आ सेल्‍शो हात्ती आन ख्रुइ के खिं नु मेको आ सेल्‍शो सहरपुकी, मार, मेको इस्राएल ङा पिप आन इतिहासम ब्रेक्‍शो मबाक्‍बा ङा?

एस्‍तर 2:23

मिनु मेको लोव़ हिल्‍लो हिक्‍सी पामेनु, थमा बाक्‍त, दे पिपमी तुइक्‍ताक्‍व। मिनु मेको ठेयब गेय पाइब आस कली थामम क्‍युक्‍शा साइक्‍तेक्‍म। मिनु नोले पिप आ ङोंइती मेको लोव़ नेल्‍ल इतिहास ब्रेक्‍तीक किताबमी ब्रेक्‍ताक्‍म।

एस्‍तर 6:1

मिनु मेको नाक्‍दो पिप इप्‍ने मचब। मिनु पिपमी इतिहास ब्रेक्‍शो किताब चाक्‍पाइक्‍तु। मिनु मेको पढेपपाइश्‍शा नेंतु। एस्‍तर २:२१-२२

एस्‍तर 8:15

मिनु मोरदेकै पिप आ बाक्‍तीक रे दरवार ङा ठेयब नीलो नु बुश फेक्‍तीक वा फेक्‍शा, पियाजी रङ ङा बरखी रुक्‍शा, पियामी सुन के ठेयब सिरपेच गुप्‍शा, सहर लत। मिनु मोरदेकै कली तशा, सुसा सहर ङा मुरपुकी थाम्‍पान ग्‍येरसाक्‍म।

एस्‍तर 8:2

मिनु पिपमी हामान रे रोइश्‍‍शो अधिकार ङा छाप थोक्‍तीक औंठी प्रुइश्‍शा, मोरदेकै कली गेप्‍तु। मिनु एस्‍तरमी मोरदेकै कली हामान आ खिं कली अधिकार पाइब सेल्‍तु। एस्‍तर ३:१०

एस्‍तर 9:4

मोरदेकै पिप आ दरवारमी ठेयब मुर दुम्‍त। मिनु रागी नेल्‍लेमी आ नें तुइक्‍ताक्‍म। मोपा मेको आ सक्ति बारना बारन लत।

भजन संग्रह 18:35

गे ब्रोंइतीके ङा इन तेक्‍तीक आं कली गेतीनी। इन ग्‍युरा गुइमी आं कली वारच पाइश्‍शा, ठेयब सेल्‍तीनी।

दानीएल 2:48

मिनु पिपमी दानीएल आ मान बारपाइक्‍तु। मिनु शुश शोंप गेप्‍तु। मिनु बेबीलोन रागी नेल्‍ल कली हुकुम पाइब नु जोक्‍ब तुइक्‍ब मुर नेल्‍ल आन ठेयब मुर सेल्‍तु।