एस्‍तर 1:4 - Sunuwar Bible

⁴ मिनु मेको पिपमी १८० नाक्‍त सम्‍म आ राज्‍य ङा शुश शोंप, आ दारस नु आ ठेयब दुम्‍तीके मेको आन कली कोंइताक्‍मी।

एस्‍तर 1:4 ပူးပေါင်းရင်းမြစ်များ

१ इतिहास 29:25

मिनु परमप्रभु यावेमी सोलोमन कली इस्राएली नेल्‍ल आन ङोंइती ठेयब सेला बाक्‍त। मिनु मेको कली राज्‍य नु मान ततीके शुश गेवा बाक्‍त। इस्राएलम मेको क्‍येङा ङोंइती ङा तेकोइ पिप आन कली मोदेंशो मान ततीके मगेशो बाक्‍माक्‍त।

एस्‍तर 1:3

मिनु मेको पिप दुम्‍शो ३ बर्स जाक्‍दीम्‍मेनु, आ हुकुम पाइब मुर नु सरकार ङा गेय पाइब नेल्‍ल आन कली भोज का गेप्‍तु। मेको भोजमी मादी नु पारसी आन ठेयब मुर नु मेको रागी ङा हुकुम पाइब नेल्‍ल जाक्‍शो बाक्‍तेक्‍म।

एस्‍तर 1:5

मेको कोंइतीक नाक्‍त नुम्‍मेनु, मेको पिपमी आ दरवार ङा ठेयब नु आइक्‍च मुर नेल्‍ल आन कली ठेयब भोज गेप्‍तु। मिनु मेको भोज सुसा दरवार ङा लाङगाम ७ नाक्‍त सम्‍म दुम्‍‍त।

अय्‍युब 40:10

चाप्‍नेवे हना, मान ततीकेम नु ठेयब दुम्‍तीकेम आंम कली ग्‍योम्‍सो। गे इ एर ओंथ दारस नु छेङछेङ वोंइसो।

भजन संग्रह 145:5

आं पिप, गो इन शुश दारस ङा मान ततीके नु इन छक लाक्‍चा ङा गेय आ पर्बम मिम्‍ना मिम्‍न बाक्‍नुङ। भजन संग्रह १९:२-७

भजन संग्रह 21:5

इन प्रोंइतीकेमी आ दारस ठेयब दुम्‍त। शोंप नु मान ततीके मेको तारी वोइक्‍तीनी।

भजन संग्रह 45:3

गे बोल्‍यो मुर, इन किप्‍शुर किप्‍शा इन तरवार पिम्‍सीन। मिनु इन दारस नु इन मान ततीके कोंइदीन।

भजन संग्रह 93:1

परमप्रभु यावेमी सासन पाइब। मेको पिप आ वाम ग्‍योम्‍सीशो बाक्‍ब। परमप्रभु यावेमी आ सक्ति किम्‍सीशो बाक्‍ब। रागी आ जग बोल्‍यो बाक्‍ब, मेको गेनायो महिम्‍सीब। भजन संग्रह ४७:८; भजन संग्रह ९६:१०; भजन संग्रह ९७:१; भजन संग्रह ९८:६; भजन संग्रह ९९:१; भजन संग्रह १४६:१०; प्रस्‍थान १५:१८

यसैया 39:2

मिनु हिज्‍कीयाहमी मेको आन कली तशा, ग्‍येरशा आ शोंप वोइक्‍तीके खिं नेल्‍ल कोंइदा बाक्‍त। मार कोंइदा बाक्‍त देंशा हना, सुन चांदी, मस्‍लापुकी, रिम्‍शो शुश क्‍येट लाइब थोव़क, तेल, आ या वोइक्‍तीके नेल्‍ल नु आ शोंप नेल्‍ले कोंइदा बाक्‍त। आ खिं नु आ रागीमी मेको आन कली मकोंइशो मारेइ मलीमाक्‍त।

