एस्‍तर 1:6 - Sunuwar Bible

⁶ मिनु पिप आ दरवार नेल्‍ल दारपाइक्‍चा कली बुश नु नीलो वा क्‍याइश्‍शो बाक्‍तेक्‍म। मेको वापुकी नीलो झुम्‍का पाइश्‍शो दारशो मलमल के बाक्‍तेक्‍म। मिनु मेको वा आन कली बुश नु नीलो डोरी पाइश्‍शो, चांदी के ग्‍याइक्‍तीकेमी शुश क्‍येट लाइब बुश फुल्‍लु के थामम क्‍युक्‍शो बाक्‍तेक्‍म। मेकेर सुन नु चांदी के सेल्‍शो नित्‍तीके बाक्‍तेक्‍मे। मेको बुटा आप्‍शो शुश क्‍येट लाइब बुश, गिगी नु क्‍येर फुल्‍लुम साप्‍शो खप तारी वोइश्‍शो बाक्‍तेक्‍म।

एस्‍तर 1:6 ပူးပေါင်းရင်းမြစ်များ

एस्‍तर 7:8

मिनु पिप फू रू रे लेश्‍शा, भोज जतीक कोठाम जाक्‍मेनु, हामान चहिं एस्‍तर आ इप्‍तीकेम बाप्‍शा, आ नेक्‍था गुर ब्‍वेशा बाक्‍शो ताप्‍तु। मिनु पिपमी ठेयब सेंदामी “मार, मेकोमी पिपीम कली आं ङोंइती थिचा मिम्‍बा?” देंत। मिनु पिपम मोदेंशो देंम नोले, पिप आ गेय पाइबपुकीमी हामान आ कुल सुम्‍तेक्‍म।

एस्‍तर 8:15

मिनु मोरदेकै पिप आ बाक्‍तीक रे दरवार ङा ठेयब नीलो नु बुश फेक्‍तीक वा फेक्‍शा, पियाजी रङ ङा बरखी रुक्‍शा, पियामी सुन के ठेयब सिरपेच गुप्‍शा, सहर लत। मिनु मोरदेकै कली तशा, सुसा सहर ङा मुरपुकी थाम्‍पान ग्‍येरसाक्‍म।

प्रस्‍थान 26:1

आं बाक्‍तीके सेल्‍चा कली रिम्‍शो पा किरशो सुती श्‍येले के १० ओटा ताम्‍बु साप्‍तीके प्रोव़पाइक्‍चा माल्‍नेवे। मेको सुती श्‍येले नीलो, प्‍याजी नु लल रङम नुप्‍शो बाक्‍चा माल्‍ब। मिनु मेको वामी करूब बुटा आप्‍शा, थाम्‍पा रिम्‍शो प्रोव़स जोक्‍ब मुर आन कली प्रोव़पाइक्‍चा माल्‍नेवे।

इजीकीएल 23:41

गे आंम दारशो खाटम बाक्‍ते। मिनु मेको आ ङोंइती आं धूप नु तेल वोइक्‍तीवी।

आमोस 2:8

मेको आन देवता थानम जाकटी वोइश्‍शो वा तार बाक्‍शा, सजाइ आ पा ङा थाप्‍शो क्‍येटीम, अङगुर शांबु ग्‍याप्‍शा तूनीम। प्रस्‍थान २२:२५

आमोस 3:12

मिनु परमप्रभु यावेमी “दोपा गोठलामी गुप्‍स आ शोव़ रे भेडा आ खोइल निक्‍शी कि नोफा आ टुक्रा का ला हना यो रोइक्‍बा, मोपा सामरीयाम नित्‍तीक आ कुना नु खाटम बाक्‍शा यो इस्राएल ङा मुर प्रोंइचा पुंइसीनीम” देंत।

आमोस 6:4

आबी, मेको हात्ती आ दारा के सेल्‍शो खाटमी इप्‍नीमी। आन इप्‍‍तीकेमी गोल्‍शा बाक्‍नीमी। मेकोपुकीम क्‍यारश भेडा आन पाठा नु गोठ ङा बाछा ब्‍वाइनीमी।

१ सामुएल 28:23

मिनु सावलमी “गो मजाइनुङ” देंमाक्‍त। तन्‍न आ गेय पाइबमी यो मेको मीश मुर आ देंशो लोव़मी लोव़ तेम्‍दा बाक्‍त। मिनु मेको आन देंशो लोव़ बिश्‍शा, खप रे बोक्‍शा, खाटम निस्‍से बाक्‍त।