इजीकीएल 28:5

गे इ रुप्‍तीक थुंम ग्‍याप्‍तीक लेयतीक गेय पा इ शोंप बारपाइश्‍शो बाक्‍नेवे। मिनु इ शोंपोम पतीके गे बोरशा ठेयब लेश्‍शो बाक्‍नेवे, देंशो बाक्‍ब” देंत।

दानीएल 4:30

मेकोमी “मार, एको बेबीलोन थम रिम्‍शो मबाक्‍बा ङा? गो एको आं ठेयब सक्तिमी आं शुश शोंप वोइश्‍शा, बाक्‍चा कली सेल्‍ता” देंत। हितोपदेस १६:१८

दानीएल 4:36

मेना आं निप्‍स लेंशा रिम्‍शो दुम्‍त। मिनु आं राज्‍य ङा छेङछेङ आं कली लेत्‍ताक्‍यी। आं कली अर्ती गेब नु आं ठेयब गेय पाइबपुकी आं कली ग्रुम्‍थ जाक्‍तेक्‍म। मिनु गो लेंशा पिप दुम्‍ती। मिनु गो ङोंइती क्‍येङा शुश सक्ति नु मान ताता।

दानीएल 5:18

हजुर, नेल्‍ल क्‍येङा ठेयब परमप्रभुमी इन आफ पिप नेबुकदनेसर कली राज्‍य, ठेयब दुम्‍तीके, मान ततीके नु शुश शोंप गेशो बाक्‍त। दानीएल २:३७

मत्ती 4:8

मिनु नोले सैतानमी येसु कली ठेयब लाइश्‍शो डांडा तारी लदा बाक्‍त। मेकेर चाक्‍दीश्‍शा, रागी ङा नेल्‍ल राज्‍यपुकी नु आन दारस कोंइदा बाक्‍त।

मत्ती 6:13

सैतानमी आंइ थुं हिरपाइक्‍चा मगेने। आंइ कली सैतान रे प्रोनीने। मारदे हना राज्‍य, सक्ति नु छेङछेङ गेना हना यो इन के नम’ आमेन। यूहन्‍ना १७:१५; १कोरिन्‍थी १०:१३; १इतिहास २९:११-१३

रोमी 9:23

मेकोमी आ ठेयब गेय कोंइचा कली का निक्‍शी आन कली शिशी पशा, गेना हना यो काथा बाक्‍शा, आ छेङछेङ कोंइ‍चा कली योव़तीमी। एफिसी १:३-१२

एफिसी 1:18

गे मेको आन कली मार कली ब्रेश्‍शो बाक्‍नीनी, थमा सुइक्‍ब आन ततीक मार बाक्‍बा, इन छेङछेङ गिश ठेयब बाक्‍बा, मेको नेल्‍ल रुप्‍तीक थुं गेने।

कलस्‍सी 1:27

परमप्रभु यावेमी मेको आन कली “आं ङोंइती ख्रुइश्‍शो लोव़ अर्को रागी ङा मुर आन कली गिश रिम्‍शो, गिश ठेयब बाक्‍ब” दे तुइक्‍पाइक्‍तु। मेको ख्रुइश्‍शो लोव़ मार बाक्‍ब देंशा हना, ख्रीस्‍त इन आगामी बाक्‍ब। मिनु इन कली परमप्रभु यावे आ छेङछेङम बाक्‍चा गेब आस यो ख्रीस्‍तम बाक्‍ब। १तिमोथी १:१

प्रकाश 4:11

“गे प्रभु, आंइ परमप्रभु यावे ननी। गे सक्ति पाइश्‍शा, छेङछेङम बाक्‍शा, मान ताइब बाक्‍नीनी। मारदे हना गे मारेइ मारेइ सेल्‍तीनी, मोपा इन दाक्‍शा सेल्‍शो मुल सम्‍म बाक्‍ब” दे कुम्‍सो पना पन बाक्‍तेक्‍म।